ନିର୍ବାଚନ ତାରିଖ ଘୋଷଣା ହେବାପରେ ଯୋଗୀଙ୍କ ପାଇଁ ରିଟର୍ନ ଟିକେଟ୍ ବୁକ୍ କଲେ ସପା ନେତା, କହିଲେ ଏଭଳି କଥା
କନକ ବ୍ୟୁରୋ : ଉତ୍ତର ପ୍ରଦେଶ ବିଧାନସଭା ନିର୍ବାଚନ ତାରିଖ ଘୋଷଣା ହେବା ପରେ ସରଗରମ ହୋଇଛି ରାଜ୍ୟ ରାଜନୀତି । ଆଚାର ସଂହିତ ଲାଗିବା ପରେ ସବୁ ରାଜନୈତିକ ଦଳର ନେତାମାନେ ଆକ୍ଟିଭ ମୋଡକୁ ଆସିଛନ୍ତି । ଜଣେ ଅନ୍ୟଜଣଙ୍କୁ ଟାର୍ଗେଟ କରି ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ଏହି କ୍ରମରେ ବିଜେପିର ପୂର୍ବତନ ପ୍ରବକ୍ତା ତଥା ବର୍ତମାନ ସମାଜବାଦୀ ପାର୍ଟିର ନେତା ଆଇପି ସିଂ ସୋସିଆଲ ମିଡିଆରେ ଏଭଳି ଏକ ପୋଷ୍ଟ କରିଛନ୍ତି ଯାହାକି ବିଜେପି ପାଇଁ ବଡ ଝଟକା ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ତାରିଖ ଘୋଷଣା ହେବା ପରେ ଆଇପି ସିଂ ୟୁପି ଆଦିତ୍ୟନାଥଙ୍କ ପାଇଁ ଲକ୍ଷ୍ନୌରୁ ଗୋରଖପୁର ପର୍ଯ୍ୟନ୍ତ ରିଟର୍ନ ରେଳ ଟିକେଟ କାଟି ଦେଇଛନ୍ତି । ଏହି ଟିକେଟ ୧୧ ମାର୍ଚ୍ଚ ପାଇଁ କଟାଯାଇଛି । ଏନେଇ ସପା ନେତା ଆଇପି ସିଂ ଦାବି କରିଛନ୍ତି କି ମାର୍ଚ୍ଚ ୧୦ ତାରିଖରେ ୟୁପି ନିର୍ବାଚନର ଫଳାଫଳ ସମାଜବାଦୀ ପାର୍ଟି ସପକ୍ଷରେ ଆସିବ । ଏହାପରେ ଯୋଗୀ ଆଦିତ୍ୟନାଥଙ୍କୁ ବିଜେପି ବି ପଚାରିବ ନାହିଁ । ତେଣୁ ସେ ତୁରନ୍ତ ଲକ୍ଷ୍ନୌ ଛାଡି ଗୋରଖପୁର ଜିବାକୁ ବାଧ୍ୟ ହେବେ ।
10 मार्च जनता का दिन होगा, 10 मार्च प्रदेश में सच्चाई का सूरज निकलेगा और सपा प्रचंड बहुमत के साथ सरकार बनाएगी।
इसलिए मैंने @myogiadityanath जी के लिए लखनऊ से गोरखपुर का 11 मार्च का रिटर्न टिकट बुक कर दिया है।
यह टिकट सम्भाल कर रखिए, क्यूँ कि BJP भी नहीं पूछेगी आपको हार के बाद। pic.twitter.com/1mNb3a6a4H
— I.P. Singh (@IPSinghSp) January 8, 2022
ଟ୍ୱିଟରରେ ଆଇପି ସିଂ ଏକ ଫଟୋ ପୋଷ୍ଟ କରି କହିଛନ୍ତି କି “ମାର୍ଚ୍ଚ ୧୦ ତାରିଖ ଜନତାଙ୍କ ଦିନ ହେବ,ଳ ମାର୍ଚ୍ଚ ୧୦ ତାରିଖରେ ସତ୍ୟର ସୂର୍ଯ୍ୟ ଉଦୟ ହେବ ଓ ସମାଜବାଦୀ ପାର୍ଟି ବହୁମତ ସହ ୟୁପିରେ ସରକାର ଗଠନ କରିବ । ଏହି କାରଣରୁ ମୁଁ ଯୋଗୀ ଆଦିତ୍ୟନାଥଙ୍କ ପାଇଁ ଲକ୍ଷ୍ନୌରୁ ଗୋରଖପୁର ରିଟର୍ନ ଟିକେଟ ୧୧ ମାର୍ଚ୍ଚ ପାଇଁ ବୁକିଂ କରିଦେଇଛି । ” ଏହି ଟିକେଟକୁ ସାଇତି ରଖିବା ପାଇଁ ସେ ଯୋଗୀଙ୍କୁ ପରାମର୍ଶ ଦେଇଛନ୍ତି ।