ଆସାମ ମୁଖ୍ୟମନ୍ତ୍ରୀଙ୍କୁ ଶିଖ୍ ସଂଗଠନର ଧମକ । କହିଲେ, ଆମର ଲଢେଇ ସରକାରଙ୍କ ସହ , ଏହି ଝାମେଲା ମଧ୍ୟକୁ ତୁମେ ଆସ ନାହିଁ
କନକ ବ୍ୟୁରୋ : ଖଲିସ୍ତାନୀ ସମର୍ଥକ ତଥା ପଳାତକ ଅମୃତପାଲ ସିଂଙ୍କ କିଛି ସମର୍ଥକଙ୍କୁ ୍ରଆସାମ ଜେଲରେ ରଖାଯାଇଛି । ଆସାମ ସରକାରଙ୍କ ଏଭଳି କାର୍ଯ୍ୟାନୁଷ୍ଠାନକୁ ବିରୋଧ କରି ଏବେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କୁ ଧମକ ଦିଆଯାଇଛି । ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ଉର୍ଦ୍ଦେଶ୍ୟରେ ଗୁରପତବନ୍ତ ସିଂ ପନ୍ନୁ ତରଫରୁ ଏକ ଧମକପୂର୍ଣ୍ଣ ମେସେଜ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁପତବନ୍ତ ସିଂ ପନ୍ନୁଙ୍କ ସଂଗଠନ ଶିଖ୍ ଫର ଜଷ୍ଟିସ ତରଫରୁ ଏହି ଧମକପୂର୍ଣ୍ଣ ମେସେଜରେ କୁହାଯାଇଛି କି, ଖଲିସ୍ତାନୀ ଓ ଅମୃତପାଲ ସିଂ ମାମଲାରୁ ହିମନ୍ତ ବିଶ୍ୱଶର୍ମା ଦୂରେଇ ରୁହନ୍ତୁ । ଏହାସହ ଏହି ମସେଜରେ କୁହାଯାଇଛି କି ଖଲିସ୍ତାନୀ ସମର୍ଥକଙ୍କ ଲଢେଇ ସରକାର ଓ ନରେନ୍ଦ୍ର ମୋଦୀଙ୍କ ସହ ତେଣୁ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଏଥିରେ ସଂପୃକ୍ତ ରହି ହିଂସାର ଶିକାର ହେବାରୁ ବଞ୍ଚିତ ରୁହନ୍ତୁ ।
ଏନେଇ ଶିଖ୍ ଫର ଜଷ୍ଟିସ ସଂଗଠନ ତରଫରୁ ଆସାମର ୧୨ଜଣ ସାମ୍ବାଦିକଙ୍କ ଫୋନ କରି ହିମନ୍ତ ବିଶ୍ୱଶର୍ମାଙ୍କ ଉର୍ଦ୍ଦେଶ୍ୟରେ ଚେତାବନୀ ଦିଆଯାଇଛି । ଫୋନ କରିଥିବା ବ୍ୟକ୍ତିଜଣଙ୍କ ନିଜକୁ ଜଷ୍ଟିସ ଫର ଶିଖ୍ ର ସଦସ୍ୟ ବୋଲି କହିଛି । ଏହାସହ ବ୍ୟକ୍ତିଜଣଙ୍କ କହିଛି କି, ତାଙ୍କୁ ଏଭଳି ଧମକପୂର୍ଣ୍ଣ ମେସେଜ ଦେବାକୁ ଗୁରପତବନ୍ତ ସିଂ ପନ୍ନୁଙ୍କ ତରଫରୁ କୁହାଯାଇଥିଲା । ଫୋନ କଲରେ କୁହାଯାଇଛି କି, ଆସାମ ଜେଲରେ ଥିବା ଖଲିସ୍ତାନୀ ସମର୍ଥକଙ୍କୁ ଜେଲରେ ପ୍ରତାଡିତ କରାଯାଉଛି । ଏଣୁ ଏଭଳି ସମୟ ନଆସୁ କି ହିମନ୍ତ ବିଶ୍ୱଶର୍ମାଙ୍କୁ ହିଂସାର ଶିକାର ହେବାକୁ ପଡୁ ବୋଲି ଫୋନକଲ ମାଧ୍ୟମରେ ଚେତାବନୀ ଦିଆଯାଇଛି ।
ସେପଟେ ଏହି ଫୋନ କଲରେ କୁହାଯାଇଛି କି, ଯଦି ଆସାମ ସରକାର ପଞ୍ଜାବରୁ ଆସାମ ନିଆଯାଇଥିବା ଅମୃତପାଲ ସିଂଙ୍କ ସମର୍ଥକଙ୍କୁ ପ୍ରତାଡିତ କରାଯାଏ ତେବେ ଏହାର ଜବାବ୍ ହିମନ୍ତ ବିଶ୍ୱଶର୍ମାଙ୍କୁ ଦେବାକୁ ପଡିବ ।