ଗୁଜୁରାଟରେ ଆପ୍ ଓ ବିଜେପିର ‘ସ୍ୱପ୍ନ’ ରାଜନୀତି : ମୁହାଁମୁହିଁ ଅମିତ୍ ଶାହା ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ
କନକ ବ୍ୟୁରୋ : ଆଗକୁ ଗୁଜରାଟ ବିଧାନସଭା ନିର୍ବାଚନ । ଗୁଜରାଟ ଦଖଲ କରିବାକୁ ସବୁ ଦଳ କଲେଣି ପ୍ରସ୍ତୁତି । ଜୋରଦାର କସରତ ଭିତରେ ଆମ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ଗୁଜରାଟ ଅହମଦାବାଦରେ ପହଞ୍ଚି ବଡ ଘୋଷଣା କରିଛନ୍ତି । ଗୁଜରାଟ ନିର୍ବାଚନରେ ଆମ ଆଦମୀ ପାର୍ଟି ଦଳ ଏକାକୀ ଲଢିବ କେଜ୍ରିୱାଲ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ନୂଆ ନାରା ଦେଇ ଏକେ କହିଛନ୍ତି ଆଉ ଦୁଇ ମାସ ଭିତରେ ବିଜେପି ଯାଉଛି ଆପ ଆସୁଛି । ଏଥିସହ କଂଗ୍ରେସକୁ କଟାକ୍ଷ କରି କେଜ୍ରିୱାଲ କହିଛନ୍ତି କି କଂଗ୍ରେସର ପତନ ହୋଇସାରିଛି । ନିର୍ବାଚନରେ କଂଗ୍ରେସ ସହ ଆପର କୌଣସି ଲଢେଇ ନାହିଁ । ଯଦି ଲଢେଇ ହେବ ତେବେ ତାହା ପରମ ପ୍ରତିଦ୍ୱନ୍ଦୀ ବିଜେପି ସହ ହେବ ବୋଲି କେଜ୍ରିୱାଲ କହିଛନ୍ତି ।
ସେପଟେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ କରିଛନ୍ତି । ଏବଂ କହିଛନ୍ତି ଗୁଜୁରାଟର ଜନତା ‘ସ୍ୱପ୍ନ ବିକିବା’ ଲୋକଙ୍କୁ ବାଛିବେ ନାହିଁ । ଆସନ୍ତା ଡ଼ିସେମ୍ବର ମାସରେ ଗୁଜୁରାଟର ବିଧାନସଭା ନିର୍ବାଚନ ହେବାକୁ ଯାଉଛି । ଆଉ ଏଥି ମଧ୍ୟରେ ସବୁ ରାଜନୈତିକ ଦଳ ଭିନ୍ନ ଭିନ୍ନ ପ୍ରତିଶ୍ରୁତି କରିବା ସହ ପରସ୍ପର ପରସ୍ପରକୁ ଟାର୍ଗେଟ କରିବାରେ ଲାଗିଛନ୍ତି ।
ଏବଂ ଏହି ସମୟରେ ବିଜେପିର ବରିଷ୍ଠ ନେତା ଅମିତ ଶାହା ଆମଆଦମି ପାର୍ଟିର ମୁଖ୍ୟଙ୍କ ଉପରେ ମତ ରଖିଛନ୍ତି । ଯେଉଁମାନେ ସ୍ୱପ୍ନ ବିକ୍ରି କରନ୍ତି ସେ କଦାପି ଗୁଜୁରାଟରେ ଜିତିବେ ନାହିଁ । ଏବଂ ଏଥର ପୁଣି ଗୁଜୁରାଟରେ ବିଜେପି ଦୁଇ-ତୃତୀୟାଂଶ ବହୁମତ ସହ ଜିତିବେ ବୋଲି ଅମିତ ଶାହ କହିଛନ୍ତି । ଅନ୍ୟପଟେ କେଜ୍ରିୱାଲ ଗୁଜୁରାଟରେ ମାଗଣା ଶିକ୍ଷା, ବିଜୁଳି ଓ କୃଷକଙ୍କ ଋଣ ଛାଡ଼ ଭଳି ଅନେକ ପ୍ରତିଶ୍ରୁତି ଦେଇଛନ୍ତି ।