କନକ ବ୍ୟୁରୋ: ଝାରସୁଗୁଡାର ଦଶମ ଶ୍ରେଣୀ ଛାତ୍ର ସମର୍ଥ ଅଗ୍ରୱାଲ ଓ ହତ୍ୟା ମାମଲାର ଅପହରଣକାରୀଙ୍କ ଧମକପୂର୍ଣ୍ଣ ଅଡିଓ ସାମ୍ନାକୁ ଆସିଛି । ସାଂଘାତିକ କଥା ହେଉଛି ଯେଉଁଦିନ ବରଗଡରେ ପୁଲିସ ସମର୍ଥଙ୍କ ମୃତଦେହ ଜବତ କରିଥିଲା, ସେହି ଦିନ ରାତିରେ ସମର୍ଥକଙ୍କ ବାପାଙ୍କୁ ଫୋନ କରି ଟଙ୍କା ମାଗିଥିଲା ଦୁର୍ବୃତ । ଅର୍ଥାତ୍ ସମର୍ଥକୁ ମାରିଦେବା ପରେ ବି ମିଛ ମୁଣ୍ଡଜାମିନର ବାହାନା କରି ଟଙ୍କା ପାଇଁ ଧମକ ଦେଉଥିଲା ମୁଖ୍ୟ ଅଭିଯୁକ୍ତ ।
Kanak News is now on WhatsApp
Join and get latest news updates delivered to you via WhatsApp
୨୮ ମାର୍ଚ୍ଚ ବିଳମ୍ବିତ ରାତି
ଫୋନ କରି ଧମକ ଦେଲା ଦୁର୍ବୃତ
ମାର୍ଚ୍ଚ ୨୮ ତାରିଖରେ ସମର୍ଥଙ୍କ ବାପା ସୁନୀତ ଅଗ୍ରୱାଲଙ୍କୁ ଫୋନ କରି ହତ୍ୟା ଧମକ ଦେଇଥିଲା ଦୁର୍ବୃତ । ପୁଅକୁ ଦେଖିବାକୁ ଚାହୁଁଥିଲେ ୯୦ଲକ୍ଷ ଟଙ୍କା ଶୀଘ୍ର ଦେବା ପାଇଁ ସୁନୀତ ଅଗ୍ରୱାଲଙ୍କୁ ଧମକ ଦେଇ କହିଥିଲା ଅପହରଣକାରୀ ।
ଅପହରଣକାରୀର ଫୋନ ଆସିବା ପରେ ସୁନୀତ ଅଗ୍ରୱାଲ କଣ କରିବେ କିଛି ବୁଝି ପାରୁନଥିବା ବେଳେ ପୁଣି କିଛି ସମୟର ବ୍ୟବଧାନରେ ଆସିଥିଲା ଫୋନ କଲ । ଏଥର ଅପହରଣକାରୀ ସୁନୀତଙ୍କୁ ଧମକ ଦେଇଥିଲା । ଅପହରଣ ବାବଦରେ କାହିଁକି ସମସ୍ତଙ୍କୁ କହିବୁଲୁଛ କହି ଚେତାବନୀ ଦେଇଥିଲା ।
ସୂଚନା ଅନୁସାରେ ସମର୍ଥକଙ୍କୁ ଅପହରଣ କରିବା ପରେ ପ୍ରଥମେ ୫୦ ଲକ୍ଷ ଟଙ୍କା ମାଗିଥିଲା ମୁଖ୍ୟ ଅଭିଯୁକ୍ତ ଅମିତ ଶର୍ମା । ହେଲେ ଟଙ୍କା ନ ମିଳିବାରୁ ସମର୍ଥକୁ ନିର୍ମମ ଭାବେ ହତ୍ୟା କରି ବରଗଡରେ ଫିଙ୍ଗିଦେଇଥିଲେ ଦୁଇ ଦୁର୍ବୃତ । ପୁଣି ସମର୍ଥଙ୍କ ବାପାଙ୍କୁ ଫୋନ କରି ୯୦ ଲକ୍ଷ ଟଙ୍କା ବଟି ମାଗିଥିଲା ଅମିତ । ଧମକପୂର୍ଣ୍ଣ ଫୋନ କଲ କଲା ବେଳେ ପୁଲିସ ହାତରେ ଧରା ପଡିଯିବ ବୋଲି ସେ ସ୍ୱପ୍ନରେ ଭାବିନଥିଲା । ହେଲେ ପୁଲିସ ସମର୍ଥ ଅପହରଣ ଓ ହତ୍ୟା ମାମଲାରେ ଅମିତ ଶର୍ମା ଓ ଦିନେଶ ଅଗ୍ରୱାଲଙ୍କୁ ଗିରଫ କରି ତଦନ୍ତ ଚଲାଇଛି ।