ଭାରତ ଆସିବାକୁ ପାକିସ୍ତାନ ବୈଦେଶିକ ମନ୍ତ୍ରୀଙ୍କୁ ଆମନ୍ତ୍ରଣ । ଏସସିଓ ସମ୍ମିଳନୀ ଯୋଗ ଦେବାକୁ ଭୁଟ୍ଟୋଙ୍କୁ ନିମନ୍ତ୍ରଣ କଲେ ଏସ୍. ଜୟଶଙ୍କର ।
କନକ ବ୍ୟୁରୋ: ଭାରତ ଆସିବାକୁ ପାକିସ୍ତାନକୁ ଆମନ୍ତ୍ରଣ । ମେ ମାସରେ ଗୋଆରେ ଆୟୋଜିତ ହେବ ଏସସିଓ ବୈଠକ । ତେଣୁ ଭାରତ ପାକିସ୍ତାନ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋଙ୍କୁ ଯୋଗ ଦେବାକୁ ନିମନ୍ତ୍ରଣ କରିଛି । ବୈଦେଶିକ ମନ୍ତ୍ରୀ ଏସ ଜୟଶଙ୍କର ଭାରତରେ ଅବସ୍ଥାପିତ ପାକିସ୍ତାନ ରାଷ୍ଟ୍ରଦୂତଙ୍କ ଜରିଆରେ ତାଙ୍କ ପ୍ରତିପକ୍ଷଙ୍କୁ ଏହି ଆମନ୍ତ୍ରଣ ପଠାଇଛନ୍ତି । ଯଦି ପାକିସ୍ତାନ ଭାରତର ନିମନ୍ତ୍ରଣକୁ ଗ୍ରହଣ କରେ ତେବେ ଦୀର୍ଘ ୧୨ ବର୍ଷ ପରେ ପାକିସ୍ତାନର କୌଣସି ସରକାରୀ ଅଧିକାରୀ ଭାରତ ଗସ୍ତରେ ଆସିବେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ତିମ ଥର ପାଇଁ ୟୁପିଏ ସରକାର ବେଳେ ୨୦୧୧ରେ ପାକିସ୍ତାନର ବୈଦେଶିକ ମନ୍ତ୍ରୀ ହିନା ରବିନା ଖାନ୍ ଭାରତ ଗସ୍ତରେ ଆସିଥିଲେ । ତେଣୁ ଏବେ ଯଦି ଭୁଟୋ ଭାରତ ଗସ୍ତରେ ଆସିବେ ତାହେଲେ ଦୁଇ ଦେଶ ମଧ୍ୟରେ ଥିବା ସଂପର୍କରେ ଗୋଟିଏ ବଡ ପରିବର୍ତନ ଆସିବ । ଆତଙ୍କବାଦକୁ ନେଇ ଦୁଇ ଦେଶ ମଧ୍ୟରେ ବିବାଦ ଜାରି ରହିଛି । ଉଭୟ କ୍ରୀଡା ଠାରୁ ଆରମ୍ଭ କରି କୂଟନୀତିକ ସ୍ତରରେ ଦୁଇ ଦେଶ ମଧ୍ୟରେ ବିବାଦ ରହିଛି । ଭାରତ ଏହି ଆମନ୍ତ୍ରଣ କରିବା ପୂର୍ବରୁ ଆର୍ଥିକ ସମସ୍ୟାର ସାମ୍ନା କରୁଥିବା ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ ସରିଫ ଭାରତ ସହିତ ଆଲୋଚନା କରିବାକୁ ପ୍ରସ୍ତାବ ଦେଇଥିଲେ । ଏସସିଓ ବୈଠକରେ ଯୋଗ ଦେବାକୁ ଭାରତ ପାକିସ୍ତାନ ବ୍ୟତୀତ ଚୀନ, ରୁଷ, କାଜାକିସ୍ତାନ, କିର୍ଗିସ୍ତାନ, ତାଜିକିସ୍ତାନ ଏବଂ ଉଜବେକିସ୍ତାନକୁ ନିମନ୍ତ୍ରଣ କରିଛି ।