କନକ ବ୍ୟୁରୋ : ଭାରତୀୟ ଟିମର ୱିକେଟକିପର ରିଷଭ ପନ୍ତଙ୍କର ଡିସେମ୍ବର ୩୦ ତାରିଖରେ ଏକ ବଡ ଦୁର୍ଘଟଣା ହୋଇଥିଲା । ଏଥିରେ ତାଙ୍କ ମୁଣ୍ଡ ଓ ଗୋଡରେ ଆଘାତ ଲାଗିଥିଲା । ତାଙ୍କ ଲିଗାମେଣ୍ଟ ମଧ୍ୟ ଫାଟିଯାଇଥିଲା । ତାଙ୍କୁ ଅଧିକ ଚିକିତ୍ସା ପାଇଁ ଡେରାଡୁନର ମୁମ୍ବାଇ ଅଣାଯାଇଛି । ମୁମ୍ବାଇର ଲୀଳାବତୀ ହସ୍ପିଟାଲରେ ଆଜି ତାଙ୍କ ଲିଗାମେଣ୍ଟର ସଫଳ ଅସ୍ତ୍ରପ୍ରଚାର କରାଯାଇଛି । ଏହାସହ ମେଡିକାଲ ଟିମଙ୍କ ସୂଚନା ମୁତାବକ ସେ ସୁସ୍ଥ୍ ହେଉଛନ୍ତି । ଆଜି ୨ରୁ ୩ ଘଣ୍ଟା ଧରି ତାଙ୍କର ଅପରେଶନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
୩୦ ବର୍ଷିୟ ରିଷଭ ପନ୍ତ ଡିସେମ୍ବର ୩୦ ତାରିଖ ସକାଳେ ଦିଲ୍ଲୀରୁ ରୁଡକୀ ଠାରେ ଥିବା ତାଙ୍କ ମା’ଙ୍କୁ ଭେଟିବାକୁ ଆସୁଥିବା ବେଳେ ଦୁର୍ଘଟଣାରେ ଶିକାର ହୋଇଥିଲେ । ତାଙ୍କ କାର ଏକ ଡିଭାଇଡର ଉପରେ ମାଡିଯାଇଥିଲା । ସ୍ଥାନୀୟ ଲୋକେ ତାଙ୍କୁ କାର ଭିତରୁ ବାହାର କରି ପୋଲିସକୁ ସୂଚନା ଦେଇଥିଲେ । ହେଲେ କାରଟି ସମ୍ପୂର୍ଣ୍ଣ ଜଳି ଯାଇଥିଲା ।
ରିଷଭ ପନ୍ତ ଟିମ ଇଣ୍ଡିଆ ପାଇଁ ୩ ଯାକ ଫର୍ମାଟରେ ଖେଳିଛନ୍ତି । ସେ ଜଣେ ବ୍ୟାଟ୍ସମ୍ୟାନ ସହ ୱିକେଟ କିପର । ପନ୍ତ ଭାରତ ପାଇଁ ୩୩ଟି ଟେଷ୍ଟ ମ୍ୟାଚ ସହ ୩୦ଟି ଏକଦିବସୀୟ ଓ ୬୬ଟି ଟି-୨୦ ମ୍ୟାଚ୍ ଖେଳିଛନ୍ତି ।