ଏଠି ରାବଣଙ୍କ ହୁଏ ପୂଜା: ବର୍ଷକୁ ଥରେ ଆଜି ଦିନରେ ଖୋଲେ ମନ୍ଦିର ,ଜମେ ଭକ୍ତଙ୍କ ଭିଡ
କନକ ବ୍ୟୁରୋ: ସବୁଆଡେ ପ୍ରଭୁ ଶ୍ରୀରାମଙ୍କୁ ପୂଜା କରାଯାଉଥିବାବେଳେ ଉଦ୍ୟୋଗ ନଗରୀ କାନପୁରରେ ରହିଛି ରାବଣଙ୍କ ମନ୍ଦିର । ବିଜୟାଦଶମୀ ତଥା ଦଶହାରାଦିନ ଏହି ମନ୍ଦିର ଖୋଲା ଯାଇ ବିଧି ବିଧାନ ପୂର୍ବକ ରାବଣଙ୍କୁ ଦୁଗ୍ଧ ସ୍ନାନ କରାଯାଏ । ଏହାପରେ ଅଭିଷେକ କରାଯାଇ ଶୃଙ୍ଗାର କରାଯାଏ । ଏହାପରେ ପୂଜା କରାଯାଇ ରାବଣଙ୍କ ସ୍ତୁତି କରାଯିବା ସହ ଆଳତି କରାଯାଏ । କେବଳ ଦଶହରା ଦିନ ଏହି ମନ୍ଦିର ଖୋଲାଯାଉଥିବାବେଳେ ଏହି ଗୋଟିଏ ଦିନରେ ରାବଣଙ୍କ ଦର୍ଶନ ପାଇଁ ଭକ୍ତଙ୍କ ଭିଡ ଜମେ ।
Kanak News is now on WhatsApp
Join and get latest news updates delivered to you via WhatsApp
ଦେଶବ୍ୟାପୀ ଦଶହରା ଦିନ ରାବଣଙ୍କର କୁଶପୁତ୍ତଳିକା ଦାହ କରାଯାଉଥିବାବେଳେ ଏହିଦିନ ଉତ୍ତରପ୍ରଦେଶ କାନପୁରରେ ଥିବା ଏହି ମନ୍ଦିରରେ କିନ୍ତୁ ରାବଣଙ୍କ ପୂଜାର୍ଚ୍ଚନା କରାଯାଏ । ଏହା ପଛରେ ରହିଛି ଏକ ଧାର୍ମିକ ତଥା ପୌରାଣିକ ବିଶ୍ୱାସ । ଏଠିକାର ପୂଜକଙ୍କ କହିବା ଅନୁସାରେ, ରାବଣ ଧରାଶାୟୀ ହେବାପରେ ଶ୍ରୀରାମ ଲକ୍ଷ୍ମଣଙ୍କୁ ରାବଣଙ୍କ ପାଦପଦ୍ମରେ ପ୍ରଣାମ କରି ତାଙ୍କ ଠାରୁ ଜ୍ଞାନ ଆହରଣ କରିବାକୁ କହିଥିଲେ । କାରଣ ରାବଣ ପରି ଜ୍ଞାନୀ ନା ଆଜିଯାଏଁ ଧରାପୃଷ୍ଠରେ କେହି ଜନ୍ମ ନେଇଛି ନା ନେବେ । ଏହି ସମୟରେ ରାବଣ ସମସ୍ତଙ୍କ ପାଇଁ ପୂଜନୀୟ ହୋଇଯାଇଥିଲେ । ରାବଣଙ୍କ ଏହି ସ୍ୱରୂପକୁ ଧ୍ୟାନରେ ରଖି କାନପୁରରେ ରାବଣଙ୍କୁ ପୂଜା କରାଯାଏ ।