ରାଜ ପରିବାରର ନିଆରା ଦୁର୍ଗାପୂଜା । ବିଜୟାଦଶମୀରେ ଅସ୍ତ୍ରଶସ୍ତ୍ର ପୂଜା
କନକ ବ୍ୟୁରୋ : ଦଶହରାରେ ରାଜବାଟୀ ଦୁର୍ଗାପୂଜାର ସ୍ୱତନ୍ତ୍ରତା ଟିକେ ନିଆରା । ଆଧୁନିକତାକୁ ପଛରେ ପକାଇ ଆଳି ରାଜବାଟିରେ ପ୍ରାଚୀନ ପଦ୍ଧତିରେ କରାଯାଇଛି ମା’ଙ୍କ ପୂଜା । ୪୨୯ ବର୍ଷ ଧରି ଉତ୍କଳୀୟ ଓ ବଙ୍ଗୀୟ ପଦ୍ଧତିରେ ଚାଲିଆସିଛି ମା’ଙ୍କ ପୂଜା । ବର୍ଷକ ବାରମାସ କନକଦୁର୍ଗାଙ୍କ ପୂଜା ହେଉଥିବା ବେଳେ ଦୁର୍ଗାଙ୍କ ପୀଠରେ ଦୁର୍ଗା ମା’ଙ୍କ ମୃଣ୍ମୟୀ ମୂର୍ତି ଗଢ଼ା ଯାଇ ପୂଜା କରାଯାଇଛି । ପୂଜାରେ ରାଜ ପରିବାର ଏକତ୍ରିତ ହୋଇ ମା’ଙ୍କ ଆରାଧନା କରି ପୂଜା କରିଛନ୍ତି । ଏଥି ସହିତ ରାଜ ଅଭିଷେକ, ଅସ୍ତ୍ର ପୂଜା, ଲାଖ ବିନ୍ଧା କାର୍ଯ୍ୟ ସମ୍ପନ୍ନ ହୋଇଛି । ରାଜ ପରିଷଦ ବର୍ଗଙ୍କ ସହିତ ଚାମର, ବଇଁଶୀ, ବାଦ୍ୟ, ବନ୍ଧୁକ ଆଦି ପୂଜା କରାଯାଇଛି । ଖୋଦ୍ ରାଜା ନିଜେ ପରିଷଦବର୍ଗଙ୍କ ସହିତ ପଟୁଆର ନେଇ ପୂଜା ମଣ୍ଡପକୁ ଯାଇ କନକଆଞ୍ଜୁଳି ଦେଇ ମା’ଙ୍କୁ ବିଦାୟ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଚିଲିକା ପାରିକୁଦ ରାଜା ରାଜନଅରର ମାଆଙ୍କ ନିକଟରେ ସମସ୍ତ ଅସ୍ତ୍ରଶସ୍ତ୍ର ପୂଜା କରିଛନ୍ତି ରାଜା ସାହେବ ସନ୍ତୋଷଚନ୍ଦ୍ର ଦେଓ । ରାଜନଅରରେ ଥିବା ଦୁର୍ଗାଙ୍କ ମନ୍ଦିରରେ ଢାଲ, ଖଣ୍ଡାରୁ ନେଇ ବିଭିନ୍ନ ଅସ୍ତ୍ର ସବୁ ପୂଜା କରିଛନ୍ତି ରାଜା । ରାଜନଅର ଚାରିପାଖେ ବୁଲି ବୁଲି ପୂଜା କରିଥିବା ବେଳେ ଶେଷରେ ପରମ୍ପରା ଅନୁସାରେ ରାଜାଙ୍କୁ ପୂଜା କରାଯାଇଥିଲା । ଯୋଡି ମହୁରୀରେ ପ୍ରକମ୍ପିତ ହୋଇଉଠିଥିଲା ପରିବେଶ । ସେପଟେ ପାରଳାଖେମୁଣ୍ଡିରେ ଗଜପତି ରାଜବଂଶ ଦ୍ୱାରା ପାଇକ ଆଖଡାରେ ଅସ୍ତ୍ରଶସ୍ତ୍ର ପୂଜା କରାଯାଇଛି । ଅଷ୍ଟମୀ ଠାରୁ ତିନିଦିନ ଧରି ଏହି ପୂଜା ହୋଇଥାଏ । ପିଲାଠାରୁ ବୁଢ଼ା ଯାଏଁ ସମେସ୍ତ ଏହି ଆଖଡ଼ାରେ କୌଶଳ ପ୍ରଦର୍ଶନ କରିଥାନ୍ତି । ଆଉ ଏହାକୁ ଦେଖିବା ପାଇଁ ପ୍ରବଳ ଭିଡ଼ ମଧ୍ୟ ଜମିଥିଲା ।
ଆଜିର ଦିନରେ ରାଜତନ୍ତ୍ର ନାହିଁ । କିନ୍ତୁ ପିଢ଼ି ପରେ ପିଢ଼ି ରାଜକୀୟ ପରମ୍ପରା ବଂଚି ରହିଛି ।