ବିଜେପି-ଟିଏମସି ମଧ୍ୟରେ ପ୍ରଶ୍ନ-ପଇସା ବିବାଦ: ଟିଏମସି ସାଂସଦ ମହୁଆ ମୋଇତ୍ରାଙ୍କ ଉପରେ ସଂଗୀନ ଅଭିଯୋଗ ଆଣିଲେ ବିଜେପି ସାଂସଦ ନିଶିକାନ୍ତ ଦୁବେ
କନକ ବ୍ୟୁରୋ: ସାଂସଦ ମହୁଆ ମୋଇତ୍ରା । ଟିଏମସିର ଜଣେ ହେଭିୱେଟ ସାଂସଦ । ଯେତେବେଳେ ସଂସଦରେ ମୁହଁ ଖୋଲନ୍ତି ସେତେବେଳେ ଏଭଳି କିଛି ଥାଏ ତାଙ୍କ ଅନ୍ଦାଜ । ବିରୋଧୀଙ୍କୁ ଚୁପ କରିବା ପାଇଁ କେବେ ପ୍ରଶ୍ନବାଣ କରନ୍ତି କେବେ ବଡ ପାଟି କରି ନିଜ କଥା ରଖନ୍ତି । ମୋହୁଆଙ୍କ ଏହି ଆଚରଣ ଉପରେ ଏବେ ଲାଗିଛି ସଂଗୀନ ଅଭିଯୋଗର ଦାଗ । ମୋହୁଆ ଗୃହରେ ହୋହାଲ୍ଲା କରିବା ଓ ପ୍ରଶ୍ନ ପଚାରିବାକୁ କୁଆଡେ ଲକ୍ଷ ଲକ୍ଷ ଟଙ୍କା ଓ ସୁନା ଅଳଙ୍କାର ଲାଂଚ ନେଇଥିବା ଅଭିଯୋଗ କରିଛନ୍ତି ବିଜେପି ସାଂସଦ ନିଶିକାନ୍ତ ଦୁବେ । ଏନେଇ ଲୋକସଭା ବାଚସ୍ପତି ଓମ ବିର୍ଲାଙ୍କୁ ପତ୍ର ଲେଖିଛନ୍ତି ନିଶିକାନ୍ତ ଦୁବେ । ପତ୍ରରେ ଏକଥାର ଦାବି କରାଯାଇଛି ଯେ କମିଟି ଗଠନ କରାଯାଉ ଓ ଅଭିଯୋଗର ନିରପେକ୍ଷ ତଦନ୍ତ କରାଯାଉ ।
Kanak News is now on WhatsApp
Join and get latest news updates delivered to you via WhatsApp
ଆଇଜନୀବୀ ଜୟ ଅନନ୍ତ ଦେହଦ୍ରୋଇ ବିଜେପି ସାଂସଦ ନିଶିକାନ୍ତ ଦୁବେଙ୍କୁ ପ୍ରମାଣ ଆଧାରରେ ଏକ ଚିଠି ଲେଖି ଏହି ବାବଦରେ ଜଣାଇଥିଲେ । ସେ କହିଥିଲେ ବ୍ୟବସାୟୀଙ୍କଠୁ ଲାଂଚ ଓ ଉପହାର ନେଇ ମୋହୁଆ ଲୋକସଭାରେ ମୋଟ ୬୧ ପ୍ରଶ୍ନ ପଚାରିଥିଲେ । ଏହା କେବଳ ବ୍ୟବସାୟୀ ଦର୍ଶନ ହୀରାନନ୍ଦାନୀ ଓ ତାଙ୍କ ବ୍ୟବସାୟୀଙ୍କୁ ଲାଭ ଦେବା ଉଦ୍ଦେଶ୍ୟରେ କରାଯାଇଥିଲା । ୫୦ ପ୍ରଶ୍ନ ବଦଳରେ କିଛି ଜରୁରୀ ସୂଚନା ଜାଣିବା ଥିଲା ଏହାର ମୂଳ ଉଦ୍ଦେଶ୍ୟ ।
ସେପଟେ ଅଭିଯୋଗ ଉପରେ ଜବାବ ରଖିଛନ୍ତି ମହୁଆ ମୋଇତ୍ର । ସେ କହିଛନ୍ତି ଭିତିହୀନ ଅଭିଯୋଗ ପାଇଁ ତାଙ୍କ ପାଖରେ କୌଣସି ଜବାବ ନାହିଁ । ପ୍ରଥମ ବିଜେପି ସାଂସଦ ଓ ଗୌତମ ଆଦୀନୀ ଉପରେ ଲାଗିଥିବା ସବୁ ଦୁର୍ନୀତିର ମଧ୍ୟ ତଦନ୍ତ କରାଯାଉ । ପରେ ମୋ ପାଖକୁ ପଠାଯାଉ ସିବିଆଇକୁ । ବିଜେପି କହିଛି ଏଭଳି ଆଚରଣ ଗୃହର ସ୍ୱାଧୀକାର ଭଙ୍ଗ ଅନୁଯାୟୀ ଅପରାଧ ଅଟେ । ତେଣୁ ଟିଏମସି ସାଂସଦଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ୨୦୦୫ ମସିହାରେ କ୍ୟାସ ଫର କ୍ୱରି ମାମଲାରେ ୧୧ଜଣ ସାଂଦଙ୍କ ସଦସ୍ୟତା ରଦ୍ଧ ହୋଇଥିବା ମଧ୍ୟ ନଜୀର ରହିଛି ।