ଅର୍ଥନୀତି ବଜାରରେ ଯୁଦ୍ଧର ବଡ ପ୍ରଭାବ: ବଢ଼ୁଛି ସୁନା ଦର, ଅଶୋଧିତ ତୈଳ ଦର ବୃଦ୍ଧି ନେଇ ବଢିଲା ସମ୍ଭାବନା
କନକ ବ୍ୟୁରୋ: ଇସ୍ରାଏଲ-ପାଲେଷ୍ଟାଇନ ଯୁଦ୍ଧ ସାରା ପୃଥିବୀକୁ ଅସ୍ଥିର କରିଛି । ଇସ୍ରାଏଲ ପାଲେଷ୍ଟାଇନ ଉପରେ ଘନ ଘନ ଆକ୍ରମଣ କରୁଛି । ଆଉ ଯୁଦ୍ଧ ତୀବ୍ରତର ହେଉଛି । ଆଉ ଦୀର୍ଘଦିନ ଧରି ଯୁଦ୍ଧ ଚାଲିଲେ ଏହାର ପ୍ରଭାବ ଭାରତ ସମେତ ସାରା ପୃଥିବୀ ଉପରେ ପଡିବା ସମ୍ଭାବାନା ରହିଛି ? ବିଶେଷ କରି ଏବେ ସୁନା ଓ ତୈଳ ଦର ଉପରେ ଏହାର ପ୍ରଭାବ ଦେଖିବାକୁ ମିଳିଲାଣିି ।
Kanak News is now on WhatsApp
Join and get latest news updates delivered to you via WhatsApp
ଭାରତ ଉପରେ ପ୍ରଭାବ ପକାଉଛି ଯୁଦ୍ଧ
ଦରଦାମ ବୃଦ୍ଧିର ଭୟ ଭିତରେ ବଢ଼ୁଛି ସୁନା ଦର
ଚିନ୍ତ ବଢ଼ାଉଛି ତୈଳ ଦର ବୃଦ୍ଧି ସମ୍ଭାବନା
ସୁନା ଦର ଉପରେ ପଡ଼ିଛି ଇସ୍ରାଏଲ ଓ ପାଲେଷ୍ଟାଇନ୍ ଯୁଦ୍ଧର ପ୍ରଭାବ । ଲଗାତର ବଢି ଚାଲିଛି ସୁନା ଦର । ନବରାତ୍ରି ପୂର୍ବରୁ ଗୋଟିଏ ସପ୍ତାହରେ ସୁନା ଦର ୧୮୫୭ ଟଙ୍କା ବଢିଛି । କେବଳ ସୁନା ନୁହେଁ ରୂପା ଦର ମଧ୍ୟ ୨୬୩୬ ଟଙ୍କା ବୃଦ୍ଧି ହୋଇଛି । ଅନ୍ତର୍ଜାତୀୟ ବଜାରରେ ସୁନା ଦର ୭ ବର୍ଷର ସର୍ବୋଚ୍ଚ ସ୍ତର ଛୁଇଁଛି । ଗୋଟିଏ ସପ୍ତାହରେ ସୁନା ୩୫ ପ୍ରତିଶତ ବୃଦ୍ଧି ପାଇଁ ଆଉନ୍ସ ପିଛା ଦର ୫୫ ହଜାର ୩୮୫ ଟଙ୍କାରେ ପହଂଚିଛି । କେବଳ ସୁନା ନୁହେଁ ତେଲ ଦର ମଧ୍ୟ ଲଗାତର ଭାବେ ଉପରମୁହାଁ ହୋଇଛି । ଆଜି ଅଶୋଧିତ ତୈଳ ଦର ଆହୁରି ବଢିବା ସମ୍ଭାବନା ରହିଛି । ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦର ବ୍ୟାରେଲ ପିଛା ୯୧ ଡଲାର ରହିଛି ।
ଯୁଦ୍ଧର ପ୍ରଭାବ, ବଢ଼ୁଛି ସୁନା ଦର
– ୬ ଅକ୍ଟୋବର ପରଠାରୁ ସୁନା ଦର ଲଗାତର ବୃ୍ଦ୍ଧି ପାଉଛି
– ୫୬ ହଜାର ୫୩୯ ଟଙ୍କାରୁ ବୃଦ୍ଧି ପାଇ ୫୮ ହଜାର ୩୬୯ ଟଙ୍କା ଛୁଇଁଲାଣି
– ଶୁକ୍ରବାର ୧୦ ଗ୍ରାମ ପିଛା ସୁନା ଦର ୫୯ ହଜାର ୪୧୫ ଟଙ୍କାରେ ବନ୍ଦ ହୋଇଛି
– ୬ ଅକ୍ଟୋବରରେ ରୁପା ଦର ୬୭ ହଜାର ୯୫ ଟଙ୍କ ଥିଲା
– ୧୪ ତାରିଖ ବେଳକୁ ଦର ୬୯ ହଜାର ୭୩୧ ଟଙ୍କା ହୋଇଛି
– ରୁଷ-ୟୁକ୍ରେନ୍ ଯୁଦ୍ଧ ସମୟରେ ସୁନା ଦରରେ ବୃଦ୍ଧି ଦେଖାଯାଇଥିଲା
– ୭ ମାର୍ଚ୍ଚ ୨୦୨୨ରେ ସୁନା ଦର ୧୦ ଗ୍ରାମ ପିଛା ୧ ହଜାର ଟଙ୍କା ବଢିଥିଲା
ଭିଓ-ଇସ୍ରାଏଲ-ପାଲେଷ୍ଟାଇନ ଯୁଦ୍ଧ ଅଧିକ ଦିନ ଜାରି ରହିଲେ ଏହା ଭାରତ ଉପରେ ଦୀର୍ଘକାଳୀନ ପ୍ରଭାବ ପକାଇବ । ଭାରତୀୟ ଅର୍ଥନୀତି ପ୍ରଭାବିତ ହେବ । ବିଶେଷଜ୍ଞଙ୍କ କହିବା ଅନୁସାରେ,
-ଭାରତର ସେୟାର ଓ କ୍ୟାପିଟାଲ ମାର୍କେଟ ଉପରେ ପ୍ରଭାବ
-ତୈଳ ଦର ବଢିବା ସମ୍ଭାବନା, ମୁଦ୍ରାସ୍ପୀତି ଉପରେ ପ୍ରଭାବ
-ସୁନାଦର ଓ ଅଧିକାଂଶ ଜିନିଷର ଦାମ ବି ବଢିବା ସମ୍ଭାବନା
-ରପ୍ତାନୀ ପ୍ରଭାବିତ ହେବ ଓ ଆମଦାନୀ ମହଙ୍ଗା ହେବ
ବର୍ତମାନ ଦୀର୍ଘଦିନ ଧରି ଋଷ-ୟୁକ୍ରେନ ଯୁଦ୍ଧ ସରିନାହିଁ । ଆଉ ଏଭଳି ସ୍ଥିତିରେ ଇସ୍ରାଏଲ-ପାଲେଷ୍ଟାଇନ ଯୁଦ୍ଧ ସମସ୍ତଙ୍କୁ ଏକ ଅସ୍ଥିରତା ଭିତରକୁ ଠେଲିଦେଇଛି ।