ରୁଷ ଓ ୟୁକ୍ରେନ ମଧ୍ୟରେ ବଢୁଥିବା ବିବାଦ ଭିତରେ ଆସିଲା ଆଶ୍ୱସ୍ତିକର ଖବର : ୟୁକ୍ରେନ ସହିତ ବିବାଦର ସମାଧାନ ପାଇଁ ପୁଟିନ ରାଜି
କୂଟନୀତି ଉପରେ ଜୋର ଦେଉଥିବା ସୂଚନା; ଯୁଦ୍ଧଭ୍ୟାସ ଉପରେ ରୋକ୍ ଲଗାଇଲା ୟୁକ୍ରେନ
କନକ ବ୍ୟୁରୋ : ଋଷ ରାଷ୍ଟ୍ରପତି ଭ୍ଲାଦମିର ପୁଟିନଙ୍କ ସହ ଫୋନରେ କଥା ହେଲେ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନ୍ । ବୈଠକରେ ପୂର୍ବ ୟୁକ୍ରେନରେ ଚାଲିଥିବା ବିବାଦରେ ପୂର୍ଣ୍ଣଛେଦ ପକାଇବାକୁ ପୁଟିନ ରାଜି ହୋଇଥିବା ସୂଚନା ରହିଛି । ଅର୍ଥାତ ୟୁକ୍ରେନ ଉପରେ ରୁଷ ଆକ୍ରମଣ କରିବା ନେଇ ଯେଉଁ ସମ୍ଭାବନା ଥିଲା ସେଥିରେ ଏବେ ବିରାମ ଲାଗିବ ବୋଲି ଅନ୍ତର୍ଜାତୀୟ ମିଡିଆରେ ରିପୋର୍ଟ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ମାକ୍ରନଙ୍କ ଅଫିସ ଏକ ବିବୃତି ଜାରି କରି କହିଛି, ଦୁଇ ଦେଶର ପ୍ରମୁଖ ନେତା ୧୦୫ ମିନିଟ ଫୋନରେ କଥା ହୋଇଥିଲେ । ଏବେର ପରିସ୍ଥିତିର ସମାଧାନ ପାଇଁ କୂଟନୀତି ଉପରେ ଜୋର ଦେଇଛନ୍ତି ପୁଟିନ୍ । ତେଣୁ ଖୁବଶୀଘ୍ର ଫ୍ରାନ୍ସର ବୈଦେଶିକ ମନ୍ତ୍ରୀ ଏବଂ ରୁଷର ବୈଦେଶିକ ମନ୍ତ୍ରୀ ଏହି ପ୍ରସଙ୍ଗରେ ଆଲୋଚନା କରିବେ ବୋଲି ସୂଚନା ରହିଛି । ଅନ୍ୟପଟେ ୟୁକ୍ରେନ ରାଷ୍ଟ୍ରପତି ଯୁଦ୍ଧଭ୍ୟାସ ଉପରେ ରୋକ୍ ଲଗାଇଛନ୍ତି ।