ମେଣ୍ଟ ଚର୍ଚ୍ଚା ଭିତରେ ଉଠିଲା ପ୍ରଶ୍ନ : କିଏ ମାରିନେବ ମେଣ୍ଟ ଫାଇଦା?
କନକ ବ୍ୟୁରୋ : ନିର୍ବାଚନ ପୂର୍ବରୁ ବିଜେଡି-ବିଜେପି ମେଣ୍ଟ ଚର୍ଚ୍ଚା ହେବା ପରେ କଂଗ୍ରେସକୁ ନେଇ କିଛି ଏଭଳି ଚର୍ଚ୍ଚା ଆରମ୍ଭ ହୋଇଛି । ମେଣ୍ଟ ଚର୍ଚ୍ଚାକୁ ନେଇ ରାଜ୍ୟର କଂଗ୍ରେସ ଶିବିର ପୁରା ଉତ୍ସାହିତ ଅଛି । ବିଜେପି-ବିଜେଡି ମେଣ୍ଟ ନେଇ ଔପଚାରିକ ଘୋଷଣା ଉପରେ କଂଗ୍ରେସ ନଜର ରଖିଛି । ଦଳ ଆକଳନ କରୁଛି,
-ମୁଖ୍ୟ ବିରୋଧୀ ଦଳ ହେବ କଂଗ୍ରେସ
-ଭୋଟ ପ୍ରତିଶତ ବଢିବ
-ଆସନ ସଂଖ୍ୟା ବଢିବ
-ଅନେକ ନେତା କଂଗ୍ରେସରେ ମିଶିବେ
-ଅଧିକ ନେତା ଦଳ ଛାଡିପାରିବେ ନାହିଁ
-ସରକାର ବିରୋଧୀ ଭୋଟ୍ ସିଧାସଳଖ କଂଗ୍ରେସ ଖାତାକୁ ଆସିବ
-ଅଧିକାଂଶ ଆସନରେ କଡା ମୁକାବିଲା ହେବ
Kanak News is now on WhatsApp
Join and get latest news updates delivered to you via WhatsApp
ଦୁଇଦଳର ମେଣ୍ଟ ନେଇ ସାରା ରାଜ୍ୟରେ ଖୋଲାଖୋଲି ଆଲୋଚନା ଚାଲିଥିବାବେଳେ କଂଗ୍ରେସର କିନ୍ତୁ ଏ ଯାଏଁ ସ୍ପଷ୍ଟ ନ୍ୟାରେଟିଭ ଆସିନାହିଁ । ସଙ୍ଗଠନ ନାହିଁ କି ଲୋକଙ୍କ ପାଖରେ କୌଣସି ରାଜ୍ୟ ନେତାଙ୍କ ପତିଆରା ନଥିବା ଚର୍ଚ୍ଚା ହେଉଛି ।
ନିର୍ବାଚନ ପୂର୍ବରୁ ରାଜ୍ୟରେ ସଭାପତି ବଦଳିଛନ୍ତି , ପ୍ରଭାରୀ ବି ବଦଳିଛନ୍ତି , କିନ୍ତୁ ସଙ୍ଗଠନ ଦୁର୍ବଳ ହୋଇ ରହିଛି । ୨୦୧୯ ନିର୍ବାଚନର ସ୍ଥିତିକୁ ଦେଖିଲେ, -ବିଜେଡି ୪୪%, ବିଜେପି ୩୨% ଭୋଟ ପାଇଥିଲା । କଂଗ୍ରେସକୁ ମିଳିଥିଲା ୧୬% ଭୋଟ୍ । ୯ ଆସନରେ ବିଜୟୀ, ୩୧ ଆସନରେ ଦ୍ୱିତୀୟ ଓ ୨୦ ଆସନରେ କଡା ଟକ୍କର ଦେଇଥିଲା ।
ବିଶେଷଜ୍ଞଙ୍କ ମତରେ, ବିଜେଡି-ବିଜେପିର ଭୋଟ ପ୍ରତିଶତ ମିଶିବା ସ୍ଥିତିରେ କଂଗ୍ରେସକୁ ଭୋଟ ପ୍ରତିଶତ ବଢାଇବା ପାଇଁ କଡା ପରିଶ୍ରମ କରିବାକୁ ପଡିବ । ଲୋକପ୍ରିୟ ଚେହେରାଙ୍କୁ ସାମ୍ନାକୁ ଆଣିବାକୁ ପଡିବ ।
ତେବେ ନିର୍ବାଚନ ପାଇଁ ସମୟ କମ ଥିବାରୁ ମେଣ୍ଟ ଗଠନ ହେଲେ କଂଗ୍ରେସକୁ କେତେ ଫାଇଦା ହେବ ଓ ଭୋଟ ପ୍ରତିଶତ କେତେ ବଢିବ ସେ ନେଇ ଅନେକ ପ୍ରଶ୍ନ ସୃଷ୍ଟି ହୋଇଛି । ଅନ୍ୟପଟେ ବିଜେଡି-ବିଜେପିର ବିଦ୍ରୋହୀ ନେତା ଆସନ୍ତା ନିର୍ବାଚନରେ ବି ନୂଆ ସମୀକରଣ ସୃଷ୍ଟି କରିପାରନ୍ତି ।