ଖୁବଶୀଘ୍ର ଓଡ଼ିଶା ଆସିପାରନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । ରାଜ୍ୟରେ ଦଳକୁ ମଜଭୁତ କରିବାକୁ ପ୍ରିୟଙ୍କା ଆସିବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା
କନକ ବ୍ୟୁରୋ : ଖୁବଶୀଘ୍ର ଓଡିଶା ଆସିପାରନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । ଓଡିଶାରେ କେମିତି ପୁଣି ଥରେ କଂଗ୍ରେସ ଦଳକୁ ମଜଭୁତ କରାଯାଇ ପାରିବ, ସେଥିପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିବାକୁ ପ୍ରିୟଙ୍କା ଆସିବେ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନରେ ଚାଲିଥିବା ଚିନ୍ତନ ଶିବିରରେ ଓଡିଶା ରାଜ୍ୟ ବିଷୟରେ ବିଶେଷ ଭାବେ କିଛି ଆଲୋଚନା ହୋଇନଥିଲେ ବି ପ୍ରିୟଙ୍କାଙ୍କ ସହ ପିସିସି ସଭାପତି ନିରଞ୍ଜନ ପଟ୍ଟନାୟକ ଆଲୋଚନା କରିଥିବା ସୂଚନା ମିଳିଛି । କିନ୍ତୁ ଦଳକୁ ମଜଭୁତ କରିବା ପାଇଁ କଣ ରୋଡମ୍ୟାପ ହେବ, ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ ।
୨୦୨୦ରୁ କ୍ଷମତାରୁ ଦୂରରେ ରହିଛି କଂଗ୍ରେସ ପାର୍ଟି । ଏପରିକି ୨୦୧୭ ପଞ୍ଚାୟତ ନିର୍ବାଚନ ପରେ କଂଗ୍ରେସ ରାଜ୍ୟର ତୃତୀୟ ସ୍ଥାନକୁ ଖସି ଆସିଛି । ଯଦି ପ୍ରିୟଙ୍କା ଓଡିଶା ଆସନ୍ତି ତେବେ ଏହା ତାଙ୍କର ପ୍ରଥମ ଗସ୍ତ ହେବ ।