କନକ ବ୍ୟୁରୋ: ପିଟବୁଲ ଆତଙ୍କ ଥମିବାର ନାଁ ନେଉନି । ବାରମ୍ବାର ଏହି ଖବର ସାମ୍ନାକୁ ଆସୁଛି । ଏପରି ଆଉ ଏକ ଖବର ଆସିଛି ଦିଲ୍ଲୀ ଗାଜିଆବାଦରୁ । ସୋସାଇଟି ପାର୍କରେ ଖେଳୁଥିବା ଜଣେ ନାବାଳିକାକୁ ପିଟବୁଲ କାମୁଡି ଆହତ କରିଛି । ଫଳରେ ସେଠାରେ ଥିବା ଲୋକଙ୍କ ମନରେ ଛନକା ପଶିଛି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଥିବା ଇନ୍ଦିରାପୁରମ୍ ସିବିଟେକ୍ ସୋସାଇଟି ପରିସରରେ ଖେଳୁଥିବା ସମୟରେ ପିଟବୁଲ ୧୧ ବର୍ଷୀୟା ଝିଅ ତନିଷ୍କାକୁ କାମୁଡି ଗୁରୁତର କରିପକାଇ୍ଥିଲା । ନାବାଳିକାକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ମାଲିକଙ୍କୁ ବେପରବାୟ ଯୋଗୁଁ ଏଭଳି ଘଟଣା ଘଟିଛି ବୋଲି ତନିଷ୍କାଙ୍କ ଅଭିଭାବକ ଅଭିଯୋଗ କରିଛନ୍ତି । ଏହା ପୂର୍ବରୁ ମଧ୍ୟ ପିଟବୁଲର ଆକ୍ରମଣରେ ଗାଜିଆବାଦରେ ଜଣେ ଗୁରୁତର ହୋଇଥିବା ଖବର ଆସିଥିଲା ।