ବିରୋଧୀଙ୍କ ବୈଠକରେ ଯୋଗଦେବାକୁ ସହମତି ପ୍ରକାଶ କଲେ ଉମର ଅବ୍ଦୁଲା , ବିରୋଧୀଙ୍କୁ ଦେଲେ ଗମ୍ଭୀର ପରାମର୍ଶ
କନକ ବ୍ୟୁରୋ : ବିହାରର ପାଟନା ଠାରେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନେତୃ୍ତ୍ୱରେ ବିରୋଧୀମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହେବାକୁ ଯାଉଛି । ଏହି ବୈଠକରେ ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଉମର ଅବ୍ଦୁଲା ଯୋଗ ଦେବାକୁ ସହମତି ପ୍ରକାଶ କରିଛନ୍ତି । ସେ କେବଳ ସହମତି ପ୍ରକାଶ କରିନାହିାଁନ୍ତି ବରଂ କହିଛନ୍ତି କି, ଆମେ ଛୋଟ ପାର୍ଟି, ହେଲେ ପ୍ରଥମେ ବଡ ବଡ ବିରୋଧୀ ରାଜନୈତିକ ଦଳମାନଙ୍କ ମଧ୍ୟରେ ସହମତି ପ୍ରକାଶ ପାଇବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଉମର ଅବ୍ଦୁଲା କହିଛନ୍ତି କି ନ୍ୟାସନାଲ କନଫରେନ୍ସ ପାର୍ଟି ଜୁନ ୨୩ ତାରିଖରେ ପାଟନା ଠାରେ ଅନୁଷ୍ଠିତ ହେବାକୁ ଯାଉଥିବା ବିରୋଧୀମାନଙ୍କ ବୈଠକରେ ଯୋଗ ଦେବ । ହେଲେ ବୈଠକରେ ଦଳ କିଛି ମତ ଦେବନାହିଁ ବୋଲି ସେ ସ୍ପଷ୍ଟ କରିଛନ୍ତି ।
ସେପଟେ ଜମ୍ମୁ-କାଶ୍ମୀରରେ ଜାରି ରହିଥିବା ରାଷ୍ଟ୍ରପତି ଶାସନକୁ ନେଇ ଉମର ଅବ୍ଦୁଲା କହିଛନ୍ତି କି, କେନ୍ଦ୍ର ସରକାର ଜମ୍ମୁ-କାଶ୍ମୀର ସୁରକ୍ଷା ପ୍ରସଙ୍ଗ ଦେଖାଇ ନିର୍ବାଚନ କରୁନାହାଁନ୍ତି । ହେଲେ କେନ୍ଦ୍ର ସରକାର କିଭଳି ଭାବେ ଲୋକସଭା ଓ ପଞ୍ଚାୟତ ନିର୍ବାଚନ କରୁଛନ୍ତି ତାକୁ ନେଇ ସେ ପ୍ରଶ୍ନ ଉଠାଇଛନ୍ତି ।