ଏନଡିଏର ଏହି ସହଯୋଗୀ ଦଳ ଏବେ ବିଜେପିକୁ କଲା ବିରୋଧ । ବିରୋଧୀଙ୍କ ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବ ବୋଲି ଘୋଷଣା
କନକ ବ୍ୟୁରୋ : ମିଜୋରାମର ନର୍ଥ-ଇଷ୍ଟ ଡେମୋକ୍ରେଟିକ ଅଲାଏନ୍ସର ସହଯୋଗୀ ଦଳ ମିଜୋ ନ୍ୟାସନାଲ ଫ୍ରଣ୍ଟ କେନ୍ଦ୍ରରେ ମୋଦୀ ସରକାରଙ୍କ ବିରୋଧରେ ବିରୋଧୀ ଆଣିଥିବା ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବ । ଏନେଇ ଲୋକସଭା ସାଂସଦ ସି ଲାଲରେସାଙ୍ଗା ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସି ଲାଲରେସାଙ୍ଗା ଗୁରୁବାର ଦିନ କହିଛନ୍ତି କି, ମିଜୋରାମରେ କ୍ଷମତାରେ ଥିବା ମିଜୋ ନ୍ୟାସନାଲ ଫ୍ରଣ୍ଟ ବିଜେପି ନେତୃତ୍ୱାଧୀନ କେନ୍ଦ୍ର ସରକାରଙ୍କ ବିରୋଧରେ ବିରୋଧୀ ଆଣିଥିବା ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବ । ସେ କହିଛନ୍ତି କି ମଣିପୁର ଓ ପଡୋଶୀ ରାଜ୍ୟରେ ଲାଗିରହିଥିବା ଜାତିଗତ ହିଂସା ରୋକିବାରେ ଉଭୟ ମଣିପୁର ଓ କେନ୍ଦ୍ର ସରକାର ବିଫଳ ହୋଇଥିବାରୁ ତାଙ୍କଦଳ ବିରୋଧୀଙ୍କ ଅବିଶ୍ୱାସ ପ୍ରସ୍ତାବ ସମର୍ଥନରେ ମତଦାନ କରିବ ।
ସି ଲାଲରେସାଙ୍ଗା କହିଛନ୍ତି କି ଆମେ ବିରୋଧୀଙ୍କ ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବୁ । କିନ୍ତୁ ଏହାର ଅର୍ଥ ନୁହେଁ କି ଆମେ କଂଗ୍ରେସକୁ ସମର୍ଥନ କରିବୁ ଓ ବିଜେପି ବିରୋଧରେ ଠିଆ ହେବୁ । ମାତ୍ର ମଣିପୁରରେ ଲାଗିଥିବା ଜାତିଗତ ହିଂସା ରୋକିବାରେ ଅସଫଳ ହୋଇଥିବା ସରକାର, ବିଶେଷଭାବେ ମଣିପୁର ସରକାରଙ୍କ ପ୍ରତି ବିରୋଧ କରିବା ପାଇଁ ଆମ ଦଳ ବିରୋଧୀଙ୍କ ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବାକୁ ନିଷ୍ପତ୍ତି ନେଇଛୁ ।
ସାଂସଦ ସି ଲାଲରେସାଙ୍ଗା କହିଛନ୍ତି କି, ମିଜୋ ନ୍ୟାସନାଲ ଫ୍ରଣ୍ଟ ସଂଘର୍ଷଗ୍ରସ୍ତ ମଣିପୁରର ଲୋକଙ୍କ ସ୍ଥିତି ଦେଖି ଆହାତ ହୋଇଛି । ଏନେଇ ପାର୍ଟିର ଅଧ୍ୟକ୍ଷ ଜୋରମଥାଙ୍ଗା, ମିଜୋରାମ ମୁଖ୍ୟମନ୍ତ୍ରୀ ଓ ଅନ୍ୟ ନେତାଙ୍କ ସହ ଚର୍ଚ୍ଚା କରାଯାଇଛି । ଏହି ଚର୍ଚ୍ଚାରେ ବିରୋଧୀ ଆଣିଥିବା ଅବିଶ୍ୱାସ ପ୍ରସ୍ତାବକୁ ସମର୍ଥନ କରିବାକୁ ନିଷ୍ପତ୍ତି ନିଆଯାଇଛି ।