ଏନସିଇଆରଟିର ବଡ ପଦକ୍ଷେପ, ଯୁକ୍ତ ୨ ପାଠ୍ୟପୁସ୍ତକରୁ ହଟିଲା ଗାନ୍ଧୀଙ୍କ ହିନ୍ଦୁ-ମୁସଲିମ୍ ଏକତାର ଧାରଣା, ଆରଏସଏସ ବ୍ୟାନ୍ ସମ୍ବନ୍ଧୀୟ ଅଂଶ ବି ହଟାଗଲା
କନକ ବ୍ୟୁରୋ : ରାଷ୍ଟ୍ରୀୟ ଶିକ୍ଷା ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ ତରଫରୁ ନୂଆ ଶିକ୍ଷାବର୍ଷ ପାଇଁ ଯୁକ୍ତ ୨ ରାଜନୀତିବିଜ୍ଞାନ ପାଠ୍ୟ ପୁସ୍ତକରେ ‘ମହାତ୍ମା ଗାନ୍ଧୀଙ୍କ ମୃତ୍ୟୁରେ ଦେଶରେ ସାମ୍ପ୍ରଦାୟୀକ ସ୍ଥିତି ଉପରେ ପ୍ରଭାବ , ଗାନ୍ଧୀଙ୍କ ହିନ୍ଦୁ-ମୁସଲମାନ ଏକତାର ଧଶରଣା ହିନ୍ଦୁ ମୌଳବାଦୀମାନଙ୍କୁ ଉତ୍ତେଜିତ କରିଥିଲା’ ଓ ରାଷ୍ଟ୍ରୀୟ ସ୍ୱୟଂ ସେବକ ସଂଘ ଆରଏସଏ ଭଳି ସଂଗଠନ ଉପରେ ସଂକ୍ଷିପ୍ତ ନିଷେଧାଦେଶ ଭଳି ଅନେକ ଅଂଶକୁ ହଟାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରୀୟ ଶିକ୍ଷା ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ ତରଫରୁ ସଫେଇ ଦିଆଯାଇଛି କି, ଚଳିତ ବର୍ଷ ଯୁକ୍ତ୨ ପାଠ୍ୟକ୍ରମରେ କିଛି ବି କଟାଯାଇ ନାହିଁ , ହେଲେ ପାଠ୍ୟକ୍ରମରେ ଗତବର୍ଷ ଜୁନ ମାସରେ ଯୁକ୍ତିସଂଗତ ଭାବେ ପ୍ରସ୍ତୁତ କରାଯାଇଥିଲା ।
ଗତବର୍ଷ ପାଠ୍ୟକ୍ରମକୁ ଯୁକ୍ତିସଂଗତ କରିବା ଲକ୍ଷ୍ୟରେ ଅପ୍ରାସଙ୍ଗିକ ହୋଇଥିବା ଆଧାରରେ ରାଷ୍ଟ୍ରୀୟ ଶିକ୍ଷା ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ ତରଫରୁ ଗୁଜରାଟ ଦଙ୍ଗା, ମୁଗଲ ଦରବାର, ଜରୁରୀକାଳୀନ ପରିସ୍ଥିତି, ଶୀତଳଯୁଦ୍ଧ, ନକ୍ସଲ ଆନ୍ଦୋଳନ ଭଳି କିଛି ଅଂଶକୁ ହଟାଇ ଦିଆଯାଇଥିଲା । ହେଲେ ପାଠ୍ୟପୁସ୍ତକରେ ମହାତ୍ମା ଗାନ୍ଧୀଙ୍କ ଅଂଶ ବାବଦରେ କୌଣସି ଯୁକ୍ତି ସଂଗତ ଉଲ୍ଲେଖ ନଥିବା କଥା ରାଷ୍ଟ୍ରୀୟ ଶିକ୍ଷା ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ ସଫେଇ ଦେଇଛି ।
ଏନସିଇଆରଟିର ନିର୍ଦ୍ଦେଶକ ଦିନେଶ ସକଲାନୀ କହିଛନ୍ତି କି, ପାଠ୍ୟକ୍ରମକୁ ଯୁକ୍ତିସଂଗତ କରିବା ପାଇଁ ଗତବର୍ଷ ଯାହା ପରିବର୍ତ୍ତନ କରାଯାଇଥିଲା । ଏବର୍ଷ ଯାହା କିଛି ଦେଖୁଛନ୍ତି ତାହା ପୁରୁଣା ବର୍ଷର ନିଷ୍ପତ୍ତି ବୋଲି କୁହାଯାଇଛି ।