ନା ପମ୍ପଚର ଚିନ୍ତା, ନା ହାୱା ବାହାରିବାର ଡର! ଆସୁଛି ‘ଏୟାରଲେସ ଟାୟାର୍ସ’
କନକ ବ୍ୟୁରୋ: ଯେତେବେଳେ ଆପଣ ଡ୍ରାଇଭରେ ଯାଇଥାନ୍ତି ସେତେବେଳେ କାରର ଟାୟାର୍ସ ପମ୍ପଚର ହେବା କିମ୍ବା କାର ଲିକ୍ ହେବା ସବୁଠାରୁ ବଡ ସମସ୍ୟା । ଏ ମାମଲା ସେତେବେଳେ ଆହୁରି କଷ୍ଟକର ହୁଏ ଯେତେବେଳେ ଆପଣ ଲମ୍ବା ଡ୍ରାଇଭରେ ଯାଉଛନ୍ତି ଆପଣଙ୍କ କାର ଧୋକା ଦେଇଥାଏ । ତେବେ ଆମେ ସାଧାରଣ ଭାବେ କାରର ଷ୍ଟେପନି ରଖିବାକୁ ପସନ୍ଦ କରିଥାଉ । ତେବେ ଶୀଘ୍ର ଟାୟାର୍ସ ପମ୍ପଚର ହେବା, ଲିକ୍ ହେବା ଭଳି ଅନେକ ସମସ୍ୟାରୁ ମୁକ୍ତି ମିଳିବାକୁ ଯାଉଛି । ବିଶ୍ୱର ଅନେକ ବଡ କମ୍ପାନୀ ଶୀଘ୍ର ବଜାରକୁ ଏୟାରଲେସ ଟାୟାର୍ସ ଆଣିବାପାଇଁ ଯୋଜନା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି ନାମ ଅନୁସାରେ ଏହି ଏୟାରଲେସ ଟାୟାର୍ସରେ ହାୱା ଭର୍ତ୍ତି କରିବା ଆଉ ଦରକାର ପଡିବ ନାହିଁ । ଏୟାରଲେସ ଟାୟାର୍ସର ସ୍ୱପ୍ନ ଅନେକ ବର୍ଷ ପୂର୍ବରୁ ଦେଖାଯାଇଥିଲା । ମିଚିଲେନ ଠାରୁ ନେଇ ବ୍ରିଜଷ୍ଟୋନ ଭଳି ଅନେକ ନାମୀ କମ୍ପାନୀ ସାରା ବିଶ୍ୱ ଆଗରେ ଏୟାରଲେସ ଟାୟାର୍ସକୁ ଲୋକଙ୍କ ସାମ୍ନାକୁ ଆଣିଥିଲେ । ବର୍ତ୍ତମାନ ଏହାକୁ ସେମାନେ ଲୋକଙ୍କ ପାଖରେ ଭିନ୍ନ ରୂପରେ ପହଞ୍ଚାଇବା ପାଇଁ ଉଦ୍ୟମ କରୁଛନ୍ତି । ମିଚିଲେନ ଗତ ଜାନୁଆରୀ ମାସରେ ଏୟାରଲେସ ଟାୟାର୍ସର ପ୍ରୋଟୋଟାଇପ ଟେଷ୍ଟିଂ ସିଙ୍ଗାପୁରରେ ଶୁଭାରମ୍ଭ କରିଦେଇଛି । ଚଳିତ ବର୍ଷର ଶେଷ ସୁଦ୍ଧା ଏହି ଟାୟାର୍ସର ବ୍ୟବହାର ୫୦ ଭ୍ୟାନରେ କରାଯିବ ।
ଏୟାରଲେସ ଟାୟାର୍ସ ବିଲକୁଲ ଏହାର ନାମ ଭଳି ହୋଇଥାଏ । ସାମାନ୍ୟ ଟାୟାର୍ସ ଭଳି ଏଥିରେ ମଧ୍ୟ ରବର ଟ୍ରେଡସ ରହିଛି । ତେବେ ଏହି ଟ୍ରେଡସ ଏକ ରିଙ୍ଗ ଉପରେ ଲାଗିରହିଥାଏ । ପ୍ଲାଷ୍ଟିକ କିମ୍ବା ରବରର ସ୍ପୋକ୍ସ ଦ୍ୱାରା ଏହାକୁ ସପୋର୍ଟ ଦିଆଯାଇଥାଏ । ଏହି ସ୍ପୋକ୍ସ ବାହାରକୁ ଦେଖାଯାଇଥାଏ ଏଥିରେ ହାୱା ଭର୍ତ୍ତିକରିବାକୁ ପଡିବ ନାହିଁ । ତେଣୁ ଚକରେ ଆଉ କୌଣସି ପମ୍ପଚର ହେବାର ଡରନଥାଏ । ଯେଉଁ ସ୍ପୋକ୍ସର କଥା ଆମେ କହୁଛି ତାହା ହିଁ ହାୱା ଭଳି କାମ କରିଥାଏ । ଟାୟାର୍ସର ଭାର ବହନ କରିବାର କାମ ମଧ୍ୟ କରିଥାଏ । ଏହି କନସେପ୍ଟ ପୂରା ନୂଆ । ଏହିଭଳି ଭାବେ ପମ୍ପଚର-ପ୍ରୁଫ୍ ଟାୟାର୍ସର ବ୍ୟବହାର ପ୍ରଥମେ ସୈନ୍ୟ ବାହାନ ଏବଂ ଭାରୀ ଯନ୍ତ୍ରପାତିରେ ବ୍ୟବହାର କରାଯାଇଥାଏ । ଘରୋଇ ବାହନ ଉପରେ ଏହି ଜ୍ଞାନକୌଶଳ ପ୍ରଥମ ଥର ୨୦୦୫ରେ ମିଚିଲେନ ଦ୍ୱାରା କରାଯାଇଥିଲା । ମିଚିଲେନର ଏୟାରଲେସ ଟାୟାର୍ସକୁ ସେତେବେଳେ ଟ୍ୱିଲ ନାମ ଦିଆଯାଇଥିଲା । ଏହି ଶବ୍ଦ ଦୁଇଟି ଶବ୍ଦର ସଂଯୋଜନାରେ ହୋଇଥାଏ । ଟାୟାର୍ସ ଏବଂ ହ୍ୱିଲ । ତେବେ କମ୍ପାନୀ ଟ୍ୱିଲର ଟେଷ୍ଟିଂ ପାଇଁ ଜେନେରାଲ ମୋଟର୍ସ ସହ କାମ କରୁଛି ।
ଏୟାରଲେସ ଟାୟାର୍ସର ଡିଜାଇନ ଅଲଗା ଅଲଗା ନିର୍ମାତାଙ୍କ ଅନୁସାରେ ଭିନ୍ନ ଭିନ୍ନ ହୋଇଥାଏ । ତେବେ, କାରର ଡିଜାଇନରେ ଗୋଟିଏ ଇନର ହବ ଥାଏ । ଯାହା ରବର ସ୍ପୋକ୍ସ ଏବଂ ଆଉଟଲର ଲେୟର ସହ ଜଡିତ ରହିଥାଏ । ଇନର ହବ ଟାୟାର୍ସର ଗୋଟିଏ ଅଂଶ ଥାଏ ଯାହା କାର ଏକ୍ସେଲକୁ ଯୋଡିଥାଏ । ଏହି ଇନର ହବ ରବର ସ୍ପୋକ୍ସର ଯୋଡିହୋଇଥାଏ । ଏହି ଇନର ହବ ରବର ସ୍ପୋକ୍ସ ସହ ଜଡିତ ହୋଇ ରହିଥାଏ । ଏହି ରିବ ସସ୍ପେଶନ ସିଷ୍ଟମ ଯାହା ବାହନର ଭାର ବହନ କରି ଆବଶ୍ୟକୀୟ କୁଶନ ପ୍ରଦାନ କରିଥାଏ । ଶେଷରେ ବାହାର ପରଦରେ ଏକ ରବର ସିଟ୍ ଦିଆଯାଇଥାଏ ଯାହା ସଡକର ସମ୍ପର୍କରେ ଆସିଥାଏ । ଏହି ସିଟ୍ କୌଣସିବି ପାଣିପାଗରେ ବ୍ୟବହାର କରାଯାଇପାରିବ ।