କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଇ ଦିନିଆ ଫ୍ରାନ୍ସ ଗସ୍ତରେ ଅଛନ୍ତି । ଏହି ଅବସରରେ ତାଙ୍କୁ ଦିଆଯାଇଛି ଫ୍ରାନ୍ସର ସର୍ବୋଚ୍ଚ ‘ଲିଜନ୍ ଅଫ୍ ଅନର’ ସମ୍ମାନ । ଏହି ପୁରସ୍କାର ଶ୍ରେଷ୍ଠ ରାଜନେତା ଏବଂ ପ୍ରତିଷ୍ଠିତ ବ୍ୟକ୍ତିତ୍ୱଙ୍କୁ ଦିଆଯାଏ । ଏହା ପୂର୍ବରୁ ଫ୍ରାନ୍ସର ରାଷ୍ଟ୍ରପତି ମେକ୍ରୋ ମଧ୍ୟ ମୋଦୀଙ୍କ ସମ୍ମାନରେ ରାତ୍ରୀ ଭୋଜନର ଆୟୋଜନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସ ଦ୍ୱାରା ଦିଆଯାଇଥିବା ଏହି ସର୍ବୋଚ୍ଚ ସମ୍ମାନ ମୋଦୀଙ୍କୁ ବିଦେଶରୁ ମିଳିଥିବା ବିଭିନ୍ନ ଶୀର୍ଷ ଅନ୍ତରାଷ୍ଟ୍ରିୟ ସମ୍ମାନର ତାଲିକାରେ ସାମିଲ ହୋଇଛି । ଏହା ପୂର୍ବରୁ ମୋଦୀଙ୍କୁ ଜୁନ୍ ୨୦୨୩ରେ ମିଶର ସରକାରଙ୍କ ଦ୍ୱାରା ସେଠିକାର ସମ୍ମାନ ‘ଅର୍ଡର ଅଫ୍ ଦ ନାଇଲ୍’, ପାପୁଆ ନ୍ୟୁ ଗିନ ଦ୍ୱାରା ‘କମ୍ପାନିୟନ୍ ଅଫ୍ ଦ ଅର୍ଡର ପୁରସ୍କାର’, ୨୦୨୩ ମେ ରେ ‘କମ୍ପାନୀୟନ୍ ଅଫ୍ ଦ ଅର୍ଡର ଅଫ୍ ଫିଜି’, ପଲାଉ ଗଣରାଜ୍ୟ ଦ୍ୱାରା ‘ଏବାକଲ ପୁରସ୍କାର’ରେ ସମ୍ମାନୀତ କରାଯାଇସାରିିଛି ।