ନ୍ୟାୟ ପାଇଁ ଥାନାକୁ ଯାଇଥିବା ମହିଳାଙ୍କୁ ଗଣଦୁଷ୍କର୍ମ କଲେ ପୁଲିସକର୍ମୀଙ୍କ ସମ୍ପର୍କୀୟ । ପରେ ଦଲାଲକୁ ବିକିଦେଲେ
କନକ ବ୍ୟୁରୋ: ସବୁବେଳେ ମାରପିଟ କରୁଥିବା ସ୍ୱାମୀ ବିରୋଧରେ ଅଭିଯୋଗ ନେଇ ଥାନାକୁ ନ୍ୟାୟ ପାଇଁ ଯାଇଥିଲେ ମହିଳା । ହେଲେ ସେଠି ତାଙ୍କ ସହ ଯାହା ହେଲା ତାହା ଜାଣିଲେ ଲୋମ ଟାଙ୍କୁରୀ ଉଠିବ । ଏଭଳି ଘଟଣା ଘଟିଛି ହରିୟାଣା ପଲବଲ ଅଞ୍ଚଳରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜୁଲାଇ ୨୩ ତାରିଖରେ ପୀଡିତା ମହିଳା ନିଜ ସ୍ୱାମୀଙ୍କ ବିରୋଧରେ ଅଭିଯୋଗ ନେଇ ହସନପୁର ପୁଲିସ ଷ୍ଟେସନ ଯାଇଥିଲେ । ସେଠାରେ ତାଙ୍କର ଭେଟ ସବଇନ୍ସପେକ୍ଟର ଶିବ ଚରଣଙ୍କ ସହ ହୋଇଥିଲା । ମହିଳାଙ୍କ ଅଭିଯୋଗ ଶୁଣିବା ପରେ ମାମଲା ଦାଏର କରିବା ବଦଳରେ ସବଇନ୍ସପେକ୍ଟର ମହିଳାଙ୍କୁ ତାଙ୍କର ଜଣେ ସାଙ୍ଗ ସହ ଅନ୍ୟ ସ୍ଥାନକୁ ଯିବାକୁ ବାଧ୍ୟ କରିଥିଲେ । ଯେଉଁଠାରେ ସବଇନ୍ସପେକ୍ଟରଙ୍କ ୩ଜଣ ସାଙ୍ଗ ଥିଲେ । ସେଠାରେ ସେମାନେ ମହିଳାଙ୍କୁ ଗଣଦୁଷ୍କର୍ମ କରିଥିଲେ । ସେଠାରୁ ନେଇଯାଇ ଜଣେ ମହିଳାଙ୍କ ଘରେ ଲଗାତାର ୩ ଦିନ ଯାଏଁ ରଖି ଗଣଦୁଷ୍କର୍ମ କରିଥିଲେ । ଏତିକିରେ କଥା ସରିନଥିଲା । ପରେ ମହିଳାଙ୍କୁ ଆଉ ଜଣେ ଦଲାଲକୁ ବିକିଦେଇଥିଲେ । ସେଠାରେ ଦଲାଲ ଓ ତାର ଜଣେ ସମ୍ପର୍କୀୟ ମିଶି ଖୋଦ ଇନ୍ସିପେକ୍ଟରଙ୍କ ଉପସ୍ଥିତିରେ ବଳାକ୍ରାର କରିଥିଲେ ।
ହେଲେ ସେଠାରେ ଜଣେ ଅଭିଯୁକ୍ତ ନିଜ ଫୋନ ଛାଡିଯାଇଥିବା ସମୟରେ ମହିଳା ଜଣକ ସେଥିରୁ ଦେୟ ମୁକ୍ତ ନମ୍ବରରେ ପୁଲିସକୁ ଫୋନ କରିଥିଲେ । ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରିବା ସହ ଜଣକୁ ଗିରଫ କରିଥିବାବେଳେ ହସନପୁର ଇନ୍ସପେକ୍ଟର ଓ ଅନ୍ୟ ଅଭିଯୁକ୍ତଙ୍କ ବିରୋଧରେ ମାମଲା ଦାଏର କରି ଯାଞ୍ଚ ଆରମ୍ଭ କରିଛି ।