ଅଗଷ୍ଟ ୧୭ରୁ ମହାରାଷ୍ଟ୍ରରେ ଖୋଲିବ ସ୍କୁଲ, ସହର ଓ ଗ୍ରାମାଞ୍ଚଳ ପାଇଁ ଅଲଗା ଅଲଗା ନିୟମ
କନକ ବ୍ୟୁରୋ : କରୋନା ମହାମାରୀ ପାଇଁ ବନ୍ଦ ରହିଥିବା ସ୍କୁଲଗୁଡିକୁ ଖୋଲିବାକୁ ଏବେ ରାଜ୍ୟ ସରକାରମାନେ ପ୍ରୟାସ ଆରମ୍ଭ କରିଛନ୍ତି । କିଛି ରାଜ୍ୟରେ ସ୍କୁଲ ଖୋଲିଯାଇଥିବା ବେଳେ କରୋନା ମହାମାରୀରେ ସବୁଠାରୁ ଅଧିକ ପ୍ରଭାବିତ ମହାରାଷ୍ଟ୍ରରେ ଅଗଷ୍ଟ ୧୭ ତାରିଖରୁ ସ୍କୁଲି ଖୋଲିବ ବୋଲି ଜଣାପଡିଛି । ହେଲେ ମହାରାଷ୍ଟ୍ର ସରକାର ସହରାଞ୍ଚଳ ସ୍କୁଲ ଓ ଗ୍ରାମାଞ୍ଚଳ ସ୍କୁଲ ଖୋଲିବା ନେଇ ଅଲଗା ଅଲଗା ନିୟମ ଜାରି କରିଛନ୍ତି । ମହାରାଷ୍ଟ୍ର ସରକାରଙ୍କ ନିର୍ଦ୍ଦେଶ ମୁତାବକ ଅଗଷ୍ଟ ୧୭ ରୁ ରାଜ୍ୟର ଗ୍ରାମାଞ୍ଚଳ ସ୍କୁଲଗୁଡିକ ପଞ୍ଚମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଖୋଲିବାକୁ ଯାଉଥିବା ବେଳେ ସହରାଞ୍ଚଳରେ ଅଷ୍ଟମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଏହାପୂର୍ବରୁ ଅନେକ ରାଜ୍ୟର ସରକାର ନିଜ ରାଜ୍ୟରେ ସ୍କୁଲ ଖୋଲିବା ନେଇ ଦିଶା ନିର୍ଦ୍ଦେଶ ଜାରି କରିଦେଇଛନ୍ତି । ଏହି କ୍ରମରେ ଦେଶର ସବୁଠାରୁ ବଡ ରାଜ୍ୟ ୟୁପିରେ ଅଗଷ୍ଟ ୧୬ ତାରିଖରୁ ସ୍କୁଲ ଖୋଲିବ । ହେଲେ ୫୦ ପ୍ରତିଶତ ଉପସ୍ଥିତ ସହିତ ସ୍କୁଲ ସଂଚାଳନ କରାଯିବ । ଏଥିରେ ସାମାଜିକ ଦୂରତା ସହ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ଏହାସହ ପିଲାମାନେ ସ୍କୁଲ ଆସିବାକୁ ଚାହୁଁଥିରେ ଅବିଭାବକଙ୍କ ଅନୁମତି ଆଣିବାକୁ କୁହାଯାଇଛି । ଏହା ବ୍ୟତୀତ ମହାରାଷ୍ଟ୍ର, ପଞ୍ଜାବ, ହିମାଚଳ ପ୍ରଦେଶ,ହରିଆଣା, ଉତ୍ତରାଖଣ୍ଡ,ଛତିଶଗଡ, କର୍ଣ୍ଣାଟକ, ବିହାର, ଗୁଜୁରାଟ ସରକାର ରାଜ୍ୟରେ ସ୍କୁଲ ଖୋଲିବାକୁ ନିଷ୍ପତ୍ତି ନେଇଛନ୍ତି ।
Maharashtra Government allows reopening of schools for classes 5th to 8th in rural areas and classes 8th to 12th in urban areas from August 17. District and local authorities to take a final call after reviewing the situation
— ANI (@ANI) August 10, 2021
ଅନ୍ୟପଟେ ପଞ୍ଜାବରେ ସ୍କୁଲ ଖୋଲାଯିବା ପରେ ପିଲାମାନେ କରୋନା ସଂକ୍ରମିତ ହୋଇଥିବା ଖବର ଆସିବା ପରେ ଏହାକୁ ନେଇ ଅନ୍ୟରାଜ୍ୟମାନେ ବି ଚିନ୍ତା ପ୍ରକଟ କରିଛନ୍ତି ।