ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ପ୍ରତି ବଢୁଛି ଆଞ୍ଚଳିକ ଦଳମାନଙ୍କର ସମର୍ଥନ, ମମତାଙ୍କ ପରେ ଅଖିଳେଶଙ୍କ ବୟାନ ବଢାଇଲା ଚର୍ଚ୍ଚା
କନକ ବ୍ୟୁରୋ : ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଆଗାମୀ ଲୋକସଭା ନିର୍ବାଚନରେ କଂଗ୍ରେସ ସହ ମେଣ୍ଟ କରିବା ନେଇ ଏକ ବିବୃତ୍ତି ଦେଇଛନ୍ତି । ମମତା ବାନାର୍ଜୀ କହିଥିଲେ କି ଆଗାମୀ ଲୋକସଭା ନିର୍ବାଚନରେ ଯେଉଁ ରାଜ୍ୟରେ ଯେଉଁ ଆଞ୍ଚଳିକଦଳମାନେ ମଜବୁତ ଅଛନ୍ତି ସେମାନଙ୍କୁ ଆଗକୁ ଆଣି ବିଜେପି ସହ ମୁକାବିଲା କରିବାକୁ ପଡିବ । ମମତାଙ୍କ ଏହି ବୟାନକୁ ସମର୍ଥନ କରି ଅଖିଳେଶ କହିଛନ୍ତି କି ଅନ୍ୟ ରାଜନୈତିକ ଦଳମାନେ ମଧ୍ୟ ତାହା ଚାହୁଁଛନ୍ତି । ଉତ୍ତର ପ୍ରଦେଶ ନଗର ନିଗମ ନିର୍ବାଚନ ଫଳାଫଳକୁ ନେଇ ଅଖିଳେଶ ଯାଦବ ଏକ ସାମ୍ବାଦିକ ସମ୍ମିଳନୀ କରିଥିଲେ । ଏହି ସମ୍ମିଳନୀରେ ସେ ଏଭଳି ବିବୃତ୍ତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଖିଳେଶ କହିଛନ୍ତି ଯେଉଁ ରାଜ୍ୟରେ ଯେଉଁ ଦଳ ମଜବୁତ ରହିଛି ସେଠାରେ ତାଙ୍କୁ ଆଗକୁ ଆଣି ନିର୍ବାଚନ ଲଢାଯାଉ । ଅଖିଳେଶଙ୍କ ମତରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର, ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ ଓ ଅନ୍ୟ ରାଜନୈତିକ ଦଳମାନେ ମଧ୍ୟ ଏହା ଚାହୁଁଛନ୍ତି ବୋଲି ଅଖିଳେଶ କହିଛନ୍ତି ।
ସୂଚନା ଥାଉକି ମମତା ବାନାର୍ଜୀ ସୋମବାର ଦିନ କହିଥିଲେ କି , କଂଗ୍ରେସକୁ ଆଞ୍ଚଳିକଦଳମାନଙ୍କୁ ଆଗକୁ ଆଣି ବା ସେମାନଙ୍କୁ ସମର୍ଥନ ଦେଇ ବିଜେପି ସହ ମୁକାବିଲା କରିବା ଆବଶ୍ୟକ । ତାଙ୍କ କହିବା ମୁତାବକ ଦିଲ୍ଲୀରେ ଆପ୍, ବିହାରରେ ଆରଜେଡି ଓ ଜେଡିୟୁ , ଉତ୍ତର ପ୍ରଦେଶରେ ସମାଜବାଦୀ ପାର୍ଟି ଓ ତାମିଲନାଡୁରେ ଡିଏମକେ ଓ ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ସହ କଂଗ୍ରେସ ମେଣ୍ଟ କରି ଲୋକସଭା ନିର୍ବାଚନ ଲଢିଲେ ବିଜେପିକୁ ମୁକାବିଲା କରାଯାଇପାରିବ ।