କନକ ବ୍ୟୁରୋ : ଅର୍ଚ୍ଚନା ମାମଲାକୁ ନେଇ ଆରମ୍ଭ ହୋଇଛି ରାଜନୀତି । ରାଜ୍ୟ ସରକାରଙ୍କୁ ଘେରିବା ସହ ସିବିଆଇ ତଦନ୍ତ ଦାବି କରିଛି ବିଜେପି ମହିଳା ମୋର୍ଚ୍ଚା । ପ୍ରତିକ୍ରିୟା ରଖି ବିଜେଡି କହିଛି ତଦନ୍ତକାରୀ ସଂସ୍ଥାର ଆଳ ଦେଖାଇ ଖସିଯିବାକୁ ଚାହୁଁଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଏହି ଘଟଣାରେ ବିଜେଡ଼ିର କେଉଁ କେଉଁ ପ୍ରଭାବଶାଳୀ ନେତା ସମ୍ପୃକ୍ତ ଅଛନ୍ତି ତାର ନିରପେକ୍ଷ ତଦନ୍ତ ଦାବି କରିଛି ବିଜେପି ମହିଳା ମୋର୍ଚ୍ଚା । ତରବରିଆ ଭାବେ ଅର୍ଚ୍ଚନା ନାଗକୁ ପୋଲିସ ଗିରଫ କରିଛି । ପୋଲିସ ଏତେ ତତ୍ପର କେମିତି ହେଲା ବୋଲି ପ୍ରଶ୍ନ କରିଛି । ଏଥିରେ କେଉଁ ମନ୍ତ୍ରୀ ଓ ବଡ଼ ବଡ଼ିଆଙ୍କ ସମ୍ପୃକ୍ତି ଅଛି ସେମାନଙ୍କ ନାଁ ପୋଲିସ କାହିଁକି ସ୍ପଷ୍ଟ କରୁନି ବୋଲି ବିଜେପି କହିଛି । କାହାର ଛତ୍ରଛାୟା ତଳେ ଅର୍ଚ୍ଚନା ନାଗ ଏତେ ବଡ଼ କେଳେଙ୍କାରୀ କରୁଥିଲେ ।