କେରଳର ୧୨ ଜିଲ୍ଲାରେ ପୁଣି ପ୍ରବଳ ବର୍ଷା ହୋଇପାରେ ବୋଲି ପୂର୍ବାନୁମାନ କଲା ଆଞ୍ଚଳିକ ପାଣିପାଗ ବିଭାଗ : ସେପଟେ ମୁଖ୍ୟମନ୍ତ୍ରୀଙ୍କ ବନ୍ୟାସ୍ଥିତି ସମୀକ୍ଷା
କନକ ବ୍ୟୁରୋ : କେରଳରେ ଗତ କିଛି ଦିନ ହେଲାଣି ମୈାସୁମୀ ବର୍ଷା ଲାଗି ରହିଛି । ବର୍ଷାର ମାତ୍ରା ଏତେ ମାତ୍ରାରେ ଅଧିର ରହିଛି ଯେ ପୁରା କେରଳରେ ବର୍ତ୍ତମାନ ସମୟରେ ସାରା କେରଳ ବୁଡି ରହିଛି । ପ୍ରବଳ ବର୍ଷା ଓ ଭୂସ୍ଫଳନ ହେତୁ ବର୍ତ୍ତମାନ ସମୟରେ ସରକାରୀ ଭାବରେ ୯୪ଜଣ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଅନେକ ଲୋକଙ୍କ ଘରେ ବର୍ଷା ପାଣି ଜମିରହିଥିବା କାରଣରୁ ଲୋକମାନେ ଘରଦ୍ୱାର ଛାଡି ଉଚ୍ଚସ୍ଥାନକୁ ପଳାଇ ଯାଇଛନ୍ତି । ରାଜ୍ୟରେ ୨୮୫୭ ଆଶ୍ରୟ ସ୍ଥଳୀରେ ପାଖାପାଖି ୧,୬୫,୫୩୮ଜଣ ଲୋକଙ୍କୁ ଆଶ୍ରୟ ଦିଆଯାଇଛି । ମିଳିଥିବା ସୂଚନା ଅନୁସାରେ ୩୩୯୩ ହେକ୍ଟର ଚାଷଜମୀରେ ଫସଲ ନଷ୍ଟ ହୋଇଛି । ସେଣ୍ଟ୍ରାଲ କେରଳରେ ପରିବହନ ବ୍ୟବସ୍ଥା ପୂରା ଅଚଳ ହୋଇ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରବଳ ପାଣିରେ କୋଚି ବିମାନବନ୍ଦର ବୁଡି ରହିଥିବାରୁ ଆସନ୍ତା ୨୬ ତାରିଖ ପର୍ଯ୍ୟନ୍ତ ବିମାନବନ୍ଦରକୁ ସରକାରଙ୍କ ପକ୍ଷରୁ ବନ୍ଦ କରାଯାଇଛି । ରାଜ୍ୟରେ ବନ୍ୟା ନିୟନ୍ତ୍ରଣ ପାଇଂ ଥିବା ସମସ୍ତ ୩୫ ଡ୍ୟାମରେ ପାଣି ଭର୍ତ୍ତି ହୋଇ ରହିଛି । ତେବେ ମିଳିଥିବା ଶେଷ ଅନୁସାରେ କେରଳରେ ୨୦୮ମିଲିମିଟର ବର୍ଷା ରେକର୍ଡ କରାଯାଇଛି । ୧୯୨୪ ମସିହା ପରଠାରୁ ପ୍ରଥମଥର କରି ୨୦୧୮ ମସିହାରେ ଏପରି ଭୟାନକ ବର୍ଷା ହୋଇଥିବା ଚର୍ଚ୍ଚା ହୋଇଛି । କେରଳ ସରକାର କାସରଗୋଡ ଜିଲ୍ଲାକୁ ଛାଡି ଦେଲେ ଅନ୍ୟ ସମସ୍ତ ଜିଲ୍ଲାର ସ୍କୁଲ ଓ କଲେଜ ଛୁଟି ଘୋଷଣା କରାଯାଇଛି । ଏହାସହ ରାଜ୍ୟରେ ହେବାକୁ ଥିବା ସମସ୍ତ ପରୀକ୍ଷାକୁ ମଧ୍ୟ ବାତିଲ କରାଯାଇଛି ।
ଭୟଙ୍କର ବର୍ଷା ଲାଗି ରାଜ୍ୟର ପରିବହନ ବ୍ୟବସ୍ଥା ଠପ୍ ହୋଇଯାଇଛି ତେଣୁ ଲୋକମାନେ ସଠିକ ଭାବରେ ଖାଦ୍ୟସାମଗ୍ରୀ ପାଇ ପାରୁନଥିବା ସୂଚନା ମିଳିଛି । ଏପରିକି ସେଠାକାର ପର୍ଯ୍ୟଟନସ୍ଥଳୀକୁ ମଧ୍ୟ ବନ୍ଦ କରାଯାଇଛି । ତେବେ କେରଳ ଆଞ୍ଚଳିକ ପାଣିପାଗ ବିଭାଗ ପୂର୍ବାନୁମାନ କରିଛି ଯେ, ଆସନ୍ତା ୨୪ଘଣ୍ଟା ମଧ୍ୟରେ ରାଜ୍ୟର ୧୨ଟି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି । ତେଣୁ ଲୋକମାନେ ବର୍ତ୍ତମାନ ସମୟରେ ଚିନ୍ତାରେ । କିନ୍ତୁ ସରକାର ଲୋକମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦେବେ ବୋଲି ମୁଖ୍ୟମନ୍ତ୍ରୀ ପିନାରାଇ ବିଜୟନ କହିବା ସହ ଲୋକନମାନଙ୍କ ସତର୍କ ରହିବା ପାଇଁ ପରାମର୍ଶ ଦେଇଛନ୍ତି ।