କ୍ଷୁଦ୍ର ଜମାକାରୀଙ୍କ ପାଇଁ ସରକାର ଆଣିଲେ ଖୁସିଖବର । ଏହି ସବୁ ସଞ୍ଚୟ ଯୋଜନା ଉପରେ ବଢିଲା ସୁଧହାର
କନକ ବ୍ୟୁରୋ : ଆସନ୍ତାକାଲି ଠାରୁ ଦେଶରେ ନୂଆ ଆର୍ଥିର୍କ ବର୍ଷ ଆରମ୍ଭ ହେବାକୁ ଯାଉଛି । ନୂଆ ଆର୍ଥିକ ବର୍ଷ ଆରମ୍ଭ ହେବା ପୂର୍ବରୁ କେନ୍ଦ୍ର ସରକାର ଦେଶର ଅଗଚ୍ଚିତ କ୍ଷୁଦ୍ର ଜମାକାରୀଙ୍କ ପାଇଁ ଖୁସି ଖବର ଆଣିଛନ୍ତି । ଅର୍ଥ ମନ୍ତ୍ରଣାଳୟ ତରଫରୁ ସୁକନ୍ୟ ସମୃଦ୍ଧି ଯୋଜନା ଠାରୁ ଆରମ୍ଭ କରି ନ୍ୟାସନାଲ ସେଭିଂସ୍ ସାର୍ଟିଫିକେଟ, କିସାନ ବିକାଶ ପତ୍ର, ଡାକଘର ସଞ୍ଚୟ ଯୋଜନା ଓ ବରିଷ୍ଠ ନାଗରିକ ସଞ୍ଚୟ ଯୋଜନା ଉପରେ ସୁଧହାର ବୃଦ୍ଧି କରିଛନ୍ତି । ଆର୍ଥିକ ବର୍ଷ ୨୦୨୩-୨୪ ର ପ୍ରଥମ ତ୍ରୈମାସିକ ଏପ୍ରିଲ ରୁ ଜୁନ ମାସ ପର୍ଯ୍ୟନ୍ତ ଏହି ସବୁ ସଞ୍ଚୟ ଯୋଜନାରେ ୧୦ ରୁ ୭୦ ବେସିସ୍ ପଏଣ୍ଟ ବୃଦ୍ଧି କରାଯାଇଛି । ହେଲେ ପିପିଏଫ ଉପରେ ସୁଧହାରର କୌଣସି ପରିବର୍ତ୍ତନ କରାଯାଇ ନାହିଁ ।
Kanak News is now on WhatsApp
Join and get latest news updates delivered to you via WhatsApp
The rates of interest on various Small Savings Schemes for the first quarter (Q1) of financial year 2023-24 starting from 1st April, 2023 and ending on 30th June, 2023 have been revised as follows👇 pic.twitter.com/OwLr8MxhGU
— Ministry of Finance (@FinMinIndia) March 31, 2023
ଅର୍ଥମନ୍ତ୍ରଣାଳୟ ଜାରି କରିଥିବା ସୁଧହାର ମୁତାବକ ସେଭିଙ୍ଗସ୍ ଡିପୋଜିଟ ଉପରେ ୪ ପ୍ରତିଶତ, ୧ବର୍ଷ ପାଇଁ ଡିପୋଜିଟ୍ କରୁଥିଲେ ୬.୮୦ ପ୍ରତିଶତ, ୨ବର୍ଷ ପାଇଁ ଡିପୋଜିଟ୍ କଲେ ୬.୯୦ ପ୍ରତିଶତ, ୩ବର୍ଷ ପାଇଁ ଡିପୋଜିଟ୍ କଲେ ୭ ପ୍ରତିଶତ, ୫ବର୍ଷ ପାଇଁ ଡିପୋଜିଟ୍ କଲେ ୭.୫୦ପ୍ରତିଶତ ସୁଧହାର ମିଳିବ । ଏହାସହ ବରିଷ୍ଠ ନାଗରିକଙ୍କ ପାଇଁ ୮.୨୦ ପ୍ରତିଶତ ସୁଧହାର ରଖାଯାଇଛି । ସେହିଭଳି ପେନସନ୍ ଯୋଜନାରେ ଡିପୋଜିଟ୍ କଲେ ୭.୪୦ ପ୍ରତିଶତ , ନ୍ୟାସନାଲ ସେଭିଙ୍ଗସ୍ ସାର୍ଟିଫିକେଟରେ ଡିପୋଜିଟ୍ କଲେ ୭.୭୦ ପ୍ରତିଶତ, କିସାନ ବିକାଶ ପତ୍ରରେ ଡିପୋଜିଟ୍ କଲେ ୭.୫ପ୍ରତିଶତ (୧୧୫ମାସ ପାଇଁ), ସୁକନ୍ୟା ସମୃଦ୍ଧି ଯୋଜନାରେ ସଂଚୟ କରୁଥିଲେ ୮ ପ୍ରତିଶତ ସୁଧହାର ମିଳିବ ।