ବଢୁଥିବା ତୈଳ ଦର ନେଇ ସରକାରଙ୍କୁ ରକ୍ଷା କରୁଛନ୍ତି ତୈଳମନ୍ତ୍ରୀ, ୬ ଟି ଦେଶର ଉଦାହରଣ ଦେଇ କହିଲେ ଏଭଳି କଥା
କନକ ବ୍ୟୁରୋ : ୫ ଟି ରାଜ୍ୟର ବିଧାନସଭା ନିର୍ବାଚନ ଫଳାଫଳ ଆସିବା ପରେ ୧୫ ଦିନ ମଧ୍ୟରେ ଦେଶରେ ପେଟ୍ରୋଲ ଓ ଡିଜେଲର ଦାମ ୧୩ ଥର ବୃଦ୍ଧି ପାଇସାରିଛି । ଏହାକୁ ନେଇ ବିରୋଧୀମାନେ ସରକାରଙ୍କୁ ଘେରିଥିବା ବେଳେ ସରକାରଙ୍କୁ ରକ୍ଷା କରିଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ପୁରୀ ।
Kanak News is now on WhatsApp
Join and get latest news updates delivered to you via WhatsApp
୧୫ ଦିନ ମଧ୍ୟରେ ପେଟ୍ରୋଲ ୯.୨୦ ପଇସା ପେଟ୍ରୋଲ ଦର ବୃଦ୍ଧିକୁ ନେଇ ବିରୋଧୀମାନେ ମଙ୍ଗଳବାର ଦିନ ସଂସଦରେ କହିଛନ୍ତି କି ଅନ୍ୟଦେଶମାନଙ୍କ ତୁଳନାରେ ଭାରତରେ ମାତ୍ର ୧ ପ୍ରତିଶତ ତୈଳଦର ବୃଦ୍ଧି ହୋଇଛି । ଏପ୍ରିଲ ୨୦୨୧ ଓ ମାର୍ଚ୍ଚ ୨୦୨୨ ମଧ୍ୟରେ ପେଟ୍ରୋଲର ଦାମ ଆମେରିକାରେ ୫୧ ପ୍ରତିଶତ, କାନାଡାରେ ୫୨ ପ୍ରତିଶତ, ଜର୍ମାନୀରେ ୫୫ ପ୍ରତିଶତ, ବ୍ରିଟେନରେ ୫୫ ପ୍ରତିଶତ, ଫ୍ରାନ୍ସରେ ୫୦ ପ୍ରତିଶତ, ସ୍ପେନରେ ୫୮ ପ୍ରତିଶତ ବୃଦ୍ଧି ପାଇଛି । ହେଲେ ସେହି ତୁଳନାରେ ଭାରତରେ ମାତ୍ର ୫ ପ୍ରତିଶତ ବୃଦ୍ଧି ପାଇଥିବା କଥା ହରଦୀପ ପୁରୀ ସଂସଦରେ ସୂଚନା ଦେଇଛନ୍ତି ।
କହିରଖୁ କି ମଙ୍ଗଳବାର ସୁଦ୍ଧା ଦିଲ୍ଲୀରେ ପେଟ୍ରୋଲ ଦାମ ଲିଟର ପ୍ରତି ୧୦୪.୬୧ ଟଙ୍କା ଓ ଡିଜେଲର ଦାମ ୯୫.୮୭ ଟଙ୍କା ରହିଛି । ସେହିଭଳି ମୁମ୍ବାଇରେ ପେଟ୍ରୋଲର ଦାମ ୧୧୯.୬୭ ଟଙ୍କା ଓ ଡିଜେଲ ୧୦୩ ଟଙ୍କାରେ ପହଂଚିଛି ।
ସୂଚନା ଥାଉକି ଏହା ପୂର୍ବରୁ ବିରୋଧୀମାନେ ଯେତେବେଳ ତୈଳଦରକୁ ନେଇ ସରକାରଙ୍କୁ ଘେରିଥିଲେ ଠିକ ସେତିକି ବେଳେ ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ କହିଥିଲେ କି ଅର୍ନ୍ତରାଷ୍ଟ୍ରୀୟ ବଜାରରେ ଅଶୌଧିତ ତୈଳଦର ବୃଦ୍ଧି ପାଇଁ ଦେଶରେ ତୈଳଦର ବୃଦ୍ଧି ପାଉଛି । ଏହାସହ ଦେଶବାସୀଙ୍କୁ ଶସ୍ତାଦାମରେ ତୈଳ ଯୋଗାଇ ଦେବା ନେଇ ସରକାର ପ୍ରୟାସ କରୁଛନ୍ତି ବୋଲି ସେ ବିରୋଧୀଙ୍କୁ ଆଶ୍ୱାସନା ଦେଇଥିଲେ ।