ବାଜିଲା ହିମାଚଳପ୍ରଦେଶ ବିଧାନସଭା ନିର୍ବାଚନ ପାଇଁ ବିଗୁଲ । ଗୁଜରାଟ ନିର୍ବାଚନ ପାଇଁ ତାରିଖ ଘୋଷଣା କଲେନାହିଁ ନିର୍ବାଚନ କମିଶନ
କନକ ବ୍ୟୁରୋ : ନଭେମ୍ବର ୧୨ରେ ହେବ ହିମାଚଳପ୍ରଦେଶ ବିଧାନସଭା ନିର୍ବାଚନ । ମୁଖ୍ୟ ନିର୍ବାଚନ କମିଶନର ରାଜୀବ କୁମାର ନିର୍ବାଚନ ତାରିଖ ଘୋଷଣା କରିଛନ୍ତି । ହିମାଚଳପ୍ରଦେଶର ୬୮ ବିଧାନସଭା ଆସନ ପାଇଁ ୧୨ ତାରିଖରେ ଭୋଟ ପଡିବ ଓ ଡିସେମ୍ବର ୮ରେ ଫଳାଫଳ ପ୍ରକାଶ ପାଇବ । ନିର୍ବାଚନ ପାଇଁ ଅକ୍ଟୋବର ୧୭ରେ ବିଜ୍ଞପ୍ତି ପ୍ରକାଶ ପାଇବ । ଅକ୍ଟୋବର ୨୭ ତାରିଖ, ନାମାଙ୍କନ ଦାଖଲର ଶେଷ ଦିନ ନିର୍ଦ୍ଧାରିତ ହୋଇଥିବାବେଳେ ୨୯ତାରିଖ ଭିତରେ ପ୍ରାର୍ଥୀ ନିଜର ନାମାଙ୍କନ ପ୍ରତ୍ୟାହାର କରିପାରିବେ ।ତେବେ ହିମାଚଳରେ ମୋଟ ୫୫ଲକ୍ଷ ଭୋଟର ରହିଛନ୍ତି । ଏମାନଙ୍କ ମଧ୍ୟରୁ ୧ଲକ୍ଷ ୫୦ହଜାର ଭୋଟର ପ୍ରଥମ ଥର ପାଇଁ ଭୋଟଦେବେ । ନିର୍ବାଚନ କମିଶନର କହିଛନ୍ତି ଅକ୍ଟୋବର ମାସରେ ଉତ୍ସବ ଚାଲିଛି ଓ ଗଣତନ୍ତ୍ରର ଉତ୍ସବ ମଧ୍ୟ ଯୋଡି ହେବାକୁ ଯାଉଛି । ଅନ୍ୟପଟେ କରୋନାସ୍ଥିତିକୁ ଦୃଷ୍ଟିରେ ରଖି ନିର୍ବାଚନ କମିଶନଙ୍କ ପକ୍ଷରୁ ଭୋଟଗ୍ରହଣ ଓ ଗଣତି ବ୍ୟବସ୍ଥା କରାଯିବ ।
Kanak News is now on WhatsApp
Join and get latest news updates delivered to you via WhatsApp
ହିମାଚଳପ୍ରଦେଶ ବିଧାନସଭା ନିର୍ବାଚନ ପାଇଁ ଶୁକ୍ରବାର ନିର୍ବାଚନ କମିଶନ ତାରିଖ ଘୋଷଣା କରିଥିବା ବେଳେ ଗୁଜରାଟ ବିଧାନସଭା ନିର୍ବାଚନ ପାଇଁ କାହିଁକି ତାରିଖ ଘୋଷଣା କଲେ ନାହିଁ ତାକୁ ନେଇ ପ୍ରଶ୍ନ ଉଠିଛି । ନିର୍ବାଚନ କମିଶନ କହିଛନ୍ତି, ବର୍ତମାନ ଗୁଜୁରାଟର ପାଣିପାଗ ଠିକ୍ ନ ଥିବା ବେଳେ ପୂର୍ବ ବିଧାନସଭା ନିର୍ବାଚନ ତାରିଖ ହିମାଚଳପ୍ରଦେଶ ଠାରୁ ଅଲଗା ଥିଲା । ଏହାକୁ ଦୃଷ୍ଟିରେ ରଖି ଗୁଜରାଟ ପାଇଁ ନିର୍ବାଚନୀ ତାରିଖ ଘୋଷଣା କରାଯାଇନାହିଁ । ସୂଚନାଯୋଗ୍ୟ, ୨୦୧୭ ଅକ୍ଟୋବର ୧୩ରେ ହିମାଚଳ ନିର୍ବାଚନ ହୋଇଥିବା ବେଳେ ୨୦୧୭ ଅକ୍ଟୋବର ୨୫ରେ ଗୁଜରାଟ ନିର୍ବାଚନ ହୋଇଥିଲା ।