କନକ ବ୍ୟୁରୋ: ଏମିତି ବି ଆସେ ମୃତ୍ୟୁ । ପୁରସ୍କାର ଗ୍ରହଣ ବେଳେ ଟଳିପଡ଼ିଲେ ବୃଦ୍ଧା । ପୁରସ୍କାର ନେବା ପାଇଁ ଖୁସିରେ ମଞ୍ଚକୁ ଚଢିଥିଲେ । ପୁରସ୍କାର ବି ଗ୍ରହଣ କଲେ । ପୁରସ୍କାରର ପ୍ରତ୍ୟୁତ୍ତରରେ ହସ ହସ ମୁହଁରେ ଉଦବୋଧନ ଦେଉଥିବା ବେଳେ ଆକସ୍ମିକ ଭାବେ ଟଳିପଡ଼ିଲେ । ଉପସ୍ଥିତ ଦର୍ଶକ କିଛି ଚିନ୍ତାକରିବା ବେଳକୁ ସେ ଆଉ ଦୁନିଆରେ ନଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ମଙ୍ଗଳବାର ସଂଧ୍ୟାରେ ସ୍ଥାନୀୟ ମିଶନ କମ୍ୟୁନିଟି ହଲରେ ଏକ କାର୍ଯ୍ୟକ୍ରମ ଚାଲିଥିବାବେଳେ ବଲାଙ୍ଗିର କଲେଜ ଛକର ସୁଶୀଳା ତାଣ୍ଡିଙ୍କ ଏଭଳି ଆକସ୍ମିକ ମୃତ୍ୟୁ ସମସ୍ତଙ୍କୁ ସ୍ତବ୍ଧ କରିଛି । ସୁଶିଳା ତାଣ୍ଡି ଦୀର୍ଘ ବର୍ଷ ଧରି ବିଭିନ୍ନ ସାମାଜିକ କାମରେ ଜଡିତ ଥିଲେ । ସ୍ୱାମୀ ଏବଂ ତାଙ୍କ ବଡ଼ ପୁଅଙ୍କର ମୃତ୍ୟୁ ପରେ ସେ ଲୋକଙ୍କ ସୁଖଦୁଃଖରେ ସାମିଲ ହୋଇ ଜୀବନ ଅତିବାହିତ କରୁଥିଲେ ।
ମଙ୍ଗଳବାର ସଂଧ୍ୟାରେ ଖ୍ରୀଷ୍ଟିଆନ ସମାଜ ପକ୍ଷରୁ ଏକ କାର୍ଯ୍ୟକ୍ରମ ଚାଲିଥିଲା । ତାଙ୍କୁ ଶ୍ରେଷ୍ଠ ସାମାଜିକ କର୍ମୀ ଭାନେ ଚୟନ କରାଯାଇଥିଲା । ସୁଶିଳା ମଧ୍ୟ ତାଙ୍କ ସାନ ପୁଅ ସହ ଉପସ୍ଥିତ ଥିଲେ । ପୁରସ୍କାର ଗ୍ରହଣ ପରେ ତାଙ୍କୁ କିଛି କହିବା ପାଇଁ କୁହାଯାଇଥିଲା । ହେଲେ କହିବା ବେଳେ ହୃଦଘାତ ହୋଇଥିଲା । ତୁରନ୍ତ ତାଙ୍କୁ ଭୀମଭୋଇ ମେଡ଼ିକାଲ କଲେଜ ହସ୍ପିଟାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ବରପାଲିପଡ଼ା ସ୍ଥିତ ସମାଧିସ୍ଥଳ ଠାରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ।