ଶିକ୍ଷକଙ୍କୁ ବିଦେଶ ପଠାଇବା ଦ୍ୱାରା ଦିଲ୍ଲୀ ସରକାରୀ ସ୍କୁଲର ପିଲାଙ୍କୁ ହେଲା କି ଫାଇଦା? ଜାଣନ୍ତୁ …
କନକ ବ୍ୟୁରୋ: କେଜ୍ରିୱାଲ ସରକାର ଦିଲ୍ଲୀର ସରକାରୀ ସ୍କୁଲରେ ପଢୁଥିବା ପିଲାଙ୍କ ଉନ୍ନତ ଶିକ୍ଷା ପାଇଁ ଶିକ୍ଷକଙ୍କୁ ବିଦେଶୀ ଟ୍ରେନିଂ ଦେବାକୁ ଚାହୁଁଛନ୍ତି । ଏହାକୁ ନେଇ ଉପରାଜ୍ୟପାଳଙ୍କ ସହ ଲଗାତର ଭାବେ ବିବାଦ ବଢିବାରେ ଲାଗିଛି । ଦିଲ୍ଲୀ ସରକାର ଚାହୁଁଛନ୍ତି ଯେ ଶିକ୍ଷକମାନେ ଫିନଲାଣ୍ଡରୁ କିଛି ଶିକ୍ଷାକରି ଆସିବେ ଏବଂ ଦିଲ୍ଲୀର ସରକାରୀ ସ୍କୁଲରେ ଉନ୍ନତ ଶିକ୍ଷା ପ୍ରଦାନ କରିବେ।
Kanak News is now on WhatsApp
Join and get latest news updates delivered to you via WhatsApp
୨୦୧୪ରେ ପ୍ରଥମ ଥର ଆପ ଦିଲ୍ଲୀରେ ସରକାର ଗଠନ କରିଥିଲା । ସେବେଠାରୁ ବର୍ତ୍ତମାନ ଯାଏ ଆପ ସରକାର ଶିକ୍ଷକଙ୍କୁ ସିଙ୍ଗାପୁର-ଫିନଲାଣ୍ଡର ସ୍କୁଲକୁ ପଠାଉଛନ୍ତି । ସେଠାରୁ ଟ୍ରେନିଂ ନେଇ ଆସିବା ପରେ ଶିକ୍ଷକମାନେ ଦିଲ୍ଲୀର ସରକାରୀ ସ୍କୁଲର ଛାତ୍ରଛାତ୍ରୀଙ୍କୁ ଶିକ୍ଷା ପ୍ରଦାନ କରିଥାନ୍ତି । ୨୦୧୪ ପୂର୍ବରୁ ଦିଲ୍ଲୀରେ ଶିଲା ଦିକ୍ଷିତ ସରକାର କେବେହେଲେ ଶିକ୍ଷକଙ୍କୁ ବିଦେଶୀ ଟ୍ରେନିଂ ପାଇଁ ପଠାଇନଥିଲେ ।
ଦିଲ୍ଲୀ ସରକାରଙ୍କ ଅଭିଯୋଗ ଯେ ଉପରାଜ୍ୟପାଳ ଦ୍ୱାରା ଶିକ୍ଷକଙ୍କୁ ଫିନଲାଣ୍ଡ ପଠାଯିବା ଫାଇଲକୁ ରୋକିଦିଆଯାଇଛି । ତେବେ ପ୍ରଶ୍ନ ଏହା ଯେ ଫିନଲାଣ୍ଡ ଯାଉଥିବା ଶିକ୍ଷକମାନେ ୫ଦିନରେ ଏମିତି କଣ ଶିକ୍ଷାଗ୍ରହଣ କରିବେ ଯେ ସେଠାରୁ ଆସିବା ପରେ ସ୍କୁଲରେ ଉନ୍ନତ ଶିକ୍ଷାଦାନ କରିପାରିବେ । ସରକାର ଚାହିଁଲେ ବିଦେଶରୁ ଶିକ୍ଷକ ଆଣି ଦିଲ୍ଲୀର ଶିକ୍ଷକଙ୍କୁ ଟ୍ରେନିଂ ମଧ୍ୟ ଦେଇପାରନ୍ତେ । ସେହିଭଳି ଶିକ୍ଷକଙ୍କର ମଧ୍ୟ ଟ୍ରେନିଂ ହୋଇପାରିବ ।
ଦିଲ୍ଲୀ ସରକାରଙ୍କ କହିବା କଥା ଯେ ଉନ୍ନତ ଟ୍ରେନିଂ ଦ୍ୱାରା ଶିକ୍ଷକଙ୍କୁ ଅନେକ ଫାଇଦା ହୋଇପାରିବ । ଆପର ମୁଖପାତ୍ର ଗଜେନ୍ଦ୍ର ଭରଦ୍ୱାଜ କହିଛନ୍ତି, ପିଲାମାନଙ୍କ ରେଜଲ୍ଟ ଗତ ସରକାର ଅମଳରେ ୭୦ ପ୍ରତିଶତ ରହୁଥିଲା । କେଜ୍ରିୱାଲ ସରକାର ଆସିବା ପରେ ଏହା ୯୯ ପ୍ରତିଶତକୁ ବୃଦ୍ଧି ପାଇଛି । ଏହାଛଡା ମଧ୍ୟ ସରକାରୀ ସ୍କୁଲର ଛାତ୍ରଛାତ୍ରୀଙ୍କୁ ଆଇଆଇଟି- ଇଞ୍ଜିନିୟରିଂର ବଡ ବଜ ସଂସ୍ଥାନରେ ହୋଇପାରୁଛି । ଏହା ଶିକ୍ଷକଙ୍କ ଟ୍ରେନିଂ ଦ୍ୱାରା ସମ୍ଭବ ହୋଇପାରିଛି ।