କନକ ବ୍ୟୁରୋ: ୨୯ ଜାନୁଆରୀ ୨୦୧୬ ମସିହା ଜାନୁଆରୀ ୨୯ ତାରିଖରେ ଗ୍ୟାଙ୍ଗଷ୍ଟର ଭାଇ ସୁଶୀଲ ଓ ସୁଶାନ୍ତ ଧଳସାମନ୍ତ ଗିରଫ ହେବା ସାରା ରାଜ୍ୟରେ ଚର୍ଚ୍ଚା ସୃଷ୍ଟି କରିଥିଲା । ବାଲି ଚୋରାଚାଲାଣ, ଦାଦାବଟି ଆଦାୟଠୁ ଆରମ୍ଭ କରି ବିଭିନ୍ନ ଅପରାଧରେ ଏମାନଙ୍କ ସଂପୃକ୍ତି ହଇଚଇ ସୃଷ୍ଟି କରିଥିଲା । ବର୍ତମାନ ଏହି ଦୁଇଭାଇଙ୍କ ବିରୋଧରେ ୩୮ ମାମଲା ଚାଲିଛି । କିନ୍ତୁ ପୁଲିସର ନିଷ୍କ୍ରିୟତା ଓ ସାକ୍ଷୀଙ୍କ ପଛଘୁଞ୍ଚା କାରଣରୁ ଏବେ ଧଳସାମନ୍ତ ଖସିଯିବା ଆଶଙ୍କା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଦୁଇଭାଇ ନିର୍ଦ୍ଦୋଷରେ ଖଲାସ ହୁଅନ୍ତି, ତାହା ହେଲେ କଟକରେ ଆଇନଶୃଙ୍ଖଳା ପରିସ୍ଥିତି କିଭଳି ହେବ ସେ ନେଇ ଆଶଙ୍କା ପ୍ରକାଶ ପାଇଛି । ପୁଣି ପୂର୍ବଭଳି ଛୋଟବଡ ଅପରାଧୀ ମୁଣ୍ଡ ଟେରିପାରନ୍ତି ବୋଲି ଚର୍ଚ୍ଚା ଆରମ୍ଭ ହୋଇଛି ।
- ୩୮ ମାମଲାରେ ୨ ଶହ ସାକ୍ଷୀ
- କୋର୍ଟରେ ଛିଡାହେବାକୁ ସାକ୍ଷୀଙ୍କ ପଛଘୁଞ୍ଚା
ଧଳସାମନ୍ତଙ୍କ ବିରୋଧରେ ବିଭିନ୍ନ ଥାନାରେ ମୋଟ ୩୮ ମାମଲା ରୁଜୁ ହୋଇଛି । କିନ୍ତୁ ଅଧିକାଂଶ କ୍ଷେତ୍ରେ ସାକ୍ଷୀ ନ ଆସିବା ସମସ୍ୟା ସୃଷ୍ଟି କରିଛି ।
- ବିଭିନ୍ନ କାରଣରୁ ୫ ମାମଲାରେ ଧଳସାମନ୍ତ ଭାଇ ନିର୍ଦ୍ଦୋଷରେ ଖଲାସ ହୋଇସାରିଛନ୍ତି
- ୩ ଟି ମାମଲାରେ ଦୁଇଭାଇ କୋର୍ଟରେ ଦୋଷୀ ସାବ୍ୟସ୍ତ
- ଅବଶିଷ୍ଟ ୩୦ ମାମଲା କୋର୍ଟରେ ଏବେ ବିଚାରାଧୀନ
- ଅଧିକାଂଶ ମାମଲାରେ ସାକ୍ଷ୍ୟ ଦେବାକୁ ସାକ୍ଷୀ ପଛଘୁଞ୍ଚା ଦେଉଛନ୍ତି
ମାମଲା ଶୁଣାଣି ସମୟରେ ଓଡିଶା ପୋଲିସରେ ସାକ୍ଷୀଙ୍କୁ ସୁରକ୍ଷା ପାଇଁ ‘ସାକ୍ଷୀ ସୁରକ୍ଷା’ ଯୋଜନା ରହିଛି । କିନ୍ତୁ ଧଳସାମନ୍ତଙ୍କ କ୍ଷେତ୍ରରେ ବିଚିତ୍ର ପରିସ୍ଥିତି ସୃଷ୍ଟି ହୋଇଛି । ଅନେକ ସାକ୍ଷୀ ଏଥପାଇଁ ଆଗ୍ରହ ପ୍ରକାଶ କରୁନଥିବାବେଳେ କିଛି ସାକ୍ଷୀ ଧଳସାମନ୍ତ ଭାଇଙ୍କୁ ଜାଣିନଥିବା କହିଛନ୍ତି । ତେଣୁୁ ଶୁଣାଣି ପରେ ମାମଲାର ଭାଗ୍ୟ ନେଇ ଏବେ ଠାରୁ ସନ୍ଦେହ ସୃଷ୍ଟି ହୋଇଛି ।