ପ୍ରାର୍ଥୀଙ୍କ ସତ୍ୟପାଠକୁ ନେଇ ଆସିଲା ଏଡିଆର ରିପୋର୍ଟ: ଶିକ୍ଷାଗତ ଯୋଗ୍ୟତାରେ ପ୍ରଦୀପ ପାଣିଗ୍ରାହୀ ଓ ବୋମମାଳି କାନ୍ତ ରାଓ ସବୁଠାରୁ ଆଗୁଆ
କନକ ବ୍ୟୁରୋ: ରାଜ୍ୟରେ ପ୍ରଥମ ପର୍ଯ୍ୟାୟରେ ନିର୍ବାଚନ ହେବାକୁ ଥିବା ୪ ଲୋକସଭା ଆସନ ବ୍ରହ୍ମପୁର, କଳାହାଣ୍ଡି, କୋରାପୁଟ ଓ ନବରଙ୍ଗପୁରର ନାମାଙ୍କନ ଦାଖଲ କରିଥିବା ୩୭ ଜଣ ପ୍ରାର୍ଥୀଙ୍କ ସତ୍ୟପାଠ ଆଧାରରେ ସେମାନଙ୍କ ଚିଠା ଖୋଲିଛି ଏଡିଆର ଓ ଇଲେକ୍ସନ ୱାଚ । ଶିକ୍ଷାଗତ ଯୋଗ୍ୟତାରେ ବ୍ରହ୍ମପୁରର ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଓ ବୋମମାଳି କାନ୍ତ ରାଓ ସବୁଠାରୁ ଆଗୁଆ ରହିଛନ୍ତି । ୪ଟି ଲୋକସଭା ଆସନରେ ୩୭ ଜଣ ସାଂସଦ ପ୍ରାର୍ଥୀଙ୍କ ମଧ୍ୟରେ ଦୁଇ ଜଣ ଡକ୍ଟରେଟ ଥିବାବେଳେ ଜଣେ ମାଡିନାହାନ୍ତି ସ୍କୁଲ ପିଣ୍ଢା । ବ୍ରହ୍ମପୁରର ବିଜେପି ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଓ ନବ ଭାରତ ନିର୍ମାଣ ସେବା ପାର୍ଟିର ବୋମମାଳି କାନ୍ତ ରାଓ ଡକ୍ଟରେଟ ଥିବାବେଳେ ସିପିଆଇ (ଏମଏଲଏଲ) ପ୍ରାର୍ଥୀ ପ୍ରକାଶ ହିକକ୍କା ସ୍କୁଲ ଯାଇ ନାହାନ୍ତି । ଏହି ପ୍ରାର୍ଥୀଙ୍କ ବ୍ୟତୀତ ୩୭ ଜଣଙ୍କ ମଧ୍ୟରେ ଜଣେ ପଂଚମ ଶ୍ରେଣୀ ପାସ କରିଥିବାବେଳେ ଜଣେ ଅଷ୍ଟମ ଶ୍ରେଣୀ ୭ ଜଣ ଦଶମ ଶ୍ରେଣୀ ୫ ଜଣ ଜଣ ଦ୍ୱାଦଶ, ୧୦ ଜଣ ଗ୍ରାଜୁଏଟ ଓ ୪ ଜଣ ଗ୍ରାଜୁଏଟ ପ୍ରଫେସନାଲ, ୬ ଜଣ ପୋଷ୍ଟ ଗ୍ରାଜୁଏଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ନେତା କେତେ ସ୍ୱଛ? ଆପଣ ଯାହାକୁ ଭୋଟ ଦେବାକୁ ଯାଉଛନ୍ତି ସେମାନଙ୍କ ଅପରାଧର ତାଲିକା ଆପଣଙ୍କ ପାଖରେ ଅଛି ତ? ରାଜ୍ୟରେ ପ୍ରଥମ ପର୍ଯ୍ୟାୟରେ ନିର୍ବାଚନ ହେବାକୁ ଥିବା ୪ଟି ଲୋକସଭା ଆସନ ବ୍ରହ୍ମପୁର, କଳାହାଣ୍ଡି, କୋରାପୁଟ ଓ ନବରଙ୍ଗପୁରର ନାମାଙ୍କନ ଦାଖଲ କରିଥିବା ୩୭ ଜଣ ପ୍ରାର୍ଥୀଙ୍କ ସତ୍ୟପାଠ ଖୋଲିଛି ପ୍ରାର୍ଥୀଙ୍କ ଅପରାଧର ଚିଠା । ୩୭ ଜଣ ପ୍ରାର୍ଥୀଙ୍କ ମଧ୍ୟରୁ ୭ ଜଣ ବିଭିନ୍ନ ଅପରାଧରେ ଜଡିତ ଥିବା ଜଣାପଡିଛି । ସେଥିମଧ୍ୟରୁ ୬ ଜଣ ସଙ୍ଗୀନ ଅପରାଧରେ ସଂପୃକ୍ତ ଥିବା ସତ୍ୟପାଠ ଦାଖଲ ବେଳେ ନିଜେ ସ୍ୱୀକାର କରିଛନ୍ତି । ନବରଙ୍ଗପୁରର ବିଜେଡି ସାସଂଦ ପ୍ରାର୍ଥୀ ପ୍ରଦୀପ ମାଝିଙ୍କ ନାଁରେ ସର୍ୱାଧିକ ୧୭ଟି ମାମଲା ରହିଛି । ହତ୍ୟା ଉଦ୍ୟମ ମାମଲାରେ ବି ସଂପୃକ୍ତ ଅଛନ୍ତି ପ୍ରଦୀପ । ସତ୍ୟପାଠ ଦାଖଲବେଳେ ଏହା ସ୍ୱୀକାର କରିଛନ୍ତି ପ୍ରଦୀପ ମାଝି । ପ୍ରଦୀପ ମାଝିଙ୍କ ପରେ ୯ଟି ମାମଲାରେ ସଂପୃକ୍ତ ଅଛନ୍ତି ବିଜେପି ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀ । ସେହିପରି ବିଜେଡି ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ରଙ୍କ ୭ଟି ଅପରାଧିକ ମାମଲାରେ ସଂପୃକ୍ତ ଅଛନ୍ତି । କଂଗ୍ରେସର ସାଂସଦ ପ୍ରାର୍ଥୀ ଭୁଜବଳ ମାଝିଙ୍କ ନାଁରେ ରହିଛି ୩ଟି ଅପରାଧିକ ମାମଲା ।