ଚିନ୍ତାରେ ନବରଙ୍ଗପୁରର ଚାଷୀ ! ଅଭାବୀ ବିକ୍ରିର ଶିକାର, ଦୁଇ ପଇସା ରୋଜାଗାର ଆଶାରେ ଥିବା ଚାଷୀକୁ ଧକ୍କା ।
କନକ ବ୍ୟୁରୋ : ଚିନ୍ତାରେ ନବରଙ୍ଗପୁରର ଚାଷୀ । ମକା ଚାଷ କରି ବେଶ ଦୁଇ ପଇସା ରୋଜାଗାର କରିବା ଆଶାରେ ଥିବା ଚାଷୀକୁ ଧକ୍କା ଲାଗିଛି । କିନ୍ତୁ ଏବେ ଅଭାବୀ ବିକ୍ରିର ସମ୍ମୁଖୀନ ହେଉଥିବା ଚାଷୀର ଚିନ୍ତା ବଢିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଖରିଫ ଚାଷ ସରିଲା । ଏକର ଏକର ଜମିରେ ମକା ଚାଷ କରିଥିଲେ ଚାଷୀ । ଏଥର ବି ଫସଲ ଭଲ ହୋଇଥିଲା । ଏବଂ ଚାଷୀ ଅନେଇ ବସିଥିଲା ଭଲ ଅମଳ ହେବ ଏବଂ ପକେଟକୁ ଦି ପଇସା ଆସିବ । ହେଲେ ନବରଙ୍ଗପୁରର ମକା ଚାଷୀ ହେଲେ ଅଭାବୀ ବିକ୍ରିର ଶିକାର ।
ଏକର ପିଛା ଚାଷୀ ମକା ଉତ୍ପାଦନରେ ଖର୍ଚ୍ଚ କରେ ୨୫ହଜାର ଟଙ୍କା । ଏଥିରୁ ଅମଳ ହୁଏ ୨୫କ୍ୱିଂଟାଲ ମକା । ଏବଂ କ୍ୱିଂଟାଲ ପ୍ରତି ଏହାର ବଜାର ଦର ୮୦୦ଟଙ୍କା । ସରକାର ମଣ୍ଡି ଖୋଲିଲେ ଏବଂ ୧୪୨୫ଟଙ୍କା କ୍ୱିଂଟାଲ ପ୍ରତି ଦର ନିର୍ଦ୍ଦାରଣ କରିଥିଲେ । କିନ୍ତୁ କର୍ମଚାରୀ ମଣ୍ଡିରେ ମକା ରଖିବାକୁ ନାରାଜ । ଏହାର ସୁଯୋଗ ନେଉଛନ୍ତି ଦଲାଲ ।
ସେପଟେ ୠଣ ସୁଝିବା ଚିନ୍ତାରେ ଚାଷୀ ବାଧ୍ୟ ହୋଇ ୮୦୦ଟଙ୍କାରେ ଦଲାଲ ପାଖରେ ମକା ବିକ୍ରି କରୁଛି । ଏହାସହ ରବି ଚାଷ ଆରମ୍ଭ ହୋଇଯାଇଥିବାରୁ ନୀଳଗିରି ଗଛ ଲଗାଇବାକୁ ପ୍ରସ୍ତୁତ ହେଉଛି ଚାଷୀ । ଉତ୍ପାଦିତ ମକାକୁ ଦଲାଲ ପାଖରେ ବାଧ୍ୟ ହୋଇ ବିକ୍ରି କରୁଛି ଚାଷୀ । ସେପଟେ ସବୁ ଜାଣିଶୁଣି ବି ହାତ ଟେକି ଦେଇଛି ପ୍ରଶାସନ ।