ପ୍ରଧାନମନ୍ତ୍ରୀଙ୍କ ଭ୍ରଷ୍ଟାଚାର ବୟାନ ଉପରେ ବର୍ଷିଲେ ନିତୀଶ, କେନ୍ଦ୍ର ସରକାରଙ୍କୁ ନେଇ କହିଲେ ଏଭଳି କଥା
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଭାଷଣରେ କହିଥିଲେ କି କିଛି ରାଜନୈତିକ ଦଳ ଏବେ ଦୁର୍ନୀତିଖୋର ନେତାଙ୍କୁ ବଞ୍ଚାଇ ରଖିବାକୁ ପ୍ରୟାସ କରୁଛନ୍ତି । ଏହାକୁ ନେଇ ଏବେ ରାଜନୀତି ସରଗରମ ହୋଇଛି । ଏବେ ଏବେ ଏନଡିଏ ଛାଡି ମହା ଗଠବନ୍ଧନରେ ସାମିଲ ହୋଇଥିବା ବିହାର ମୁଖ୍ୟମନ୍ତ୍ରୀ ନିତୀଶ କୁମାର ପ୍ରଧାନମନ୍ତ୍ରୀଙ୍କ ଏଭଳି ବୟାନ ଉପରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି କି ମୁଁ କେନ୍ଦ୍ରରେ ବସିଥିବା ଲୋକଙ୍କ କଥାକୁ ଧ୍ୟାନ ଦିଏ ନାହିଁ । ଏହା ସହ ନିତୀଶ କୁମାର ଅଟଳ ବିହାରୀ ବାଜପେୟୀଙ୍କ ଉଦାହରଣ ଦେଇ କହିଛନ୍ତି ଯେ, ଅଟଳଙ୍କ ସରକାରରେ କାମ କରିବାର ସୁଯୋଗ ପାଇଥିବାରୁ ମୁଁ ନିଜକୁ ଧନ୍ୟ ମନେ କରୁଛି । ଏବେର କେନ୍ଦ୍ର ସରକାର ଜାଣିବା ଦରକାର କି ଅଟଳଜୀ କିଭଳି ଭାବେ ସମସ୍ତ ଦଳକୁ ନେଇ କାମ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଦିନ କହିଥିଲେ ଯେ ଭ୍ରଷ୍ଟାଚାରୀଙ୍କ ବରୋଧରେ କାର୍ଯ୍ୟାନୁଷ୍ଠାନ ହେବାରୁ ଏବେ ରାଷ୍ଟ୍ରୀୟ ରାଜନୀତି ଧ୍ରୁବିକରଣ ହୋଇଛି । କିଛି ରାଜନୈତିକ ନେତା ଭ୍ରଷ୍ଟାଚାରୀଙ୍କୁ ସୁରକ୍ଷା ଦେବାକୁ ଏକଜୁଟ ହେବାରେ ଲାଗିଛନ୍ତି । ଏହାସହ ପ୍ରଧାନମନ୍ତ୍ରୀ ଆହୁରି କହିଥିଲେ କି, ଦୁର୍ନୀତି ଦେଶର ବିକାଶ ଓ ଯୁବକଙ୍କ ହିତରେ ସବୁଠାରୁ ବଡ ବାଧକ ସାଜିଛି ।
ପ୍ରଧାନମନ୍ତ୍ରୀଙ୍କ ଏଭଳି ବୟାନ ଉପରେ କେବଳ ନିତୀଶ ନୁହଁନ୍ତି ବରଂ ବିହାରର ଉପ ମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ୱୀ ଯାଦବ କହିଛନ୍ତି ଯେ, ବିଜେପିରେ ଏବେ ପାଖା ପାଖି ୧ ହଜାର ବିଧାୟକ ଓ ୩୦୦ ରୁ ଅଧିକ ସାଂସଦ ରହିଛନ୍ତି । ହେଲେ ସିବିଆଇ କି ଇଡି ଏବେ କାହିଁକି ସେମାନଙ୍କ ମଧ୍ୟରୁ କାହାରି ଘରେ ଚଢାଉ କରୁନାହିଁ ବୋଲି ସେ ପ୍ରଶ୍ନ କରିଛନ୍ତି ।