କନକ ବ୍ୟୁରୋ: ରଥଯାତ୍ରା ବେଳେ ରତ୍ନଭଣ୍ଡାର ଖୋଲିବା ନେଇ ଉଚ୍ଚସ୍ତରୀୟ କମିଟିର ଅଧ୍ୟକ୍ଷ ଅରଜିତ ପଶାୟତ ସଙ୍କେତ ଦେବା ପରେ ମୁହଁ ଖୋଲିଛନ୍ତି ସେବାୟତ । ମହାପ୍ରଭୁଙ୍କ ଅଳଙ୍କାର ଗଣତି ଓ ମଣତି ପାଇଁ ଏହି ୯ ଦିନ ସମୟ ପର୍ଯ୍ୟାପ୍ତ ନୁହେଁ ବୋଲି କହିଛନ୍ତି ଜଗନ୍ନାଥଙ୍କ ମୁଖ୍ୟ ବାଡଗ୍ରାହୀ । ସେ କହିଛନ୍ତି , ଏତେ ଦିନ ମଧ୍ୟରେ ଠାକୁରଙ୍କ ଅଳଙ୍କାର ଗଣତି ସମ୍ଭବ ନୁହେଁ । ପ୍ରଶ୍ନ ଉଠୁଛି, ଏତେ ଅଳ୍ପଦିନ ମଧ୍ୟରେ ରତ୍ନଭଣ୍ଡାର ଅଳଙ୍କାରର ଗଣତି ହେବ କେମିିତି?
Kanak News is now on WhatsApp
Join and get latest news updates delivered to you via WhatsApp
ରଥଯାତ୍ରା ହିଁ ରତ୍ନଭଣ୍ଡାରର ଗଣତି ଓ ମଣତି ପାଇଁ ପ୍ରକୃଷ୍ଟ ସମୟ ବୋଲି ଉଚସ୍ତରୀୟ କମିଟିର ଅଧ୍ୟକ୍ଷ ଅରଜିତ ପଶାୟତ ମତ ଦେବା ପରେ ଏଭଳି କିଛି ପ୍ରଶ୍ନ ଭକ୍ତଙ୍କ ମନରେ ଉଙ୍କି ମାରିଛି । ରତ୍ନଭଣ୍ଡାରର ରହସ୍ୟମୟ ସତ୍ୟକୁ ଅପେକ୍ଷା କରିଛନ୍ତି କୋଟି କୋଟି ଜଗନ୍ନାଥ ପ୍ରେମୀ । ଏହାରିମଧ୍ୟରେ ରଥଯାତ୍ରା ସମୟରେ ରତ୍ନଭଣ୍ଡାର ଖୋଲିବାକୁ ନେଇ ବି ପ୍ରଶ୍ନ ଉଠାଇଛନ୍ତି ଜଗନ୍ନାଥଙ୍କ ମୁଖ୍ୟ ବାଡଗ୍ରାହୀ ଜଗନ୍ନାଥ ସ୍ୱାଇଁ ମହାପାତ୍ର । ମୁଖ୍ୟ ବାଡଗ୍ରାହୀଙ୍କ କହିବା କଥା ହେଲା
ରତ୍ନଭଣ୍ଡାର: କ’ଣ କହିଲେ ମୁଖ୍ୟ ବାଡଗ୍ରାହୀ?
-ରଥଯାତ୍ରା ସମୟରେ ରତ୍ନଅଳଙ୍କାରର ଆକଳନ ସମ୍ଭବ ନୁହେଁ
-ନଅଦିନ ସମୟ ମଧ୍ୟରେ କେମିତି ହେବ ଗଣତି ଓ ମଣତି?
-ରତ୍ନଭଣ୍ଡାରର ଅଳଙ୍କାର ଗଣତି ସହ ଓଜନ ମାପ କରାଯିବ
-ରତ୍ନଭଣ୍ଡାରର ଗଣତି ପ୍ରାୟ ୩ ମାସ ଲାଗିବ ବୋଲି କହିଛନ୍ତି ଜଗନ୍ନାଥ ସ୍ୱାଇଁ ମହାପାତ୍ର । ଏପରିକି ରତ୍ନଭଣ୍ଡାରରେ ପାଣି ପଡି ଅଳଙ୍କାର ନଷ୍ଟ ହୋଇଯାଇଥାଇପାରେ ବୋଲି ବି ସେ ଆଶଙ୍କା ପ୍ରକାଶ କରିଛନ୍ତି ।
୯ ଦିନ ସମୟ ନେଇ ପ୍ରଶ୍ନ ଉଠାଇଲେ ସେବାୟତ
ମେଳ ଖାଇବ କି ୧୯୭୮ର ରିପୋର୍ଟ?
କେବଳ ରଥଯାତ୍ରା ସମୟରେ ହିଁ ଆପାତଃ ରତ୍ନଭଣ୍ଡାର ଖୋଲାଯିବ । ଏଥିପାଇଁ ୧୯୭୮ ମସିହାର ରିପୋର୍ଟ ମାଗିଛନ୍ତି କମିଟି ମୁଖ୍ୟ ଅରଜିତ ପଶାୟତ ।
-୧୯୭୮ ମସିହା ମେ ମାସ ୧୩ ତାରିଖରେ ରତ୍ନ ଅଳଙ୍କାରର ହିସାବ କରାଯାଇଥିଲା
– ମେ ୧୩ରେ ଆରମ୍ଭ ହୋଇ ଜୁଲାଇ ୨୩ରେ ସରିଥିଲା
-ଗଣତି ଓ ମଣତି ପାଇଁ ୨ମାସ ୧୦ ଦିନ ଲାଗିଥିଲା
ତେଣୁ ମାତ୍ର ୯ ଦିନରେ ଏହା କିଭଳି ସମ୍ଭବ ବୋଲି ମତ ଦେଇଛନ୍ତି ସେବାୟତ । ସମୟ ଲାଗିଲେ ବି ପୂର୍ବ ରିପୋର୍ଟ ସହ ଅଳଙ୍କାରର ମେଳକ କରାଯାଉ ବୋଲି ଦାବି କରିଛନ୍ତି ସେବାୟତ ।କୁହାଯାଉଛି, ଭିତର ରତ୍ନଭଣ୍ଡାରରେ ବହୁ ଅଳଙ୍କାର ଅଛି । ସୁନା ଓ ରୂପା କଏନ ସହ ମୂଲ୍ୟବାନ ପଥର ରହିଛି । ଭିତର ଅପେକ୍ଷା ବାହାର ରତ୍ନଭଣ୍ଡାରରେ ଅଧିକ ଅଳଙ୍କାର ଅଛି । ତେଣୁ ପର୍ଯ୍ୟାପ୍ତ ସମୟ ନିଆଯାଇ ଏହାର ମଣତି ଓ ଗଣତି କରିବାକୁ ଚାପ ବଢୁଛି ।