କର୍ଣ୍ଣାଟକରେ ବିଜେପି ଓ ଜେଡିଏସ୍ କରିବେ ମେଣ୍ଟ ! ୟେଦିୟୁରପ୍ପା ଓ କୁମାରସ୍ୱାମୀଙ୍କ ବୟାନ ପରେ ତେଜିଲା ରାଜନୀତି
କନକ ବ୍ୟୁରୋ : ମହାରାଷ୍ଟ୍ରରେ ରାଜନୈତିକ ଘଟଣା ପରେ ଏବେ କର୍ଣ୍ଣାଟକରେ ସେଭଳି ହେବାର ସମ୍ଭାବନା ଦେଖାଦେଇଛି । ରାଜ୍ୟର ବରିଷ୍ଠ ନେତାମାନଙ୍କର ପ୍ରତିକ୍ରିୟା ଏବେ ଏଭଳି ମାହୋଲକୁ ସରଗରମ କରିଛି । କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପିର ବରିଷ୍ଠ ନେତା ବି.ଏସ୍ ୟେଦିୟୁରପ୍ପା ଓ ଜେଡିଏସ ମୁଖ୍ୟ ବା କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ୍.ଡି କୁମାରସ୍ୱାମୀ ଏଭଳି କିଛି ବୟାନ ଦେଇଛନ୍ତି କି ଯାହା ଭବିଷ୍ୟତରେ ଉଭୟ ଦଳ ମଧ୍ୟରେ ମେଣ୍ଟ ସମ୍ଭାବନା ଦେଖା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସମାଚାର ଏଜେନ୍ସି ଏଏନଆଇ ମୁତାବକ ୟେଦିୟୁରପ୍ପା ମଙ୍ଗଳବାର ଦିନ କହିଛନ୍ତି କି, କୁମାର ସ୍ୱାମୀ ଯାହା କହନ୍ତି ତାହା କରିଥାନ୍ତି । ଏହାସହ ସେ କୁମାରସ୍ୱାମୀଙ୍କ ବୟାନକୁ ମଧ୍ୟ ସମର୍ଥନ କରିଛନ୍ତି । ୟେଦିୟୁରପ୍ପା କହିଛନ୍ତି କି ଆଗାମୀ ଦିନରେ କର୍ଣ୍ଣାଟକରେ ବିଜେପି ଓ ଜେଡିଏସ୍ ମିଳିତ ଭାବେ ନିର୍ବାଚନ ଲଢିବେ ।
କର୍ଣ୍ଣାଟକ ବିଧାନସଭାରେ କିଏ ହେବ ବିରୋଧୀଦଳ ନେତା ଏହି ପ୍ରଶ୍ନର ଉତ୍ତର ଦେଇ ୟେଦିୟୁରପ୍ପା କହିଛନ୍ତି କି, ମଙ୍ଗଳବାର ସନ୍ଧ୍ୟା କିମ୍ବା ବୁଧବାର ସକାଳେ ଏନେଇ ନିଷ୍ପତ୍ତି ନିଆଯିବ । ଏହା ପୂର୍ବରୁ କୁମାର ସ୍ୱାମୀ ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଥିଲେ । ସେ କହିଥିଲେ କି ମହାରାଷ୍ଟ୍ରରେ ଯାହା ଘଟିଲା ତାହା କର୍ଣ୍ଣାଟକରେ ମଧ୍ୟ ଘଟିପାରେ । ସେଠାରେ ଅଜିତ ପାୱାରଙ୍କ ଭଳି କର୍ଣ୍ଣାଟକ ରାଜନୀତିରେ ଜଣେ ଅଜିତ୍ ପାୱାର ଥିବା କଥା ସେ କହିଛନ୍ତି ।