ପ୍ରଣବ ପ୍ରକାଶ ଦାସଙ୍କ ମାଆଙ୍କୁ ବିଜେଡି ଟିକେଟ୍: କୋରେଇରୁ ଲଢ଼ିବେ ସନ୍ଧ୍ୟାରାଣୀ ଦାସ
କନକ ବ୍ୟୁରୋ: ଆଜି ଶେଷ ପ୍ରାର୍ଥୀ ତାଲିକା ଜାରି କରିଛି ବିଜେଡି । ବାକି ଥିବା ୩ଟି ଆସନରେ ପ୍ରାର୍ଥୀ ଘୋଷଣା କରିଥିବା ବେଳେ ଦେବଗଡ଼ରେ ପ୍ରାର୍ଥୀ ବଦଳାଇଛି ଦଳ । ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ମା’ ସନ୍ଧ୍ୟାରାଣୀ ଦାସଙ୍କୁ କୋରେଇରୁ ପ୍ରାର୍ଥୀ କରିଛି ଦଳ । ଖଣ୍ଡପଡ଼ାରୁ ସରପ୍ରାଇଜ ପ୍ରାର୍ଥୀ ଭାବେ ସାମ୍ନାକୁ ଆସିଛନ୍ତି ସାବିତ୍ରୀ ପ୍ରଧାନ ।
Kanak News is now on WhatsApp
Join and get latest news updates delivered to you via WhatsApp
ବିଜେଡିର ଶେଷ ପ୍ରାର୍ଥୀ ତାଲିକାରେ ସ୍ଥାନ ପାଇଛନ୍ତି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ମା’ ସନ୍ଧ୍ୟାରାଣୀ ଦାସ । କୋରେଇରୁ ପ୍ରାର୍ଥୀ ହୋଇଛନ୍ତି ସଂଧ୍ୟାରାଣୀ । କୁହାଯାଏ, କୋରେଇ ହେଉଛି ରାଜ୍ୟ ରାଜନୀତିର ପ୍ରଭାବଶାଳୀ ନେତା ସ୍ୱର୍ଗତ ଅଶୋକ ଦାସଙ୍କ ଗଡ଼ । ୧୯୭୪ ମସିହାରୁ କୋରେଇରୁ ୬ ଥର ଜିତି ବିଧାୟକ ହୋଇଥିଲେ ଅଶୋକ ଦାସ । ଏହି ଅନୁକମ୍ପାକୁ ଦୃଷ୍ଟିରେ ରଖି ଅଶୋକ ଦାସଙ୍କ ପତ୍ନୀ ସଂଧ୍ୟାରାଣୀ ଦାସଙ୍କୁ ଏଥର ପ୍ରାର୍ଥୀ କରିଛି ବିଜେଡି ।
କୋରେଇରୁ ସଂଧ୍ୟାରାଣୀ ଦାସଙ୍କୁ ପ୍ରାର୍ଥୀ କରି ବିଜେଡି ମାଷ୍ଟରଷ୍ଟ୍ରୋକ ଖେଳିଥିବା ବେଳେ ଖଣ୍ଡପଡ଼ାରୁ ସାବିତ୍ରୀ ପ୍ରଧାନ ଓ ନୀଳଗିରିରୁ ସୁକାନ୍ତ ନାୟକଙ୍କୁ ଟିକେଟ ଦେଇଛି ଦଳ । ଅନ୍ତିମ ପର୍ଯ୍ୟାୟରେ ବିଜେଡି ବାକି ୩ଟି ଆସନ ଘୋଷଣା କରିଥିବା ବେଳେ ଦେବଗଡ଼ର ପ୍ରାର୍ଥୀ ବଦଳାଇଛି ଦଳ । ଦେବଗଡ଼ରୁ ଅରୁନ୍ଧତୀ ଦେବୀଙ୍କ ଟିକେଟ କାଟି ତାଙ୍କ ସ୍ଥାନରେ ରୋମାଂଚ ରଂଜନ ବିଶ୍ୱାଳଙ୍କୁ ପ୍ରାର୍ଥୀ କରିଛି ବିଜେଡି । ନିକଟରେ ବିଜେପିରୁ ଇସ୍ତଫା ଦେଇ ଅରୁନ୍ଧତୀ ବିଜେଡିରେ ମିଶିଥିଲେ । କିନ୍ତୁ ଶେଷ ମୁହୂର୍ତରେ ତାଙ୍କୁ ନିରାଶ ହେବାକୁ ପଡ଼ିଛି ।
ଏପଟେ ଖଣ୍ଡପଡ଼ା, କୋରେଇ ଓ ଦେବଗଡ଼ ବିଧାନସଭା ମଇଦାନ ଚୂଡ଼ାନ୍ତ ହୋଇଛି ।
ଆସନ ବିଜେଡି ବିଜେପି କଂଗ୍ରେସ
ଖଣ୍ଡପଡା ସାବିତ୍ରୀ ପ୍ରଧାନ ଦୁଷ୍ମନ୍ତ ସ୍ୱାଇଁ ବୈଜୟନ୍ତୀମାଳା ମହାନ୍ତି
କୋରେଇ ସନ୍ଧ୍ୟାରାଣୀ ଦାସ ଆକାଶ ଦାସନାୟକ ବନ୍ଦିତା ପରିଡା
ଦେବଗଡ ରୋମାଂଚ ରଂଜନ ବିଶ୍ୱାଳସୁବାସ ପାଣିଗ୍ରାହୀ ସେମ୍ ହେମ୍ବ୍ରମ୍