କନକ ବ୍ୟୁରୋ : ବିହାର ବକ୍ସର ଜିଲ୍ଲାର ଅମସାରୀ ଗ୍ରାମରେ ବୁଧବାର ରାତିରେ ରହସ୍ୟଜନକ ଭାବେ ୬ ଜଣ ଲୋକଙ୍କର ମୃତ୍ୟୁ ହୋଇଛି । ଏନେଇ ସୂଚନା ପାଇବା ପରେ ପୋଲିସ ଘଟଣା ସ୍ଥଳରେ ପହଂଚି ଶବ ବ୍ୟବଛେଦ ପାଇଁ ପଠାଇବା ସହ ଯାଂଚ ଆରମ୍ଭ କରିଛି । ମୃତ୍ୟୁ ହୋଇଥିବା ଲୋକମାନଙ୍କର ପରିବାର ଲୋକେ ଅଭିଯୋଗ ଆଣିଛନ୍ତି କି ବିଷାକ୍ତ ମଦ ପିଇବା କାରଣରୁ ସେମାନଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ବିହାରରେ ନିତୀଶ ସରକାର ମଦ ବିକ୍ରି ଉପରେ ବ୍ୟାନ ଲଗାଇଛନ୍ତି । ହେଲେ ଏହା କେବଳ ଆଇନ ବହିରେ ଲିପିବଦ୍ଧ ହୋଇଛି ସିନା ବାସ୍ତବ ଚିତ୍ର କିନ୍ତୁ ସମ୍ପୂର୍ଣ୍ଣ ଅଲଗା । ଦେଶରେ ସବୁଠାରୁ ଅଧିକ ମଦମୃତ୍ୟୁ ବିହାରରେ ଘଟୁଛି । ଏନେଇ ବକ୍ସର ଏସପି ନୀରଜ କୁମ।।ର କହିଛନ୍ତି କି ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ୪ ଜଣଙ୍କର ସ୍ୱାସ୍ଥ୍ୟାବସ୍ଥା ଗୁରୁତର ରହିଛି ।
ନିତୀଶ ସରକାର ସମୟରେ ବିହାରରେ ମଦମୃତ୍ୟୁ ରେକର୍ଡ ଛୁଇଁଛି । ଏହା ପୂର୍ବରୁ ଜାନୁଆରୀ ୨୨ ତାରିଖରେ ବି ସାରଣ ଜିଲ୍ଲାରେ ବିଷାକ୍ତ ମଦପିଇ ଅତି କମରେ ୫ ଜଣଙ୍କର ମୃତ୍ୟୁ ହୋଇଥିଲା । କେବଳ ସେତିକି ନୁହେଁ ଗତବର୍ଷ ନଭେମ୍ବର ମାସରେ ରାଜ୍ୟର ପଶ୍ଚିମ ଚମ୍ପାରଣ, ଗୋପାଳଗଞ୍ଜ, ମୁଜଫରପୁର ଓ ସମସ୍ତିପୁର ଜିଲ୍ଲାରେ ବିଷାକ୍ତ ମଦ ପିଇ ୪୦ ଜଣଙ୍କର ମୃତ୍ୟୁ ହୋଇଥିଲା ।
Bihar: Around six people died in Amsari village, Buxar last night under mysterious circumstances. Police investigation has begun.
“This happened due to spurious liquor. What is the admn doing? If there is a liquor ban, how are they getting it?” relatives of the deceased say. pic.twitter.com/MRZjLRj8iF
— ANI (@ANI) January 27, 2022
କହିରଖୁ କି ମୁଖ୍ୟମନ୍ତ୍ରୀ ନିତୀଶ କୁମାର ବିଧାନସଭା ନିର୍ବାଚନ ପୂର୍ବରୁ ରାଜ୍ୟର ମହିଳାମାନଙ୍କୁ ପ୍ରତିଶୃତି ଦେଇଥିଲେ କି ରାଜ୍ୟରେ ମଦ ବିକ୍ରି ଉପରେ ସମ୍ପୂର୍ଣ୍ଣ କଟକଣା ଲଗାଯିବ । ଏହାପରେ ୨୦୧୬ ମସିହାରେ ରାଜ୍ୟ ସରକାରଙ୍କ ନିଷ୍ପତ୍ତି କ୍ରମେ ରାଜ୍ୟରେ ମଦ କାରବାର ଉପରେ ରୋକ ଲାଗିଥିଲା ।