ବୁଲିବାକୁ ବାହାରିଥିଲେ ତିନି ସାଙ୍ଗ : ବଜ୍ରାଘାତରେ ଚାଲିଗଲା ଜୀବନ; ଗାଁରେ ଶୋକର ଲହରି
କନକ ବ୍ୟୁରୋ : ସନ୍ଧ୍ୟାରେ ଘରୁ ବୁଲିବାକୁ ଯାଇଥିବା ତିନି ଜଣ ସାଙ୍ଗ ବଜ୍ରାଘାତରେ ପ୍ରାଣ ହରାଇଛନ୍ତି । ବଲାଙ୍ଗିର ଜିଲ୍ଲା ଲୋଏସିଂହା ବ୍ଲକର ଜଳମଣ୍ଡଳ ଗାଁରେ ଘଟିଛି ଏହି ଦୁଃଖଦ ଘଟଣା । ଗତକାଲି ସନ୍ଧ୍ୟାରେ ତିନି ଜଣ ସାଙ୍ଗ ବୁଲିବାକୁ ଚାଲି ଚାଲି ଗାଁ ମୁଣ୍ଡକୁ ବାହାରିଥିଲେ । ଏହି ସମୟରେ ହଠାତ ବର୍ଷା ଆରମ୍ଭ ହୋଇଥିବା ଓ ବଜ୍ରାଘାତରେ ତିନି ଜଣ ଗୁରୁତର ହୋଇପଡିିଥିଲା ।
Kanak News is now on WhatsApp
Join and get latest news updates delivered to you via WhatsApp
ପରିବାର ଲୋକେ ତୁରନ୍ତ ତାଙ୍କୁ ଲୋଏସିଂହା ଡାକ୍ତରଖାନାକୁ ଆଣିଥିଲେ, ଡାକ୍ତର ମେଡିକାଲରେ ତିନି ସାଙ୍ଗକୁ ମୃତ ଘୋଷଣା କରିଛନ୍ତି । ମୃତଦେହ ବ୍ୟବଚ୍ଛେଦ ପାଇଁ ବଲାଙ୍ଗିର ମୁଖ୍ୟଚିକିତ୍ସାଳୟକୁ ଅଣାଯିବ, ବ୍ୟବଚ୍ଛେଦ କରିବା ପରେ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯିବ । ଆଜି ଗାଁ ମଶାଣୀରେ ତିନି ସାଙ୍ଗଙ୍କ ଶେଷକୃତ୍ୟୁ ସମ୍ପନ୍ନ ହେବ ବୋଲି ସୂଚନା ମିଳିଛି ।