କାହାକୁ ଖୁସି କରିବାକୁ ଭୁଲ୍ ବିଜ୍ଞାପନ ? ଫାଇଭଟି ସଚିବଙ୍କ ଢେଙ୍କାନାଳ ଗସ୍ତ ବେଳେ ଭୁଲ ବିଜ୍ଞାପନକୁ ନେଇ ଅସନ୍ତୋଷ; ପ୍ରସୂତି କହିଲେ ନେବେ ଆଇନର ସାହାଯ୍ୟ
କନକ ବ୍ୟୁରୋ : ଫାଇଭଟି ସଚିବ ଭି କେ ପାଣ୍ଡିଆନ ଢ଼େଙ୍କାନାଳ ଜିଲ୍ଲା ଗସ୍ତ କରିଥିଲେ । ଏହି ସମୟରେ ସ୍ୱାସ୍ଥ୍ୟ ବିଭାଗ ମୁଖ୍ୟ ଚିକିତ୍ସାଳୟ ପରିଦର୍ଶନ କରିଥିଲେ ସଚିବ । କିନ୍ତୁ ଏହି ସମୟରେ ହସ୍ପିଟାଲରେ ଲାଗିଥିବା ବିଜୁ ସ୍ୱାସ୍ଥ୍ୟ କଲ୍ୟାଣ ବିଜ୍ଞାପନରେ ସମସ୍ତ ରୋଗୀ ମାଗଣାରେ ଉପଯୁକ୍ତ ଚିକିତ୍ସା ପାଉଥିବାରୁ ମୁଖ୍ୟମନ୍ତ୍ରୀକୁ ଧନ୍ୟବାଦ୍ ଦେଉଥିବା କିଛି ପୋଷ୍ଟର୍ ଲାଗିଥିଲା ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଲାଗିଥିବା ପୋଷ୍ଟରରେ ଯେଉଁ ମାନେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଉଛନ୍ତି ସେମାନେ ସେହି ରୋଗର ପ୍ରକୃତ ରୋଗୀ ନୁହଁନ୍ତି କିମ୍ବା ସେମାନେ ସ୍ୱାସ୍ଥ୍ୟ ବିମା କାର୍ଡକୁ ସେହି ରୋଗ ପାଇଁ ବ୍ୟବହାର କରି ନାହାନ୍ତି । ଯାହାକୁ ନେଇ ଏବେ ଜଣେ ପ୍ରସୂତି ରୋଗୀଙ୍କ ସ୍ୱାମୀ ଉତକ୍ଷିପ୍ତ ହୋଇ ଆଇନର ସହାୟତା ନେବେ ବୋଲି କହିଛନ୍ତି ।
ତାଙ୍କ ନାମ ରେ ମିଥ୍ୟା ପୋଷ୍ଟର ଲାଗିଥିବା ମଧ୍ୟ ସେ ଅଭିଯୋଗ କରିଛନ୍ତି । ତେବେ ଏହାକୁ ନେଇ ଚର୍ଚ୍ଚା ବଢିବା ପରେ ପୋଷ୍ଟରକୁ ଚିରି ଦେଇଥିଲେ ମେଡିକାଲ କର୍ତ୍ତୃପକ୍ଷ । ଏବେ ପ୍ରଶ୍ନ ଉଠୁଛି କାହାକୁ ଖୁସି କରିବାକୁ ଏଭଳି ଏକ ଭୁଲ ବିଜ୍ଞାପନ ସଚିବଙ୍କ ଗସ୍ତ ବେଳେ ଲାଗିଥିଲା ।