ଜିମରେ ଯୁବତୀଙ୍କୁ ଦୁଷ୍କର୍ମ ଅଭିଯୋଗ : ଅଶ୍ଳୀଳ ଭିଡିଓ ଦେଖାଇ କରୁଥିଲେ ବ୍ଲାକମେଲ; ଥାନାରେ ଏତଲା ପରେ ପୋଲିସର ତଦନ୍ତ
କନକ ବ୍ୟୁରୋ : କଟକ ସିଡିଏ ସେକ୍ଟର-୯ରେ ଥିବା ଏକ ଜିମରେ ଜଣେ ଯୁବତୀଙ୍କୁ ଦୁଷ୍କର୍ମ ଅଭିଯୋଗ ହୋଇଛି । ଏ ନେଇ ଖୋଦ୍ ପୀଡିତା ମର୍କତନଗର ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଅନୁସାରେ, ସମ୍ପୃକ୍ତ ଯୁବତୀ କଟକର ସିଡିଏ ସେକ୍ଟର-୯ରେ ଥିବା ଜିମରେ ଗତବର୍ଷ ଜାନୁଆରୀରେ ଆଡମିସନ ନେଇଥିଲେ । ଏହାପରେ ସେଠାକାର ଜିମ ମାଲିକଙ୍କ ସହ ତାଙ୍କର ପ୍ରେମ ସମ୍ପର୍କ ଗଢିଉଠିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଗତବର୍ଷ ମାର୍ଚ ମାସରେ ମୃଦୁ ପାନୀୟରେ କିଛି ନିଶା ଦେଇ ଜିମ ମାଲିକ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ଆଣିଛନ୍ତି ଯୁବତୀ । ଏପରିକି ଚେତାପଶିବା ପରେ ସଂପୃକ୍ତ ମାଲିକ ସବୁ ମାନିଥିବା ଓ କାହାକୁ କିଛି ନକହିବାକୁ ଅନୁରୋଧ କରିଥିଲେ । ଦୁଷ୍କର୍ମ ସମୟରେ ଅନ୍ତରଙ୍ଗ ମୁହୁର୍ତ୍ତର କିଛି ଫଟୋ ଉଠାଇଥିଲେ ଓ ତାକୁ ଦେଖାଇ ବାରମ୍ବାର ଦୁଷ୍କର୍ମ କରିଥିବା ଅଭିଯୋଗ ଆଣିଛନ୍ତି ପୀଡିତା । ଏପରିକି ଗତବର୍ଷ ଜୁନରେ ଉଭୟ ବୁଲିବାକୁ କାଶ୍ମୀର ବି ଯାଇଥିଲେ ।
ସମ୍ପର୍କ ରଖି ଜିମ ମାଲିକ ତାଙ୍କଠାରୁ ଟଙ୍କା ନେଇଥିବା ବି ଅଭିଯୋଗ ଆଣିଛନ୍ତି ଯୁବତୀ । ବିବାହର ପ୍ରତିଶ୍ରୃତି ଦେଇ ସେ ବାରମ୍ବାର ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ପୀଡିତା । ଏପରିକି ତାଙ୍କ ପରିବାର ଲୋକଙ୍କୁ ବି ବ୍ଲାକମେଲ କରିଥିବା ଅଭିଯୋଗ ହୋଇଛି । ପୁଲିସର ଘଟଣାର ଛାନଭିନ ଆରମ୍ଭ କରିଛି ।