କନକ ବ୍ୟୁରୋ : ଉତ୍ତର ପ୍ରଦେଶ କାନପୁରରୁ ଆସିଛି ଛାତି ଥରାଇଦେବା ଭଳି ଖବର । ଝୁମ୍ପୁଡି ଘରେ ଶୋଇଥିବା ବେଳେ ନିଆଁ ଲାଗି ଗୋଟିଏ ପରିବାରର ୫ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ସ୍ୱାମୀ, ସ୍ତ୍ରୀ ଓ ୩ଟି ପିଲା ଥିବା କଥା କୁହାଯାଇଛି । ଏନେଇ ସୂଚନା ପାଇବା ପରେ ଜିଲ୍ଲାପାଳ, ଏସପି ସେଠାରେ ତୁରନ୍ତ ପହଂଚିଥିଲେ । କାନପୁର ସୁରାଥାନା ଅଞ୍ଚଳରେ ଏହି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ଶନିବାର ରାତି ଗୋଟଏ ବେଳେ ପରିବାର ଲୋକଙ୍କ ସହ ଝୁମ୍ପୁଡିରେ ଶୋଇଥିବା ବେଳେ ହଠାତ କୌଣସି କାରଣରୁ ନିଆଁ ଲାଗିଯାଇଥିଲା । ହେଲେ ନିଦ କାରଣରୁ କେହି କିଛି ଜାଣିପାରି ନଥିଲେ । ନିଆଁ ପୁରା ଘରକୁ କବଜା କରିବା ପରେ ପରିବାର ଲୋକଙ୍କ ନିଦ ଭାଙ୍ଗିଥିଲେ ବି ତା ଭିତରୁ ଆଉ ବାହାରିବା ସମ୍ଭବ ହୋଇ ନଥିଲା । କୌଣସି ପରିସ୍ଥିତିରେ ଜଣେ ବୟସ୍କ ମହିଳା ଓ ଜଣେ ଶିଶୁଙ୍କୁ ନିଆଁ ଭିତରୁ ଉଦ୍ଧାର କରାଯାଇଥିଲା । ହେଲେ ସେମାନଙ୍କ ଶରୀରର ୮୦ ପ୍ରତିଶତରୁ ଅଧିକ ପୋଡି ଯାଇଥିଲେ ବି ସେମାନଙ୍କୁ ନିକଟସ୍ଥ ହସ୍ପିଟାଲକୁ ନିଆଯାଇ ଚିକିତ୍ସା କରାଯାଉଛି ।
ନିଆଁରେ ଯେତେବେଳେ ସାରା ପରିବାର ଜଳୁଥିଲା ସେତେବେଳେ ଗାଁରେ ଏକ ବାହାଘର ଭୋଜି ଚାଲିଥିଲା । ନିମନ୍ତ୍ରଣରେ ଆସିଥିବା ଲୋକମାନେ ଭୋଜି ଖାଇ ଯାଉଥିବା ବେଳେ ଏହି ନିଆଁଲାଗିବା କଥା ଜାଣିପାରିଥିଲେ । ଏହାପରେ ଗାଁ ଲୋକ ଓ ସ୍ଥାନୀୟ ଲୋକମାନେ ମିଶି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ।