ରାଉରକେଲାକୁ ବିମାନ ଉଡାଣ ନେଇ ତେଜିଲା ଶ୍ରେୟ ରାଜନୀତି । ଖବରକାଗଜରେ ବିମାନ ଉଡାଣ ପାଇଁ ବିଜ୍ଞାପନ ଜରିଆରେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ
କନକ ବ୍ୟୁରୋ : ପ୍ରଧାନମନ୍ତ୍ରୀଙ୍କୁ ଧନ୍ୟବାଦ । ରାଉରକେଲାକୁ ବିମାନ ସେବା ଯୋଗାଇ ଦେବା ନେଇ ଆଜି ଖବରକାଗଜରେ ବିଜ୍ଞାପନ ଜରିଆରେ ଧନ୍ୟବାଦ ଦିଆଯାଇଛିି । ଷ୍ଟିଲ ଅଥରିଟି ଅଫ୍ ଇଣ୍ଡିଆ ପକ୍ଷରୁ ଧନ୍ୟବାଦ ଦିଆଯାଇଛି । ବିଜ୍ଞାପନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋ ମଧ୍ୟ ରହିଛି । କେନ୍ଦ୍ର ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, କେନ୍ଦ୍ର ଶିକ୍ଷା ତଥା ଧର୍ମେନ୍ଦ୍ର ପ୍ରଧାନଙ୍କୁ ଏହି ଅବସରରେ ଧନ୍ୟବାଦ ଦେଇଛି ଷ୍ଟିଲ ଅଥରିଟି ଅଫ୍ ଇଣ୍ଡିଆ । ଆଉ ଶେଷରେ ଓଡିଶା ସରକାରଙ୍କୁ ମଧ୍ୟ ଦିଆଯାଇଛି । ଗତକାଲି ଏହି ବିମାନ ସେବା ଆରମ୍ଭ ହୋଇଥିଲା । ବିଜ୍ଞାପନରେ କେବଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫଟୋ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିମାନ ସେବା ଉଦଘାଟନ ଅବସରରେ ଏହାକୁ ନେଇ ବିବାଦ ଦେଖାଦେଇଥିଲା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ ଏହି ବିମାନ ସେବା କେନ୍ଦ୍ରର । ହେଲେ ବିଜ୍ଞାପନରେ ପ୍ରଧାନମନ୍ତ୍ରୀଙ୍କ ଫଟୋ ନରହିବା ଠିକ୍ ହୋଇନି । ଏହାପରେ ଆଜି କିନ୍ତୁ ଏହି ବିଜ୍ଞାପନ ପ୍ରକାଶ ପାଇଛି । ଯାହାକି ରାଉରକେଲାକୁ ବିମାନ ସେବା ଯୋଗାଇ ଦିଆଯାଇଥିବା ନେଇ ଧନ୍ୟବାଦ ଦିଆଯାଇଛି ଷ୍ଟିଲ୍ ଅଥରଟି ଅଫ୍ ଇଣ୍ଡିଆ ପକ୍ଷରୁ । ଆଗକୁ ସାଧାରଣ ନିର୍ବାଚନ ରହିଛି । ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ଜରିଆରେ ଶ୍ରେୟ ନେବାକୁ କୌଣସି ପ୍ରକାର ସୁଯୋଗ ହାତଛଡା କରିବାକୁ ଚାହୁଁ ନାହାନ୍ତି । ଏପରି ସ୍ଥିତିରେ ଆଜିର ଏହି ବିଜ୍ଞାପନ ଏବଂ ଗତକାଲିର ବିଜ୍ଞାପନ ମଧ୍ୟ ଦର୍ଶାଉଛି ଆଗକୁ ନିର୍ବାଚନରେ କିଭଳି ଜୋରଦାର ଲଢେଇ ହେବ ।