କନକ ବ୍ୟୁରୋ : ଚଳିତ ଥର ସୁରୁଖୁରୁରେ ଚାଲିପାରିଲା ନାହିଁ ବିଧାନସଭା । ବିଧାନସଭାରେ ଉଠିଥିଲା ମମିତା ହତ୍ୟା ପ୍ରସଙ୍ଗ । ବିରୋଧୀଙ୍କ ହଟ୍ଟଗୋଳ ପାଇଁ ବାରମ୍ବାର ମୁଲତବି ହୋଇଥିବା ଗୃହ । ଆଉ ଏନେଇ କନକ ନ୍ୟୁଜରେ ନ୍ୟୁଜମେକର ୨୦୨୧ କାର୍ଯ୍ୟକ୍ରମରେ ହୋଇଥିଲା ବଡ ଆଲୋଚନା ।
Kanak News is now on WhatsApp
Join and get latest news updates delivered to you via WhatsApp
ବିଧାନସଭା କାହିଁକି ଚାଲିପାରିଲା ନାହିଁ? ଏନେଇ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି, ଆମେ କହିଥିଲୁ ମମିତା ପ୍ରସଙ୍ଗରେ ଆଲୋଚନା କରନ୍ତୁ ଗୃହ ଚାଲିବ । କିନ୍ତୁ ପ୍ରତିବାଦ ଆରମ୍ଭରୁ ଗୃହକୁ ୪ଟା ଯାଏଁ ମୁଲତବୀ କରୁଥିଲେ । ତେଣୁ ଆଲୋଚନା ହୋଇଥାନ୍ତା କିପରି ? କେଉଁ ଉଦ୍ଦେଶ୍ୟ ରଖି ମମିତା ପ୍ରସଙ୍ଗରେ ଆଲୋଚନାକୁ ଅନୁମତି ମିଳିଲାନି
ଏହି ପ୍ରସଙ୍ଗରେ ବିଜୟ ମହାପାତ୍ର କହିଛନ୍ତି, ବିଧାନସଭାରେ ଯିଏ ଜୋତା ଫୋପାଡିଥିଲେ ସେ କ୍ଷମା ପ୍ରାର୍ଥନା କରିଛନ୍ତି । ବିଧାନସଭାରେ ଘଣ୍ଟ ପିଟିବାର ମୁଁ ଘୋର ବିରୋଧୀ । ଏହା ବିଧାନସଭାର ପରମ୍ପରାକୁ କଳୁଷିତ କରୁଛି । ବିଧାନସଭାରେ ଶାସକ ଓ ବିରୋଧୀ ଦଳର ଯେଉଁ ଭୂମିକା ରହିଛି ତାହା ଚଳିତ ଅଧିବେଶନରେ ପରିପାଳନ ହେଲା ନାହିଁ । ବିକାଶ ଓ ପ୍ରଗତିକୁ କେହି ବିରୋଧ କରିବେନି । କିନ୍ତୁ ଯୋଜନା ପଛରେ ସ୍ୱଚ୍ଛତା ରହିବା ଆବଶ୍ୟକ, ଯାହା ଏବେ ନାହିଁ ।
ସେପଟେ ଏହାର ଉତ୍ତର ରଖି ଦେବୀ ମିଶ୍ର କହିଛନ୍ତି, ସରକାର କୌଣସି ପ୍ରସଙ୍ଗରେ ଆଲୋଚନା କରିବାକୁ ମନା କରିନାହାନ୍ତି । ବିଧାନସଭା ସୁରୁଖୁରରେ ଚଲାଇବାକୁ ସମସ୍ତଙ୍କର ସହଯୋଗ ଆବଶ୍ୟକ । ଆଲୋଚନା ମାଧ୍ୟମରେ ଉତ୍ତର ପାଇପାରିଥାନ୍ତେ ବିରୋଧୀ । କିନ୍ତୁ ଗୃହ ଆରମ୍ଭରୁ ଘଣ୍ଟ ବାଜିଲା, ଗୋବର ପାଣି ପଡିଲା