କାହିଁକି ମା’ହେବାକୁ ଚାହୁଁ ନାହାଁନ୍ତି ଚୀନ ମହିଳା ? ଜାଣନ୍ତୁ କାରଣ
କନକ ବ୍ୟୁରୋ : ଚୀନ ଜନସଂଖ୍ୟାର ବଡ ପରିବର୍ତ୍ତନ ଦେଖିବାକୁ ମିଳିଛି । ଦୀର୍ଘ ୬୦ ବର୍ଷ ପରେ ଚୀନର ଜନସଂଖ୍ୟା ଗୋଟିଏ ପଟେ କମିବାର ଲାଗିଛି । ସେପଟେ ଚୀନର ମହିଳାମାନେ ଗୋଟିଏ କିମ୍ବା ଜମା ପିଲା ଜନ୍ମ କରିବାକୁ ଚାହୁଁନଥିବା କଥା ସାମ୍ନାକୁ ଆସିଛି । ଚାଇନା ପପୁଲେସନ ଆଣ୍ଡ ଡେଭଲପମେଣ୍ଟ ରିସର୍ଚ ଡାଟା ମୁତାବକ ଚୀନରେ ଜମା ପିଲା ଜନ୍ମ କରୁନଥିବା ମହିଳାଙ୍କ ହାର ୨୦୧୫ ମସିହାରେ ୬ ପ୍ରତିଶତ ଥିବା ବେଳେ ଏବେ ତାହା ୧୦ ପ୍ରତିଶତରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଡାଟା ବା ତଥ୍ୟ ମୁତାବକ ଚୀନରେ ପିଲା ଜନ୍ମ କରିବା ବୟସରେ ଥିବା ମହିଳାମାନେ ପିଲା ଜନ୍ମ କରିବାକୁ ଇଚ୍ଛା ପ୍ରକାଶ କରୁନାହିଁନ୍ତି । ୨୦୧୭ ମସିହାରେ ଚାଇନାର ୧.୭୬ ପ୍ରତିଶତ ମହିଳା ପିଲା ଜନ୍ମ କରିବାକୁ ଚାହୁଁଥିବା ବେଳେ ଏବେ ଏହି ପ୍ରତିଶତ କମି ୧.୬୪ ପ୍ରତିଶତରେ ପହଂଚିଛି ।
ସେପଟେ ଜାପାନ, ସିଂଗାପୁର, ଦକ୍ଷିଣକୋରିଆ ଭଳି ଦେଶମାନଙ୍କରେ ପ୍ରଜନନ ହାର ୨ ପ୍ରତିଶତରୁ କମ ରହିଛି । ଏଠାରେ ଅଧିକ ଲୋକଙ୍କ କହିବା କଥା ହେଉଛି କି ସେମାନେ ୨ଟି ପିଲା ଜନ୍ମ କରିବାକୁ ଚାହାଁନ୍ତି ହେଲେ ଚୀନ କଥା ସେମାନଙ୍କ ଠାରୁ ଅଲଗା ।
ଅନ୍ୟପଟେ ଚୀନରେ ବିନା ବାହାଘରରେ ଜନ୍ମ ହେଉଥିବା ପିଲାଙ୍କୁ ସମାନ ଅଧିକାର ଦେବା କ୍ଷେତ୍ରରେ ଅନେକ ଅସୁବିଧା ରହିଛି । ଶିକ୍ଷା, ସ୍ୱାସ୍ଥ୍ୟ ଓ ସାମାଜିକ କଲ୍ୟାଣ ଯୋଜନାରେ ସେମାନଙ୍କୁ ସାମିଲ କରାଯିବ ନାହିଁ ।
ଚୀନରେ ମହିଳାମାନେ ପିଲାଜନ୍ମ କରିବାକୁ ଅରାଜି ହେବାର ମୁଖ୍ୟ କାରଣ ହେଉଛି ସେମାନଙ୍କ ଲାଳନ ପାଳନ କରିବାର ଭୟ । ଅନ୍ୟପଟେ ଚୀନ ସରକାର ୨୦୨୦ ମସିହାର ଜନସଂଖ୍ୟା ଜାରି କରିବା ପରେ ୨୦୨୧ ମେ’ମାସରେ ପ୍ରତି ଦମ୍ପତ୍ତି ୩ ପିଲା ଜନ୍ମ କରନ୍ତୁ ବୋଲି ନୀତି ଆଣିଥିଲେ । ହେଲେ ସେହିବର୍ଷ ଜଣାପଡିଥିଲା କି, ଚୀନର ମହିଳାମାନେ ୨୦୨୧ ମସିହାରେ ମୋଟ ୧କୋଟି ୨୦ ଲକ୍ଷ ପିଲା ଜନ୍ମ କରିଛନ୍ତି ।