‘ଓଡ଼ିଶାରେ ବିଜେଡି ଅସ୍ତ ହେଉଛି, କଂଗ୍ରେସ ନିସ୍ତେଜ ହୋଇ ପଡିଛି, ଲୋକେ ବିଜେପିକୁ ନେଇ ଆଶ୍ୱସ୍ତ ଅଛନ୍ତି’ : ବ୍ରହ୍ମପୁରରେ ଗର୍ଜିଲେ ମୋଦୀ
କନକ ବ୍ୟୁରୋ: ଓଡିଶାକୁ କେନ୍ଦ୍ର ପକ୍ଷରୁ ଯଥେଷ୍ଟ ଅନୁଦାନ ଆସୁଛି । ଲୋକଙ୍କ ସବୁ ଆବଶ୍ୟତାକୁ ମେଣ୍ଟାଇବାକୁ ମୋଦୀ ସରକାର ଯୋଜନା କରିଛି । ହେଲେ ଆସୁଥିବା ଟଙ୍କାକୁ ନା ବିଜେଡି ସରକାର ଠିକଭାବେ ଖର୍ଚ୍ଚ କରିପାରୁଛନ୍ତି ନା ଯୋଜନାକୁ ଠିକ୍ ଭାବେ କାର୍ଯ୍ୟକ୍ଷମ କରିପାରୁଛନ୍ତି । ଓଲଟି କେନ୍ଦ୍ରର ଯୋଜନା ଉପରେ ନିଜର ଷ୍ଟିକର ଲଗାଇ ବାହାବା ବିଜେଡି ସରକାର ବାହାବା ନେଉଛି ବୋଲି କହିଛନ୍ତି ମୋଦୀ ।
ପ୍ରଧାନମନ୍ତ୍ରୀ ସଡକ ଯୋଜନା ଠାରୁ ଆରମ୍ଭ କରି , ଜନଜୀବନ ଯୋଜନା, ସ୍ୱାସ୍ଥ୍ୟ ଯୋଜନା , ମାଗଣା ଚାଉଳ ଯୋଜନା ସବୁ ଯୋଗାଇଛି । ହେଲେ ଏହାକୁ ନିଜର ବୋଲି କହୁଛନ୍ତି ବିଜେଡି ସରକାର । ଆଗକୁ ରାଜ୍ୟରେ ବିଜେପି ସରକାର ଆସିଲେ ଆଉ ସବୁ ପ୍ରତିଶ୍ରୁତି ପୂରଣ ହେବ । ଲୋକଙ୍କ ଦୁଃଖ ଯିବ ।
Kanak News is now on WhatsApp
Join and get latest news updates delivered to you via WhatsApp
ମୋଦୀ ଆହୁରି ମଧ୍ୟ କହିଛନ୍ତି, ଓଡ଼ିଶାରେ ବିଜେଡି ଅସ୍ତ ହେଉଛି, କଂଗ୍ରେସ ନିସ୍ତେଜ ହୋଇ ପଡିଛି, ଲୋକେ ବିଜେପିକୁ ନେଇ ଆଶ୍ୱସ୍ତ ଅଛନ୍ତି । ବିଜେପି ଆଶାର ନୂଆ କିରଣ ସାଜି ଉଭା ହୋଇଛି । ଓଡ଼ିଶା ପାଖରେ ପ୍ରଚୁର ଜଳ, ଖଣିଜ ସମ୍ପଦ, ଲମ୍ବା ସମୁଦ୍ର ତଟ ରହିଛି, ବ୍ରହ୍ମପୁର ଭଳି ଟ୍ରେଡ ସେଣ୍ଟର ରହିଛି । ଭଗବାନ ଓଡ଼ିଶାକୁ ବହୁତ କିଛି ଦେଇଛନ୍ତି । କିନ୍ତୁ ଏତେ ସମ୍ପଦ ଥିବା ଓଡ଼ିଶାର ଜନତା କାହିଁକି ଗରିବ । ଓଡ଼ିଶା ଧନୀ, କିନ୍ତୁ ଜନତା ଗରିବ । ଏ ପାପ ପୂର୍ବରୁ କଂଗ୍ରେସ କରୁଥିଲା, ପରେ ବିଜେଡି ନେତା କରିଛି । ହେଲେ ବିଜେପି ସରକାର ହେଲେ ରାଜ୍ୟବାସୀଙ୍କ ଦୁଃଖ ଦୂରେଇବ । ଥରେ ସୁଯୋଗ ଦେବାକୁ ଅପିଲ କରିଛନ୍ତି ମୋଦୀ । କହିଛନ୍ତି, ଥରେ ଓଡିଶାବାସୀଙ୍କ ସେବା କରିବାକୁ ସୁଯୋଗ ଦିଅନ୍ତୁ । ୫ ବର୍ଷରେ ଓଡିଶାକୁ ନମ୍ବର ୧ ରାଜ୍ୟ କରିଦେବେ । ଏହି ଗ୍ୟାରେଣ୍ଟି ଦେଉଛନ୍ତି ବୋଲି ପ୍ରତିଶ୍ରୁତି ଦେଇଛନ୍ତି ମୋଦୀ ।