ଭାରତରେ ଚୀନର ୧୦ ଲକ୍ଷ ଗୁଇନ୍ଦା ଆଖି ! ପ୍ରତି ଗତିବିଧି ଉପରେ ଡ୍ରାଗନର ନଜର. ସରକାର ଆଲର୍ଟ
କନକ ବ୍ୟୁରୋ: ଧରାପଡିଛି ଚୀନର ଚାଲାକି । ସିସିଟିଭି ମାଧ୍ୟମରେ ଭାରତ ଉପରେ ରହିଛି ପାଖାପାଖି ୧୦ ଲକ୍ଷ ଚୀନ ଗୁଇନ୍ଦାଙ୍କ ଆଖି । ଦେଶ ଭିତରେ ହେଉଥିବା ଟିକିନିଖି ସୂଚନା ଡ୍ରାଗନ୍ ରଖୁଥିବା ଜଣାପଡିବା ପରେ ଚେତିଛନ୍ତି ଭାରତ ସିରକର । ଆଲର୍ଟ ହୋଇଛନ୍ତି ଆଇଟି ମନ୍ତ୍ରୀ । ‘ମେଡ୍ ଇନ୍ ଚାଇନା’ ସିସିଟିଭି ମାଧ୍ୟମରେ ଚୀନ୍ ଭାରତ ଉପରେ ନିଜର କଡା ନଜର ରଖିବା ଜଣାପଡିବା ପରେ ଭାରତ ସରକାର ସତର୍କ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦେଶରେ ପାଖାପାଖି ୧୦ ଲକ୍ଷ ସିସିଟିଭି କ୍ୟାମେରା ଲଗାଯାଇଛି, ଯାହା ସାଇବର ସୁରକ୍ଷା ଉପରେ ବଡ ବିପଦ । ଶସ୍ତା ହେବା କାରଣରୁ ଭାରତରେ ଚୀନ ପ୍ରସ୍ତୁତ ସିସିଟିଭିର ବିକ୍ରିି ଅଧିକ ସଂଖ୍ୟାରେ ହେଉଛି । କିନ୍ତୁ କେନ୍ଦ୍ରୀୟ ଏଜେନ୍ସି ଗୁଡିକ ଏହି ମାମଲାରେ ଏବେ ସତର୍କ ହେଉଛନ୍ତି । ଆମେରିକା, ବ୍ରିଟେନ ଓ ଅଷ୍ଟ୍ରେଲିଆ ପରି ଦେଶମାନଙ୍କରେ ଦେଖାଯାଉଥିବା ସମ୍ଭାବ୍ୟ ଗୁଇନ୍ଦାଗିରିକୁ ଦେଖିବା ପରେ ଏବେ ନିଜ ଦେଶରେ ଏହି ବିପଦ ଥିବା ନେଇ ସତର୍କ ହୋଇଛନ୍ତି ଭାରତ ସରକାର ।
ଅରୁଣାଚଳ ପ୍ରଦେଶ କଂଗ୍ରେସ ବିଧାୟକ ନିନୋଙ୍ଗ ଇରିଙ୍ଗ ଚିଠି ଲେଖି ଦେଶରେ ଚୀନ ସିସିଟିଭି ଉପରେ ପ୍ରତିବନ୍ଧକ ଲଗାଇବାକୁ ଅନୁରୋଧ କରିଛନ୍ତି । ଆବଶ୍ୟକତା ଅନୁସାରେ ସିସିଟିଭି ଡାଟାକୁ ସୁରକ୍ଷିତ ରଖିବାକୁ ସରକାର ସ୍ୱଦେଶୀ କ୍ଲାଉଡ୍ ଆଧାରିତ ସର୍ଭର ଆରମ୍ଭ କରିବା ଉପରେ ବିଚାର କରିବାକୁ ଅନୁରୋଧ କରିଛନ୍ତି । ସୂଚନା ଓ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଭାରତର ଅଗ୍ରଗତିକୁ ଲକ୍ଷ୍ୟ କଲେ ଆମ ରାଷ୍ଟ୍ର ନିଜର ସୁରକ୍ଷା ପାଇଁ ଏ କ୍ଷେତ୍ରରେ ବିଚାର କରିବା ଜରୁରୀ ହୋଇପଡିଛି ବୋଲି ବିଧାୟକ ଲେଖିଛନ୍ତି ।