କୋର୍ଟଙ୍କ ଆଗରେ ନିସର୍ତ୍ତ କ୍ଷମା ମାଗିଲେ ବିବେକ ଅଗ୍ନିହୋତ୍ରୀ, ଜାଣନ୍ତୁ କାହିଁକି ?
କନକ ବ୍ୟୁରୋ : ଦିଲ୍ଲୀ ହାଇକୋର୍ଟଙ୍କ ସାମ୍ନାରେ ଉପସ୍ଥିତ ରହି ସିନେମା ପ୍ରଯୋଜକ ବିବେକ ଅଗ୍ନିହୋତ୍ରୀ ନିସର୍ତ୍ତ କ୍ଷମା ମାଗିଛନ୍ତି । ବିବେକ କହିଛନ୍ତି କି, ମୁଁ ନ୍ୟାୟପାଳିକାକୁ ସମ୍ମାନ କରେ । କୋର୍ଟଙ୍କୁ ଅବମାନନା ମାମଲାରେ ସିନେ ପ୍ରଯୋଜକ ବିବେକ ଅଗ୍ନିହୋତ୍ରୀ ସୋମବାର ଦିନ କୋର୍ଟଙ୍କ ସାମ୍ନାରେ ହାଜର ହୋଇଥିଲେ । ବିବେକ ବର୍ତ୍ତମାନ ଓଡିଶା ହାଇକୋର୍ଟର ମୁଖ୍ୟବିଚାରପତି ଥିବା ଜଷ୍ଟିସ ଏସ୍ ମୂରଲୀଧରଙ୍କ ବିରୋଧରେ ଟ୍ୱିଟରରେ କରିଥିବା ଏକ ବିବାଦୀୟ ପୋଷ୍ଟପାଇଁ କ୍ଷମା ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବେ ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଏସ୍ ମୂରଲୀଧର ଭୀମା କୋରେଗାଓଁ ମାମଲାର ମୁଖ୍ୟ ଅଭିଯୁକ୍ତ ଗୌତମ ନବଲାଖାଙ୍କୁ ଜାମିନ ପ୍ରଦାନ କରିଥିଲେ । ଏହାକୁ ବିରୋଧ କରି ବିବେକ କିଛି ଟ୍ୱିଟ୍ କରିଥିଲେ । ଏହାପରେ ଏହାକୁ ନେଇ କୋର୍ଟ ନିନ୍ଦା କରିବାରୁ ସେ ଟ୍ୱିଟକୁ ଡିଲିଟ୍ କରିଥିଲେ । ଏହାପରେ ବି କୋର୍ଟ ବିବେକଙ୍କୁ ମାର୍ଚ୍ଚ ୧୬ ତାରିଖରେ ହାଜର ହେବାକୁ ଆଦେଶ ଦେଇଥିଲେ ।
ମାର୍ଚ୍ଚ ୧୬ ତାରିଖରେ ଏହି ମାମଲାର ଶୁଣାଣି ବେଳେ ବିବେକ କୋର୍ଟରେ ହାଜର ହୋଇନଥିଲେ । ଏହାକୁ ନେଇ କୋର୍ଟ ସେତେବେଳେ କଡା ଟିପ୍ପଣୀ କରିଥିଲେ ଓ ପୁଣି ଏହି ମାମଲାର ଶୁଣାଣି ଏପ୍ରିଲ ୧୦ ତାରିଖକୁ ସ୍ଥିର କରିଥିଲେ । ଆଜି କୋର୍ଟରେ ହାଜର ହୋଇ ବିବେକ କୋର୍ଟଙ୍କ ସାମ୍ନାରେ ନିସର୍ତ୍ତ କ୍ଷମା ମାଗିଛନ୍ତି ।
ସୂଚନା ଥାଉକି ଭୀମାକୋରେଗାଓଁ ମାମଲାର ମୁଖ୍ୟ ଅଭିଯୁକ୍ତ ଗୌତମ ନବଲଖାଙ୍କୁ କୋର୍ଟ ଜାମିନ ପ୍ରଦାନ କରିବା ପରେ ବିବେକ ଅଗ୍ନିହୋତ୍ରୀ ଜଷ୍ଟିସ ଏସ୍ ମୂରଲୀଧରଙ୍କ ବିରୋଧରେ ବିବାଦୀୟ ଟିପ୍ପଣୀ ଦେଇଥିଲେ । ବିବେକ ଲେଖିଥିଲେ କି ମୁଖ୍ୟ ବିଚାରପତି ଜଷ୍ଟିସ ଏସ୍ ମୂରଲୀଧରଙ୍କ ସ୍ତ୍ରୀ ଉଷା ରାମନାଥନଙ୍କ ସହ ଗୌତମ ନବଲଖାଙ୍କର ବନ୍ଧୁତା ଥିବାରୁ ତାଙ୍କୁ କୋର୍ଟ ଜାମିନ ପ୍ରଦାନ କରିଛନ୍ତି ।