କନକ ବ୍ୟୁରୋ : ଓଡ଼ିଶା ପରିବାର ନିର୍ଦ୍ଦେଶାଳୟ ପ୍ରତିଷ୍ଠା ନେଇ କ୍ୟାବିନେଟ୍ ନିଷ୍ପତ୍ତି ପରେ ତେଜିଲା ରାଜନୀତି । ରାଜ୍ୟ ସରକାରଙ୍କୁ ଘେରିଲେ ବିରୋଧୀ । ବିଜେପି ବିଧାୟକ ସୁବାଷ ପାଣିଗ୍ରାହୀ ଆଣିଛନ୍ତି ସାଂଘାତିକ୍ ଅଭିଯୋଗ । ନିର୍ବାଚନ ଆସିଲେ ସରକାର ଏଭଳି ଅନେକ ଘୋଷଣା କରନ୍ତି । କାଳିଆ- ବଳିଆ ଓ ବିଜୁ ଯୁବ ବାହିନୀ ଭଳି ଅନେକ ଯୋଜନା କରିଛନ୍ତି । ଓଡ଼ିଶା ମୋ ପରିବାର ତାଙ୍କର ଦଳୀୟ କାର୍ଯ୍ୟକ୍ରମ ଥିଲା ତାକୁ ଏବେ ଦଳୀୟ ସ୍ୱୀକୃତି ଦିଆଯାଇଛି ବୋଲି ବିଜେପି ବିଧାୟକ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦଳୀୟ କାର୍ଯ୍ୟକ୍ରମକୁ ସରକାରୀ ସ୍ୱୀକୃତି ଦେଇ ରାଜ୍ୟ ସରକାର ଅର୍ଥ ଖର୍ଚ୍ଚ କରିବାକୁ ଯୋଜନା କରୁଛନ୍ତି ବୋଲି ଅଭିଯୋଗ କରିଛନ୍ତି । ସେହିପରି କଂଗ୍ରେସ ବିଧାୟକ ଅଧିରାଜ ପାଣିଗ୍ରାହୀ ସମାନ ଢ଼ଙ୍ଗରେ ଅଭିଯୋଗ ଆଣିଛନ୍ତି । ଏହି ନିର୍ଦ୍ଦେଶାଳୟ ଦ୍ୱାରା କିଛି ଲାଭ ହେବ ନାହିଁ କେବଳ ଭୁଆଁ ବୁଲାଇବା ପାଇଁ ଉଦ୍ୟମ କରାଯାଉଛି ବୋଲି ଅଭିଯୋଗ କରିଛନ୍ତି । ତେବେ ବିରୋଧୀଙ୍କ ଅଭିଯୋଗର ପ୍ରତିକ୍ରିୟା ରଖିଛି ବିଜେଡ଼ି । ମନ୍ତ୍ରୀ ଅଶ୍ୱିନୀ ପାତ୍ର କହିଛନ୍ତି ଏହା କୌଣସି ଦଳୀୟ କାର୍ଯ୍ୟ ନୁହେଁ କିମ୍ବା ଦଳୀୟ କାର୍ଯ୍ୟକ୍ରମକୁ କୌଣସି ସରକାରୀ ସ୍ୱୀକୃତି ଦିଆଯାଇନାହିଁ ।