ବିଧାୟକଙ୍କୁ ଗ୍ରାମବାସୀଙ୍କ ବିରୋଧ : ଆଦର୍ଶ ଗାଁ ଭାବେ ଉଦଘାଟନୀ କାର୍ଯ୍ୟକ୍ରମକୁ ଯାଇଥିବା ବେଳେ ବାଟରେ ଅଟକାଇଲେ ଜନତା
କନକ ବ୍ୟୁରୋ : ଉଦଘାଟନ କରିବାକୁ ଯାଇଥିବା ବିଧାୟକଙ୍କୁ ଗାଁ ଭିତରକୁ ପୂରାଇ ଦେଲନି ଗ୍ରାମବାସୀ । ବନ୍ଦ ରହିଲା ଆଦର୍ଶ ଗ୍ରାମ ଉଦଘାଟନ । ନୟାଗଡ଼ ନୂଆଗାଁ ଚଢେଇମରା ଆଦର୍ଶ ଗାଁ ଉଦଘାଟନ କରିବାର ଥିଲା । ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଉଦଘାଟନ କରିବାର ଥିଲା । ଦିନ ୧୦ଟାରେ ଉଦଘାଟନ ଉତ୍ସବ ଅନୁଷ୍ଠିତ ହେବ ବୋଲି ସମସ୍ତ ବ୍ୟବସ୍ଥା କରାଯାଇଥିଲା । ଗ୍ରାମବାସୀ ନିଜ କାମ ଛାଡି ଅତିଥିଙ୍କୁ ଅପେକ୍ଷା କରିଥିଲେ । ହେଲେ ଦିନ ପ୍ରାୟ ଗୋଟାଏ ପର୍ଯ୍ୟନ୍ତ ଅତିଥିମାନେ ଆସିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାର କିଛି ସମୟ ପରେ ଦଶପଲ୍ଲା ବିଧାୟକ, ଉଦୟପୁର ସରପଞ୍ଚ, ସମିତି ସଭ୍ୟ, ନୂଆଗାଁ ବିଡିଓ ସେହି ଗାଁ ଦେଇ ଅନ୍ୟ ଏକ ପ୍ରକଳ୍ପ ଦେଖିବା ପାଇଁ ଯାଇଥିଲେ । ଏହାକୁ ନେଇ ଅପେକ୍ଷା କରିଥିବା ଗାଁ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା । ଏହାର ପ୍ରାୟ ୩୦ ମିନିଟ୍ ପରେ ଅତିଥିମାନେ ଚଢେଇମରା ଗାଁରେ ପହଞ୍ଚିଥିଲେ । ଏହା ଦେଖି ଗ୍ରାମବାସୀ ସେମାନଙ୍କୁ ବିରୋଧ କରିବା ସହ ଗାଁ ଭିତରକୁ ଯିବାକୁ ଛାଡିନଥିଲେ । ଭିତରକୁ ଯିବାକୁ ଦେବୁନି କି ଆଦର୍ଶ ଗାଁ ଉଦଘାଟନ ହୋଇପାରିବ ନାହିଁ ବୋଲି ଗାଁଲୋକେ ରୋକଠୋକ୍ ଶୁଣାଇ ଦେଇଥିଲେ । ଫଳରେ ବିଧାୟକଙ୍କ ସହ ଅନ୍ୟ ସରକାରୀ କର୍ମଚାରୀ ବି ଫେରିଯାଇଥିଲେ ।