କନକ ବ୍ୟୁରୋ : ଭିଓ-ଇସ୍ରାଏଲ ଓ ପାଲେଷ୍ଟାଇନ ଯୁଦ୍ଧ ଉଗ୍ର ରୂପ ନେଉଥିବାବେଳେ ଏବେ ଏଂଟ୍ରି କରିଛି ଆମେରିକା । ଇସ୍ରାଏଲକୁ ସମର୍ଥନ ଜଣାଇ ଯୁଦ୍ଧାସ୍ତ୍ର ଯୋଗାଣ ଆରମ୍ଭ କରିଛି । ବୁଧବାର ନେଭାତିମ ବିମାନବନ୍ଦରରେ ଯୁଦ୍ଧାସ୍ତ୍ରର ପ୍ରଥମ ବ୍ୟାଚ୍ ପହଁଚିଥିବା ସୂଚନା ମିଳିଛି । ଜଳପଥ ଓ ଆକାଶପଥ ଇସ୍ରାଏଲକୁ ବିପୁଳମାତ୍ରାର ଘାତକ ଓ ଅତ୍ୟାଧୁନିକ ଯୁଦ୍ଧାସ୍ତ୍ର ପଠାଇଛି ଆମେରିକା
ଇସ୍ରାଏଲକୁ ଆମେରିକାର ଯୁଦ୍ଧାସ୍ତ୍ର ଯୋଗାଣ
-ଇସ୍ରାଏଲକୁ ଆମେରିକା ଅତ୍ୟାଧୁନିକ ଯୁଦ୍ଧାସ୍ତ୍ର ଯୋଗାଣ ଆରମ୍ଭ
-ଇସ୍ରାଏଲର ନେଭାତିମ ଏୟାରବେସ ନେଜେଭରେ ପହଁଚିଲା ଘାତକ ଯୁଦ୍ଧାସ୍ତ୍ର
-ଶକ୍ତିଶାଳୀ ଯୁଦ୍ଧ ଜାହଜ ‘ଜେରାଲ୍ଡ ଆର ଫୋର୍ଡ କ୍ୟାରିୟର ଷ୍ଟ୍ରାଇକ ଗ୍ରୁପ’ ମୁତୟନ ।
-୮ଟି ଆକ୍ରମଣକାରୀ ତଥା ଅତ୍ୟାଧୁନିକ କ୍ଷେପଣାସ୍ତ୍ର ସଜ୍ଜିତ ଯୁଦ୍ଧ ଜାହଜ ରହିଛି
-ଯୋଗାଣରେ ଅସୁବିଧା ଯୋଗୁଁ ୫ଟି ପର୍ଯ୍ୟାୟରେ ଆମେରିକା ପଠାଇବ ଯୁଦ୍ଧାସ୍ତ୍ର
-ଖବର ସରାବରାହ ସଂସ୍ଥା ଜିନ୍ହୁଆ ନ୍ୟୁଜ ଏଜେନ୍ସିର ସୂଚନା
Kanak News is now on WhatsApp
Join and get latest news updates delivered to you via WhatsApp
ଇସ୍ରାଏଲକୁ ଖୋଲା ସମର୍ଥନ ଜଣାଇବା ସହ ହମାସକୁ ବାରମ୍ବାର କଡ଼ା ଚେତାବନୀ ଦେଉଛି ଆମେରିକା । ରାଷ୍ଟ୍ରପତି ଜୋ ବାଇଡେନ ଇରାନ ଓ ଯେଉଁ ଦେଶ ହମାସକୁ ସମର୍ଥନ ଜଣାଉଛନ୍ତି ତାଙ୍କୁ ମଧ ଏଥିରୁ ଦୂରେଇ ରହିବାକୁ ଚେତାବନୀ ଦେଇଛନ୍ତି । ସେପଟେ ଇସ୍ରାଏଲରେ ଗୁରୁବାର ପହଁଚିଛନ୍ତି ଆମେରିକା ବୈଦେଶିକ ସଚିବ ଆନ୍ଥୋନୀ ବ୍ଲିଙ୍କେନ । ଇସ୍ରାଏଲ ପ୍ରଧାନମନ୍ତ୍ରୀ ବେଂଜାମିନ ନେତନ୍ୟାହୁଙ୍କୁ ଭେଟିବା ସହ ସାମରିକ ସମର୍ଥନ ବାବଦରେ ଆଲୋଚନା କରିବେ ।
ଯଦି ନଜର ପକାଇବା ଇସ୍ରାଏଲର ବତର୍ମାନ ସ୍ଥିତି ଉପରେ ତେବେ ଏକଥା ସତ କି ଏହି ଯୁଦ୍ଧ ଇସ୍ରାଏଲ ପାଇଁ ସେତିକି ସହଜ ହେବନି । ଇସ୍ରାଏଲକୁ ବିରୋଧ କରୁଛି ଇରାନ । ସେପଟେ ଲେବାନନ ଆତଙ୍କୀ ସଂଗଠନ ହେଜବୁଲ ହମାସକୁ ସମର୍ଥନ ଜଣାଇ ଯୁଦ୍ଧକୁ ଓହ୍ଲାଇଛି । ଇସ୍ରାଏଲକୁ ଉଭୟ ପଟୁ ମୁକାବିଲା କରିବାକୁ ପଡୁଛି । ଏହି ଆଶଙ୍କାକୁ ମଧ୍ୟ ଏଡାଇ ଦିଆଯାଇପାରିବନି ଯେ କୌଣସି ମୁହୁର୍ତରେ ସିରିଆ, ଇଜିପ୍ଟ, ସୁଦାନ, ଜୋର୍ଡାନ, ସାଉଦିଆରବ ପଟୁ ମଧ୍ୟ ଇସ୍ରାଏଲ ଉପରକୁ ଆକ୍ରମଣ ଆଶଙ୍କା ରହିଛି । ପ୍ରଶ୍ନ ଉଠୁଛି ଇସ୍ରାଏଲ ବିରୋଧରେ ଇସଲାମିକ ଦେଶମାନଙ୍କ ଏକଜୁଟ ଯୁଦ୍ଧକୁ ଅଧିକ ଉଗ୍ର କରିବା ସହ ଦୁନିଆକୁ ତୃତୀୟ ବିଶ୍ୱ ଯୁଦ୍ଧ ମୁହାଁ କରିବନି ତ
ଆତଙ୍କୀ ମୁଳପୋଛ ପାଇଁ ଇସ୍ରାଏଲ ପ୍ରତିଜ୍ଞା କରିଥିବାବେଳେ ଏବେ ଆମେରିକାର ସାମରିକ ସମର୍ଥନ ଦେଶକୁ ଅଧିକ ମଜବୁତ କରିଛି । ପଛକୁ ପଛ ଭାରତ, ବ୍ରିଟେନ୍, ଫ୍ରାନ୍ସ, ଅଷ୍ଟ୍ରେଲିଆ, ଜର୍ମାନୀ, ୟୁଏଇର ମଧ୍ୟ ସମର୍ଥନ ରହିଛି । ତେବେ ଇସ୍ରାଏଲକୁ ଶକ୍ତିଶାଳୀ ରାଷ୍ଟ୍ର ଆମେରିକାର ସମର୍ଥନ ବିଶ୍ୱ ପାଇଁ ନୂଆ ଆହ୍ୱାନ ଆଣିପାରେ ।